Беларускі голас (1910)

Зьвесткі зь Вікіпэдыі — вольнай энцыкляпэдыі
«Беларускі голас»
Тып газэта
Выдавец А. Ф. Беняш-Кржыжэц
Галоўны рэдактар А. Ф. Беняш-Кржыжэц
Заснаваная 6 лютага 1910
Закрытая 16 сакавіка 1910
Палітыка нацыяналістычная, заходнерусісцкая
Мова расейская
Штаб-кватэра Гомель, Расейская імпэрыя

«Беларускі голас» (па-расейску: Белорусский голос) — грамадзка-палітычная і літаратурная газэта, якая выдавалася ў Гомлі з 24 студзеня (6 лютага) па 3 (16) сакавіка 1910 року на расейскай мове (друкаваліся таксама беларускія народныя песьні на «беларускім прыслоўі»).

Газэта зьяўлялася фактычна друкаваным органам гомельскага аддзяленьня Саюзу расейскага народу і стаяла на пазыцыях заходнерусізму, лічачы беларусаў адной з галінаў расейскага народу.

Выходзіла двойчы ў тыдзень (у сераду і нядзелю). Рэдактар і выдавец А. Ф. Беняш-Кржыжэц. Агітавала за абраньне расейскіх нацыяналістаў у Гомельскую гарадзкую думу, заклікала байкатаваць жыдоўскія тавары, падтрымлівала гарадзкога старшыню І. Дамбровіча. Усяго выйшла 10 нумароў.