Голас беларуса (1925)
| Голас беларуса | |
| Тып | газэта |
|---|---|
| Выдавец | Кастусь Езавітаў |
| Краіна | |
| Галоўны рэдактар | Кастусь Езавітаў |
| Рэдактар | Кастусь Езавітаў |
| Заснаваная | 1925 |
| Закрытая | 1930 |
| Палітыка | Бацькаўшчына |
| Мова | беларуская |
| Штаб-кватэра | Рыга |
«Го́лас белару́са» — штотыднёвая сялянска-работніцкая газэта, орган беларускай нацыянальнай меншасьці ў Латвіі. Выдавалася ў 1925—1930 гг. у Рызе на беларускай мове. Рэдактар-выдавец Кастусь Езавітаў.
Ставіла за мэту абуджаць нацыянальную сьвядомасьць беларусаў у Латвіі, гуртаваць іх на сацыяльна-эканамічным і нацыянальным грунце, абараняць інтарэсы беларускага сялянства, работнікаў і інтэлігенцыі, разьвіваць культурную і нацыянальную самабытнасьць.
Пісала пра дзейнасьць суполак, таварыстваў, інфармавала пра стан асьветы, школьнай справы, жыцьцё беларусаў у Летуве, Чэхаславаччыне, Сібіры, Савецкай Беларусі. На старонках газэты зьмешчаныя матэрыялы пра стварэньне Беларускага нацыянальнага камітэту ў Латвіі, арышты беларускіх грамадзкіх дзеячаў і дэпутатаў сэйму ў Польшчы, справаздача Езавітава пра Акадэмічную канфэрэнцыю па рэформе беларускага правапісу і азбукі (Менск, 1926), інфармацыя пра кніжныя навінкі ў Менску, вершы Віктара Вальтара, П. Сокала і інш., пераклады на беларускую мову твораў Яніса Райніса. Перадрукоўвала матэрыялы з газэт «Савецкая Беларусь», «Беларуская вёска» і інш.
Літаратура
[рэдагаваць | рэдагаваць крыніцу]- Панізьнік, С., Сакалоўскі, У. «Голас беларуса» // Энцыклапедыя гісторыі Беларусі. У 6 т. / Беларус. Энцыкл.; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн.: БелЭн, 1996. — Т. 3: Гімназіі — Кадэнцыя. — 527 с. — ISBN 985-11-0041-2 С. 55—56