Сяргей Сахараў

Сяргей Сахараў
Дата нараджэньня	29 верасьня 1880(1880-09-29)
Месца нараджэньня	Полацак, Віцебская губэрня, Расейская імпэрыя
Дата сьмерці	22 красавіка 1954(1954-04-22) (73 гады)
Месца сьмерці	Рыга, Латвійская ССР
Месца пахаваньня	Рыга
Месца вучобы	Юр'еўскі ўнівэрсытэт
Занятак	фальклярыст, этноляг, этнограф
Навуковая сфэра	фальклярыстыка, этнаграфія, гісторыя
Месца працы	Віцебскі настаўніцкі інстытут Дзьвінская дзяржаўная беларуская гімназія
Вядомы як	дасьледнік народнай культуры беларусаў Латгаліі
Сяргей Сахараў у Вікісховішчы

Сяргей Пятровіч Сахараў (29 верасьня 1880, Полацак — 22 красавіка 1954, Рыга) — гісторык праваслаўнай царквы, беларускі фальклярыст, этнограф, пэдагог.

Біяграфія

У 1895 скончыў Віцебскую духоўную сэмінарыю, у 1911 — Юр’еўскі ўнівэрсытэт (Тарту). У 1911—1913 выкладаў у гімназіях і настаўніцкім інстытуце ў Віцебску, адначасова працаваў сакратаром Віцебскай навуковай архіўнай камісіі, потым інспэктарам народных школаў у Юр’еўскім павеце, дырэктарам-арганізатарам Люцынскай расейскай мескай гімназіі, загаднікам дашкольнага пададдзелу Люцынскага павятовага аддзелу народнай асьветы. 3 1921 да 1925 узначальваў Беларускі аддзел пры Міністэрстве асьветы Латвіі. У 1925—1932 дырэктар Дзьвінскай беларускай гімназіі, актыўны удзельнік культурна-грамадзкага жыцьця беларусаў у Латвіі.

Зьбіраць і публікаваць беларускую вусна-паэтычную творчасць пачаў у 1906. Апублікаваў шэраг гістарычна-этнаграфічных артыкулаў пра каменныя крыжы на Беларусі, пра старажытныя народныя музычныя інструмэнты, кнігадрукаваньне, вывучаў гістарычныя і культурныя сувязі беларусаў з прыбалтыйскімі народамі. Падрыхтаваў 4 выпускі «Народнай творчасьці латгальскіх і ілукстэнскіх беларусаў». Выступаў у друку з навукова-папулярнымі нарысамі, прысьвечанымі старажытнай Полаччыне, полацкаму князю Ўсяславу Брачыславічу, а таксама беларускім этнографам і фальклярыстам Паўлу Шэйну, Еўдакіму Раманаву, гісторыку Аляксею Сапунову. Рукапісы фальклёрна-этнаграфічных матэрыялаў і літаратурва-публіцыстычная спадчына Сяргея Сахарава зьберагаюцца ў бібліятэках НАН Беларусі, Латвіі і Летувы.

Публікацыі

• Сахараў, С. П. Народная творчасьць латгальскіх і ілукстэнскіх беларусаў. Выпуск 1. Рыга: Выданьне таварыства беларусаў Латвіі, 1940. -160 с.

Літаратура

• Памяць: Гіст.-дакум. хроніка Мінска. У 4 кн. Кн. 1-я. — Мн.: БЕЛТА, 2001. — 576 с.: іл. ISBN 985-6302-33-1.