Беларускі сьцяг (1922)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Беларускі сьцяг
Пэрыядычнасьць штомесяц
Мова беларуская
Адрас Коўна, Сенатарская вул. 8
Галоўны рэдактар Клаўдзі Дуж-Душэўскі
Выдавец Урад БНР
Краіна Сьцяг Летувы Летува
Дата заснаваньня красавік 1922
Аб’ём 35 старонак

«Беларускі сьцяг» — штомесячны грамадзка-палітычны і літаратурны часопіс, орган ураду Беларускай Народнай Рэспублікі.

Выдаваўся ў красавіку — верасьні 1922 у Коўна на беларускай мове. Рэдактар-выдавец Клаўдзі Дуж-Душэўскі.

Галоўная мэта выданьня, на думку рэдакцыі, заключалася ў абароне незалежнай беларускай дзяржаўнасьці, павышэньні грамадзкай сьвядомасьці, умацаваньні волі да барацьбы шляхам асьвятленьня ўсіх бакоў беларускага жыцьця. Разглядаў палітычныя і грамадзкія падзеі ў Заходняй Беларусі, Польшчы, Летуве, Латвіі і БССР, уздымаў пытаньні вызваленчага руху і будучыні беларускага народу. Публікаваў артыкулы па праблемах барацьбы за адраджэньне і незалежнасьць Беларусі.

Некаторыя аўтары: Аляксандар Цьвікевіч (псеўд. А. Галынец і крыптанімам А. Ц.), Вацлаў Ластоўскі (псеўд. Власт), Ян Станкевіч, Іван Цьвікевіч (псеўд. І. Трызна, Ів. Яцьвяг), Вячаслаў Багдановіч (псеўд. Вячаслаў Сьвятагор) і інш.

Выйшла 4 нумары.

Літаратура[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]