На чужыне

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
На Чужыне
Тэматыка літаратурна-грамадзянскі часопіс
Пэрыядычнасьць Штомесяц
Краіна Сьцяг Латвіі Латвія
Адрас
Заснавальнік Бацькаўшчына
Выдавец Бацькаўшчына
Галоўны рэдактар Казячы, Рыгор(Грыгор)
Дата заснаваньня 1920
Мова беларуская
Аб’ём 18 старонак

«На Чужыне» — ілюстраваны літаратурна-грамадзянскі часопіс. Выдаваўся ў Рызе. Вядомы адзін нумар.

Гісторыя[рэдагаваць | рэдагаваць крыніцу]

Пры складаных умовах вайны Расеі з Польшчай на абшарах Беларусі ўрад Беларускай Народнай Рэспублікі працягваў мацаваць міждзяржаўныя стасункі з краінамі суседзямі.[1][2] Восеньню 1919 г. ў Рызе запрацавала поўнамоцнае прадстаўніцтва — Вайскова-дыпляматычная місія на чале з Кастусём Езавітавым.[3] 7-га верасьня 1919 г. ў Рызе на агульным сходзе была абрана Рада Беларускай Калёніі ў Латвіі зь дзевяці чальцоў, якія прызначылі Прэзыдыюм Рады Беларускай Калёніі ў Латвіі ў складзе: Я. Данілюк — старшыня Рады, А. Сьцяпура — намесьнік старшыні, П. Цьвяткоў — сэкрэтар. Адрас Рады Беларускай Калёніі ў Латвіі — места Рыга, Бульвар Тотлебена(lv) 7, кв, 3. (56°57′27.25″ пн. ш. 24°06′26.92″ у. д. / 56.9575694° пн. ш. 24.1074778° у. д. / 56.9575694; 24.1074778).[4][5][6][7] У пач. 1920, зь ініцыятывы старшыні Вайскова-дыпляматычнай місіі БНР у Латвіі і Эстоніі Кастуся Езавітава, адчыняецца ў Рызе аддзел культурна-асьветніцкага таварыства Бацькаўшчына, створанага ў Менску 18 верасьня 1918 году. Адрас культурна-асьветніцкага таварыства Бацькаўшчына — места Рыга, вул. Крэпастная 3/5, кв. 14.[8] Таварыства друкавала на беларускай мове кнігі і часопіс «На Чужыне» — ілюстраваны літэратурна-грамадзянскі штомесячнік. Першы нумар 03 Сакавіка 1920 г.[9] Адрас рэдакцыі і канторы — места Рыга, Бульвар Тотлебена(lv) 7, кв, 5. (56°57′27.25″ пн. ш. 24°06′26.92″ у. д. / 56.9575694° пн. ш. 24.1074778° у. д. / 56.9575694; 24.1074778). Друкарня Э. Левіна — Рыга, вул. Гасподская(lv) 26. (56°56′44.22″ пн. ш. 24°06′36.40″ у. д. / 56.9456167° пн. ш. 24.1101111° у. д. / 56.9456167; 24.1101111).

Меркавалася працягваць выданьне часопіса. Рэдакцыя апавясьціла зьмест наступнага нумара. Але на загад міністра ўнутраных спраў Латвіі часопіс быў забаронены. Нагодай стала карта Беларусі, надрукаваная на вокладцы, якая ўключала й частку тэрыторыі Латвійскай Рэспублікі.[10]


Зьмест «На чужыне» № 1[рэдагаваць | рэдагаваць крыніцу]

Тэксты[рэдагаваць | рэдагаваць крыніцу]

1. Артыкул Рэдакцыі. 2. Думкі Беларуса на чужыне — верш Янкі Купалы. 3. Покліч Бацькі — верш Ген. Булак-Балаховіча.4. Беларусы ў Латвіі. 5. Беларусы ў Эстіі. 6. Беларусы ў Фінляндыі. 7. Беларусы ў Летуве. 8. Беларусь паміж сваймі суседзямі — артыкул А. Смоліча. 9. Весткі з Бацькаўшчыны . 10. Беларуская Марсэльеза. 11. Беларускі друк. 12. Паштовая скрынка.

Малюнкі[рэдагаваць | рэдагаваць крыніцу]

1. Група чальцоў Рады Беларускай Калёніі ў Латвіі 2. Палкоўнік К. Езавітаў. 3. Падпалкоўнік Р. Шолкаў. 4. Генэрал-маёр Булак-Балаховіч. 5. Інжэнер К. Душэўскі са сваім Ад’ютантом Капітанам Кордам і Сэкрэтаром М. Ляховічам. 6. Беларуская танцоўшчыца Фэліцэта Данілюк. 7. П. А. Крэчэўскі. 8. Подпаручік Мацыеллі. 9. Язэп Варонка. 10. Доктар Антон Луцкевіч. 11. Сымон Рак-Міхайлоўскі. 12. Беларуск. Камандатура ў Горадні. 13 Тамаш Грыб. 14. Язэп Мамонька. 15. Беларусы і амэрыканцы ў Горадні.

