Уладзімер Корбан

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Уладзімер Іванавіч Корбан
Асабістыя зьвесткі
Нарадзіўся 25 жніўня 1910
в. Барань, Аршанскі раён, Віцебская вобласьць
Памёр 30 лістапада 1971
Менск
Літаратурная дзейнасьць
Род дзейнасьці паэт, пісьменьнік
Гады творчасьці 1945—1971
Жанр байкі, аповеды
Мова беларуская
Дэбют 1945
Узнагароды Ордэн Працоўнага чырвонага Сьцяга, Айчыннай вайны ІІ ступені, Чырвонай зоркі, «Знак пашаны» і інш.
Творы на сайце Knihi.com

Уладзі́мер Іва́навіч Ко́рбан (25 жніўня 1910, в. Барань, Аршанскі раён, Віцебская вобласьць — 30 лістапада 1971, Менск) — беларускі савецкі паэт, пісьменьнік. Заслужаны дзяяч культуры БССР (1970). Быў сябрам КПСС.

Біяграфія[рэдагаваць | рэдагаваць крыніцу]

Нарадзіўся ў сям’і рабочых. Працоўны шлях пачаў токарам на заводзе ў Воршы «Чырвоны кастрычнік». У 1926 годзе. Сярэднюю адукацыю атрымаў у вячэрняй школе, якую закончыў у 1930 годзе. У 1930—1932 гадах быў токарам на суднабудаўнічым заводзе ў месьце Ленінград. З 1932 па 1934 гады служыў у войску СССР. Потым працаваў заўкомам на заводзе «Чырвоны кастрычнік» у Воршы, затым старшынём будкому льнокамбінату ў Воршы. З 1941 па 1946 гады ваяваў на баку СССР супраць Нямеччыны. Меў у сваім падпарадкаваньні стралковую роту, служыў у штабе дывізіі. У 1946 і ў 1948—1952 гадах працаваў на заводзе «Чырвоны кастрычнік» у Воршы. Займаў на заводзе пасады галоўнага мэханіка, галоўнага інжынэра, начальніка цэху й начальніка аддзела кадраў. З канца 1946 году па студзень 1948 году працаваў начальнікам заводу па вырабу цьвікоў, што ў Лідзе. З 1952 году ў часопісе «Вожык». З 1967 па 1971 гады быў галоўным рэдактарам гэтага часопіса.

Узнагароды[рэдагаваць | рэдагаваць крыніцу]

  • Ордэны:
  1. Ордэн Працоўнага чырвонага Сьцяга,
  2. Айчыннай вайны ІІ ступені,
  3. Чырвонай зоркі,
  • «Знак пашаны»

і інш.

  • Заслужаны дзяяч культуры БССР.

Творчасьць[рэдагаваць | рэдагаваць крыніцу]

Першыя байкі надрукаваў у БССР у 1945 годзе. Аўтар зборнікаў вершаў, баек і невялікіх апавяданьняў:

  • «Мы іх ведаем» (1950)
  • «Байкі» (1953)
  • «Зь вецярком» (1957)
  • «Дакладныя прыкметы» (1958)
  • «Гарачая прыпарка» (1959)
  • «Дзе гэта вуліца?… (1961)
  • «Сіняк» (1964)
  • «Не на сваім месцы» (1965)
  • «Сьвіньні ў рэпе» (1968)
  • «Дзям’янава юшка» (1970)
  • «Шклянка чаю» (1970)
  • «Закаханы морж» (1972)
  • «Выбранае» (1976)

Літаратура[рэдагаваць | рэдагаваць крыніцу]

  • Корбан Уладзімір Іванавіч // Беларускія пісьменнікі : біябібліяграфічны слоўнік : у 6 т. / рэдкал.: І. Э. Багдановіч [і інш.]. — Мн., 1993. — Т. 2. — С. 374.
  • Дорошенко В. О. Корбан Володимир Іванович // Українська літературна енциклопедія. — Т. 2. — К., 1990. — С. 564.