Гісторыя беларускай (крыўскай) кнігі

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Гісторыя беларускай (крыўскай) кнігі
Ластоўскі В. Гісторыя беларускай (крыўскай) кнігі.pdf
Жанр: манаграфія[d]
Аўтар: Вацлаў Ластоўскі
Мова арыгіналу: беларуская мова
Публікацыя: 1926
Колькасьць старонак: 776
Ілюстратар: Мсьціслаў Дабужынскі
Wikisource-logo.svg Вікікрыніцы зьмяшчаюць поўны тэкст гэтага твору

«Гісторыя белару́скай (кры́ўскай) кні́гі: спроба паясні́цельнай кні́гапісі ад ка́нца Х да пача́тку ХІХ стагодзьдзя» — манаграфія Вацлава Ластоўскага, прысьвечаная гісторыі беларускай літаратуры. Кніга была падрыхтаваная і выдадзеная ў 1926 годзе да 400-годзьдзя беларускага друку ў Вільні, якое шырока адзначыла беларуская эміграцыя[1].

Кніга была падрыхтаваная вельмі хутка, але перад гэтым вялася агромністая праца ў вывучэньні гістарычных шляхоў беларускага пісьменства і друку і шэраг апублікаваных нарысаў[1].

У 2012 манаграфія была перавыдадзеная факсымальным выданьнем[2].

Афармленьне[рэдагаваць | рэдагаваць крыніцу]

У кнізе зьмешчана звыш 900 дакумантаў, сярод якіх былі рукапісныя і друкаваныя кнігі, акты, разьмешчаныя паводле стагодзьдзяў і альфабэту. Каля паловы зь іх атрымала разгорнутую характарыстыку. Дадзеныя таксама зьвесткі пра знаходжаньне помнікаў пісьмовасьці, пра іх аўтараў ды навуковыя і мастацкія ацэны[1].

Каб было прасьцей арыентавацца, у кнізе зроблены слоўнікавы і тэматычны паказальнік. У слоўнікавы ўключаны пэрсанальныя, геаграфічныя і аўтарскія рубрыкі. У тэматычным старажытнабеларуская літаратура разьмеркаваная паводле зьместу, што тады было новым для беларускай літаратуры і бібліяграфіі[1].

Ілюстрацыйны матэрыял для кнігі падбіраўся з прыватных і дзяржаўных сховішчаў у розных краінах. Мастацкае афармленьне выканаў Мсьціслаў Дабужынскі, які жыў тады ў Летуве[1].

Крытыка[рэдагаваць | рэдагаваць крыніцу]

У «Przegłądze Wileńskim» (1927, № 10) аўтар рэцэнзіі выказваў захапленьне стараннасьцю і велізарнасьцю працы Ластоўскага[1].

Некаторыя крытыкі палічылі залішнімі зьвесткі з гісторыі або з гісторыі народнай асьветы або іншых галінаў беларусазнаўства[1].

У тагачасных палітычных і гістарычных умовах «Гісторыя беларускай (крыўскай) кнігі» не магла быць запатрабаванай у БССР[1].

Змест[рэдагаваць | рэдагаваць крыніцу]

  • Прадмова
  • Уступ
  • Канец Х-га і XІ стагодзьдзе
  • XII стагодзьдзе
  • XIII стагодзьдзе
  • XIV стагодзьдзе
  • XV стагодзьдзе
  • XVI стагодзьдзе
  • XVII стагодзьдзе
  • XVIII стагодзьдзе
  • Слоўнік помнікаў старакрыўскай (беларускай) пісьменнасьці
  • Выказ імён і рэчаў
  • Выказ старакрыўскай (беларускай) пісьменнасьці паводле зьместу
  • Выказ аўтораў, творы каторых або мысьлі выкарыстаны пры апрацаваньні гэтай кнігі
  • Важнейшыя папраўкі друку

Выданьні[рэдагаваць | рэдагаваць крыніцу]

  • Ластоўскі, В. Гісторыя беларускай (крыўскай) кнігі. Спроба паясьніцельнай кнігопісі ад канца Х да пачатку ХІХ стагодзьдзя / В. Ластоўскі. — Коўна: Друкарня Сакалоўскага і Лана, 1926. — 776 с; іл.

Крыніцы[рэдагаваць | рэдагаваць крыніцу]

Літаратура[рэдагаваць | рэдагаваць крыніцу]

Саітава, В. І., Кузьмініч Т. В. Гісторыя беларускай бібліяграфіі. Тэксты лекцый для студэнтаў ІІ курса ФІДК і ФЗН (бел.). — Мінск: 2007.

Вонкавыя спасылкі[рэдагаваць | рэдагаваць крыніцу]