Віктар Казько

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Віктар Казько
Віктар Казько.jpg
Асабістыя зьвесткі
Нарадзіўся 23 красавіка 1940 (79 гадоў)
Каленкавічы, Гомельская вобласьць
Літаратурная дзейнасьць
Род дзейнасьці празаік
Гады творчасьці 1962 — цяперашні час
Жанр аповед, раман
Мова беларуская мова і расейская мова
Дэбют 1971
Значныя творы «Хроніка дзетдомаўскага саду»
Прэміі Дзяржаўная прэмія Беларусі імя Якуба Коласа,
прэмія Ленінскага камсамолу
Гліняны Вялес (2009)
Узнагароды
Ордэн «Знак Пашаны» Прэмія Ленінскага камсамола
http://kamunikat.org/Kazko_Viktar.html

Віктар Казько (нарадзіўся 23 красавіка 1940) — беларускі празаік, піша на беларускай і расейскай мовах.

Біяграфія[рэдагаваць | рэдагаваць крыніцу]

У гады Вялікай Айчыннай вайны ад выбуху бомбы загінула маці, замерзла маленькая сястрычка. Пасьля вайны Віктар не прыжыўся ў новай сям’і бацькі, падлеткам сышоў з дому. Выхоўваўся ў Вільчанскім і Хойніцкім дзіцячых дамах на Палесьсі. Пасьля сканчэньня ў 1956 васьмі клясаў, вучобу працягваў у Кемераўскім горным індустрыяльным тэхнікуме. Потым працаваў у шахце, у геолягаразьведцы. Яго ўражаньні пра гэты час рэалізаваліся ў аповесьцях «Цёмны лес — тайга густая» (1973), «Дзень добры й бывай» (1974), напісаных на расейскай мове.

3 1962 году зьвязаў свой лёс з журналістыкай: быў загадчыкам аддзела прамысловасьці таштагольскай гарадзкой газэты «Красная Шорня», літаратурным супрацоўнікам абласной газэты «Комсомолец Кузбасса», карэспандэнтам абласнога радыё. У 1970 скончыў завочнае аддзяленьне Літаратурнага інстытуту імя А. М. Горкага. Праз год пераехаў у Менск. 3 1971 году Казько супрацоўнік газэт «Чырвоная змена», «Советская Белоруссия», у 1973—1976 гадох — часопіса «Нёман». 3 1976 году на творчай рабоце. У 1985—1988 гадох сакратар Саюза пісьменьнікаў БССР. 3 1988 году зноў на творчай рабоце.

Творы[рэдагаваць | рэдагаваць крыніцу]

  • 1972 «Высакосны год»
  • 1973 «Цёмны лес — тайга густая»
  • 1974 «Дзень добры й бывай»
  • 1978 «Суд у Слабадзе»
  • 1978 «Цвіце на Палессі груша»
  • «Неруш»
  • 1987 «Хроніка дзетдомаўскага саду» — раман
  • 1990 «Но пасаран» — аповесьць
  • 1991 «Выратуй і памілуй нас, чорны бусел»
  • 2009 «Бунт незапатрабаванага праху» — кніга прозы

Экранізацыі на кінастудыі «Беларусьфільм»[рэдагаваць | рэдагаваць крыніцу]

  • «Паводка»
  • «Сад»
  • «Судны дзень»
  • 2009 «Знакі лёсу. Віктар Казько» — дакумэнтальны фільм аб пісьменьніку[1]

Узнагароды[рэдагаваць | рэдагаваць крыніцу]

  • 1977 — Прэмія Ленінскага камсамолу (за кнігу «Добры дзень і бывай»)
  • 1982 — Дзяржаўная прэмія Беларусі імя Якуба Коласа (за аповесьць «Суд у слабадзе»)
  • 2009 — Гліняны Вялес (за кнігу прозы «Бунт незапатрабаванага праху»)

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]