Беларуская газэта (1941)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Беларуская газэта
Заснаваная 27 ліпеня 1941
Мова беларуская
Штаб-кватэра Менск

«Беларуская газэта» («Менская газэта» да 5 лютага 1942 году). Выдавалася з 27 ліпеня 1941 да 28 чэрвеня 1944 году ў Менску на беларускай мове пад кантролем нямецкіх акупацыйных уладаў; самае буйное беларускае антысавецкае пэрыядычнае выданьне ў пэрыяд Другой сусьветнай вайны. Рэдактары А. Сянькевіч, У. Казлоўскі, А. Дземчанка, М. Шкялёнак.

Рэдакцыя «Беларускай газеты» і «Голасу вёскі».
Сядзяць (зьлева направа): Уладзіслаў Казлоўскі, Натальля Арсеньнева, Аляксей Сянькевіч.
Стаяць (зьлева направа): Уладзімер Кушаль, Антон Адамовіч, Караленка. Менск, сьнежань 1942 г.

Распаўсюджвалася на тэрыторыі Генэральнай акругі Беларусь. «Беларуская газэта» мела на мэце папулярызацыю беларускай ідэі і культуры, кансалідацыю беларускага народу на антысавецкай плятформе, барацьбу з бальшавізмам.

Шмат увагі аддавала праблемам моўнай палітыкі, выкладаньня ў пачатковай школе, падрыхтоўкі настаўніцкіх кадраў, выхаваньня нацыянальнай самасьвядомасьці, арганізацыі культурнага жыцьця на месцах. Інфармавала пра дзейнасьць Беларускай народнай самапомачы, Беларускай краёвай абароны, Беларускай цэнтральнай рады, Саюзу беларускай моладзі.

Друкавала папулярныя нарысы па гісторыі і культуры Беларусі, матэрыялы па гісторыі беларускай эміграцыі, пра беларускія традыцыі і абрады, паходжаньне беларускай сімболікі і інш. На старонках газэты зьмешчаны ўспаміны ўдзельнікаў грамадзянскай вайны, матэрыялы пра сталінскія злачынствы (артыкулы пра Катынскі расстрэл, лягеры НКУС, успаміны Ф. Аляхновіча «У кіпцюрах ГПУ», сьведчаньні былых вязьняў і інш.), творы Н. Арсеньневай, Л. Геніюш, М. Зарэцкага, М. Багдановіча, М. Загорскага, літаратурна-крытычныя артыкулы, рэцэнзіі і інш.

Друкавала прамовы і артыкулы кіраўнікоў нацысцкай Нямеччыны, распараджэньні, звароты і аб’явы акупацыйных уладаў, агляды нацысцкай прэсы, асьвятляла і камэнтавала падзеі на франтах Другой сусьветнай вайны, міжнароднага становішча, прапагандавала эканамічныя і палітычныя мерапрыемствы акупацыйнай адміністрацыі.

Выйшла 272 нумары.

Літаратура[рэдагаваць | рэдагаваць крыніцу]