Ноты[рэдагаваць | рэдагаваць крыніцу]

Беларускі Рэвалюцыйны Гімн.

Мапы[рэдагаваць | рэдагаваць крыніцу]

1. Палажэньне Беларусі ў Эўропе. 2. Межы Беларусі.

Зьмест «На чужыне» № 2[рэдагаваць | рэдагаваць крыніцу]

а) артыкулы: Беларусы ў Францыі, Беларусы ў Чэхіі, Беларусы ў Польшчы, Беларусы ва Украіне, Беларусы на Дану, Беларусы на Каўказе, Беларусы ў Нямеччыне і іншыя, б) малюнкі: партрэты нашых прадстаўнікоў пры ўрадах Эўропы і фатаграфіі груп беларускіх дзеячаў і нацыянальных устаноў на чужыне, в) мапы і ноты.

Галоўныя рэдактары[рэдагаваць | рэдагаваць крыніцу]

Казячы, Грыгор(Рыгор) — 1920.

Крыніцы[рэдагаваць | рэдагаваць крыніцу]

  1. ^ К. Езавітаў Беларусы і палякі. Дакументы і факты з гісторыі акупацыі Беларусі палякамі ў 1918 і 1919 г.г.. — Коўна: Таварыства імя Ф. Скарыны, 1919. — С. 89-94. — 124 с.
  2. ^ Антон Луцкевіч Польская окупацыя Беларусі.. — Вільня: Друкарня Кооп. Т-ства ДРУК. Троцкая 13., 1920. — 20 с.
  3. ^ Пріѣздъ въ Ригу военно-политической миссіи Бѣлорусской Народной Республики. / В. Н. Пановъ // Сегодня(Независимая демократическая газета. Рига, Гердерова площадь № 1) : газэта. — Рыга: Т-во «Народъ» въ лицѣ Як. Брамса, 03 кастрычніка 1919. — № 17. — С. 2.
  4. ^ «На чужыне» № 1. с. 3
  5. ^ Засѣданіе Бѣлорусской Рады въ Ригѣ / В. Н. Пановъ // Сегодня(Независимая демократическая газета. Рига, Гердерова площадь № 1) : газэта. — Рыга: Т-во «Народъ» въ лицѣ Як. Брамса, 04 кастрычніка 1919. — № 18. — С. 2.
  6. ^ Чрезвычайное Собраніе Національной Рады Бѣлорусской колоніи въ Латвіи  / В. Н. Пановъ // Сегодня(Независимая демократическая газета. Рига, Гердерова площадь № 1) : газэта. — Рыга: Т-во «Народъ» въ лицѣ Як. Брамса, 02 лістапада 1919. — № 40. — С. 2.
  7. ^ Рада Бѣлорусской колоніи въ Латвіи. Общее собраніе.  / В. Н. Пановъ // Сегодня(Независимая демократическая газета. Рига, Гердерова площадь № 1) : газэта. — Рыга: Т-во «Народъ» въ лицѣ Як. Брамса, 18 лютага 1920. — № 40. — С. 4.
  8. ^ Хроника. При бѣлорусск. курьтурно-просвѣтительномъ обществѣ "Бацькаўщына".  / В. Н. Пановъ // Сегодня(Независимая демократическая газета. Рига, Гердерова площадь № 1) : газэта. — Рыга: Т-во «Народъ» въ лицѣ Як. Брамса, 31 сакавіка 1920. — № 74. — С. 3.
  9. ^ Библіографія. «На Чужыне»  / В. Н. Пановъ // Сегодня(Независимая демократическая газета. Рига, Гердерова площадь № 1) : газэта. — Рыга: Т-во «Народъ» въ лицѣ Як. Брамса, 06 сакавіка 1920. — № 54. — С. 3.
  10. ^ Архівы Беларускай Народнай Рэспублікі. Фонд № 582 Дзяржаўнага Архіву Літвы. «Рада Міністраў Беларускай Народнай Рэспублікі» / Сяргей Шупа. — Vilnius, New York, Менск, Praha: Беларускі інстытутт навукі й мастацтва: Таварыства беларускага пісьменства, 1998. — Т. 1. Кніга 1. — С. 500. — 850 с. — ISBN 9986-9219-2-9

Літаратура[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]