Васіль Вітка

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Васіль Вітка
Асабістыя зьвесткі
Імя пры нараджэньні Цімафей Васільевіч Крысько
Нарадзіўся 16 траўня 1911
в. Еўлічы, Слуцкі павет, Менская губэрня, Паўночна-Заходні край, Расейская імпэрыя
Памёр 5 ліпеня 1996
Менск, Беларусь
Літаратурная дзейнасьць
Род дзейнасьці журналіст
Жанр Верш
Мова беларуская мова
Дэбют 1928 год
Значныя творы кнігі «Беларуская калыханка» (1971), «Казкі» (1968) і «Чытанка-маляванка» (1971)
Прэміі Дзяржаўная прэмія БССР (1972)
Узнагароды
Ордэн Кастрычніцкай Рэвалюцыі
Ордэн Працоўнага Чырвонага Сьцягу
Ордэн «Знак Пашаны»
Мэдаль Францішка Скарыны
Творы на сайце Knihi.com

Васі́ль Ві́тка (сапраўднае імя Цімафе́й Васі́льевіч Крысько́; 16 траўня [ст. ст. 3 траўня] 1911; вёска Еўлічы, цяпер Слуцкі раён, Менская вобласьць, Беларусь — 5 ліпеня 1996) — беларускі савецкі паэт, драматург, клясык беларускай дзіцячай літаратуры, заслужаны дзяяч культуры Беларускай ССР (1970).

Жыцьцяпіс[рэдагаваць | рэдагаваць крыніцу]

Нарадзіўся 16 траўня 1911 року ў вёсцы Еўлічы Менскай губэрні ў сялянскай сям’і.

Пасьля сканчэньня Слуцкай прафтэхшколы ў 1928 працаваў сьлесарам на Бабруйскім дрэваапрацоўным камбінаце, у заводзкай шматтыражцы (1929—1930), рэдакцыях газэтаў «Камуніст» (Бабруйск, 1930—1933), «Ударнік» (Жлобін, 1933—1935), «Чырвоная змена» (1935—1937), «Літаратура і мастацтва» (1937—1938) і часопісу «Полымя рэвалюцыі» (1938—1939).

Чалец КПСС з 1947.

У 1951—1957 — галоўны рэдактар беларускай штотыднёвай літаратурнай газэты «Літаратура і мастацтва».

Памёр 5 ліпеня 1996 року.

Творчасьць[рэдагаваць | рэдагаваць крыніцу]

Друкавацца пачаў у 1928 року.

Зборнікі паэзіі:

  • «Гартаваньне» (1944)
  • «Поўдзень» (1946)
  • «Вернасьць» (1953)
  • «Ружа і штык» (1958)
  • «Паверка» (1961)
  • «Вершы» (1968)
  • «Беларуская калыханка» (1971)
  • «Праводзіны лета» (1972)
  • «Вышыні сьвятла» (1977)
  • «Случчына» (1981)
  • «Трэція пеўні» (1988)

Для дзяцей:

  • «Вавёрчына гора» (1948)
  • «Бусьлінае лета» (1958)
  • «Казка пра цара Зубра» (1960)
  • «Зайчык-вадалаз» (1962)
  • «Дударык» (1964)
  • «Азбука Васі Вясёлкіна» (1965)
  • «Казкі» (1968)
  • «Чытанка-маляванка» (1971)
  • «Хто памагае сонцу» (1975)
  • «Казкі» (1976)
  • «Ладачкі-ладкі» (1977)
  • «Мы будуем мэтро» (1979)
  • «Менскія баляды» (1982)
  • «Казкі й краскі» (1984)
  • «Госьці» (1984)
  • «Загадка пра зярнятка» (1984)
  • «Дзецям» (выбраныя творы, 1986)
  • «Сьвята дружбы» (1987)

П’есы:

  • «Прамень будучыні» (1948)
  • «Шчасьце паэта» (1951, прысьвечаная жыцьцю Я. Купалы)

Пераклады:

Узнагароды[рэдагаваць | рэдагаваць крыніцу]

Узнагароджаны 2 ордэнамі, мэдалём Францішка Скарыны (10 кастрычніка 1991 року).

Заслужаны дзяяч культуры Беларускай ССР (1970). Ляўрэат Дзяржаўнай прэміі БССР (1972) (за кнігі «Беларуская калыханка», «Казкі» і «Чытанка-маляванка»[1].

Міжнародны ганаровы дыплём імя Андэрсэна з занясеньнем у Ганаровы сьпіс (1978).

Памяць[рэдагаваць | рэдагаваць крыніцу]

У роднай вёсцы Еўлічы (Слуцкі раён, Беларусь) імя Васіля Віткі носяць вуліца і школа. У 2011 г. яго імем назвалі бібліятэку № 6 у Менску[2].

Крыніцы і заўвагі[рэдагаваць | рэдагаваць крыніцу]

Літаратура[рэдагаваць | рэдагаваць крыніцу]

  • Лынькоў М. Шукальнік запаветнага слова, «Маладосць», 1961, № 5; Пісьменнікі Савецкай Беларусі. Кароткі біябібліяграфічны даведнік, Мінск, 1970

Вонкавыя спасылкі[рэдагаваць | рэдагаваць крыніцу]