Эдуард Акулін

	Эдуард Акулін
Асабістыя зьвесткі
Нарадзіўся	7 студзеня 1963 (61 год); Вялікія Нямкі[d], Гомельскі раён, Гомельская вобласьць, БССР, СССР;
Літаратурная дзейнасьць
Род дзейнасьці	перакладнік, паэт
Мова	беларуская мова
Узнагароды	Гліняны Вялес (2014) Літаратурная прэмія імя Міколы Ганька[d] (2013) Лятучае срэбнае пяро[d] (2016)

Эдуа́рд Алякса́ндравіч Аку́лін (нар. 7 студзеня 1963, в. Вялікія Нямкі, Веткаўскі раён, Гомельская вобласьць) — беларускі паэт, перакладчык, бард.

Жыцьцяпіс

Скончыў Гомельскі дзяржаўны ўнівэрсытэт і асьпірантуру НАН Беларусі. Працаваў настаўнікам, загадчыкам філіялу Літаратурнага музэю Максіма Багдановіча «Беларуская хатка», намесьнікам галоўнага рэдактара часопісу «Першацвет», загадчыкам аддзелу паэзіі часопісу «Полымя», намесьнікам галоўнага рэдактара часопісу «Дзеяслоў» і намесьнікам старшыні Саюзу беларускіх пісьменьнікаў. З 2009 па 2021 год зьяўляўся галоўным рэдактарам літаратурна-мастацкага часопісу «Верасень».

Творчасьць

Вершы Акуліна перакладаліся на ангельскую, францускую, італьянскую, украінскую, расейскую, польскую, баўгарскую, славенскую, харвацкую, сэрбскую, летувіскую, латыскую і нямецкую мовы.

Зьяўляецца аўтарам шматлікіх перакладаў з украінскай, польскай, летувіскай, славенскай, баўгарскай і нямецкай моваў. Аўтара драматычнай містэрыі «На Каляды» (1996).

Зборнікі паэзіі

1988 — «Лес дзённага асьвятленьня»
1990 — «Пяшчота ліўня»
1995 — «Крыло анёла»
2000 — «Радно»
2003 — «Непрычалены човен»
2009 — «Вітражы»
2012 — «Малітва воч»
2013 — «Сьвятая ноч»

Альбомы

1995 — «Мая Крывія» (магнітаальбом)
2000 — «Як яна і я» (магнітаальбом)
2003 — «Напачатку была Песьня» (CD)
2008 — «Песьні залатой Крывіі» (CD)
2013 — «Не магу жыць без крыл…» (CD)

Узнагароды

1993 — Ляўрэат Першага нацыянальнага фэстывалю беларускай бардаўскай песьні
2014 — Ляўрэат літаратурнай прэміі «Гліняны Вялес»
2016 — Ляўрэат літаратурнай прэміі «Срэбнае лятучае пяро», Баўгарыя

Крыніцы

^ Нацыянальная служба Чэскай рэспублікі

Літаратура

Эдуард Аляксандравіч Акулін // Беларускія пісьменьнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: БелЭн, 1992—1995.

Вонкавыя спасылкі

Эдуард Акулін на сайце Будзьма

[_1e7234e74a8a53d9-1] Нацыянальная служба Чэскай рэспублікі

[1]