Францішак Грышкевіч

Францішак Грышкевіч
Дата нараджэньня	22 жніўня 1904(1904-08-22)
Месца нараджэньня	Сухаволя, Сакольскі павет, Гарадзенская губэрня, Літоўскае генэрал-губэрнатарства, Расейская імпэрыя
Дата сьмерці	1946
Месца сьмерці	Менск, СССР
Месца вучобы	Віленская беларуская гімназія Карлаў унівэрсытэт
Занятак	публіцыст, перакладнік, паэт
Францішак Грышкевіч у Вікісховішчы

Францішак (Франук) Грышкевіч (1904 або 1906, мястэчка Сухаволя Сакольскага павету Гарадзенскай губэрні — 1946, Менск) — беларускі паэт, публіцыст, перакладнік, пэдагог. Доктар філязофіі (1931).

Кіраўнікі Аб’яднаньня беларускіх студэнцкіх арганізацыяў у 1928 годзе. Зьлевага направа: Францішак Грышкевіч — сакратар, Васіль Русак — скарбнік, Вячаслаў Лаўскі — старшыня, Адольф Клімовіч — адзьдзел міжнародных зносін, Тамаш Грыб — віцэ-старшыня.

Скончыў Віленскую беларускую гімназію (1926), літаратурны факультэт Карлава ўнівэрсытэту (1931). На 3-м і 4-м зьездах Аб’яднаньня беларускіх студэнцкіх арганізацыяў ў Празе абіраўся сакратаром ураду АБСА.

Ад 1940 загадваў беларускімі школамі Віленскай школьнай акругі. Падчас нямецкай акупацыі працаваў дырэктарам Віленскай беларускай гімназіі. Удзельнічаў у 2-м Усебеларускім кангрэсе (1944), за што быў арыштаваны ў Вільні, пасьля заняцьця места Чырвонай Арміяй.

Публікаваўся ў газэтах «Беларуская крыніца», «Сялянская ніва», часопісе «Студэнцкая думка», «Родныя гоні», «Iskry Skaryny», «Крыгалом», «Беларускі летапіс», «Przegląd Wileński». Перакладаў з чэскай, нямецкай, сэрбахарвацкай, украінскай, славенскай моваў. У Празе актыўна супрацоўнічаў з часопісам «Slovanský přehled», рэцэнзаваў у ім менскія выданьні.

Творы

Аляксандар Ельскі. Адам Міцкевіч на Беларусі. (Пераклаў з польскага Фр. Гр.) // Студэнцкая думка : часопіс. — 1924. — № 1. — С. 14—16. Фр. Грышкевіч. Музэй Івана Луцкевіча. (У пятыя ўгодкі сьмерці 1919—1924). (Верш.) // Студэнцкая думка : часопіс. — 1924. — № 1. — С. 24. Фр. Грышкевіч. Пяльгрым. (Верш). // Студэнцкая думка : часопіс. — 1925. — № 1 (2). — С. 29. Фр. Грышкевіч. З народу мы... // Студэнцкая думка : часопіс. — 1926. — № 1 (7). — С. 1.

Фр. Грышкевіч. Веснавыя мэлёдыі. — Вільня: Беларускі інстытут гаспадаркі і культуры, 1927. — 80 с. Франук Грышкевіч. *** Ночка калматая, страхаў усіх маці… (Верш) // Родныя гоні : месячнік літаратуры й культуры Заходняе Беларусі. — 1927, красавік. — № 2. — С. 4. Фр. Грышкевіч. Думкі. // Студэнцкая думка : часопіс. — 1928. — № 1 (8). — С. 25, 26.

Літаратура

• Вяртаньне да сваіх, Станіслаў Грынкевіч, Франук Грышкевіч, Уладыслаў Казлоўшчык. — Беласток: Беларускі Саюз у Рэчыпаспалітай, 1999. — 190 с.
• Грышкевiч, Францішак / біяграфічныя зьвесткі — Л. В. Войцік, А. В. Мальдзіс; бібліяграфія — Я. А. Гарадніцкі // пад рэдакцыяй А. В. Мальдзіса. Беларускія пісьменнікі. Біябібліяграфічны слоўнік: у 6 т.. — Менск: Беларуская энцыклапедыя імя ПетрусяБроўкі, 1993. — Т. 2, Верабей-Іваноў. — С. 272—273. — ISBN 5-85700-060-2.
• ГРЫШКЕВІЧ Францішак // Маракоў Л.У. Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі, 1794—1991. Энц. даведнік. У 10 т. Т. 1. — Мн:, 2003. ISBN 985-6374-04-9.
• Мікалай Мікуліч. Паэзія Францішка Грышкевіча: матывы, вобразы, пафас. // Веснік БДУ : часопіс. — 2008. — № 1. Сер. 4. — С. 6—9.
• Янка Саламевіч. «Францішак Грышкевіч». // Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 1997. — Т. 5: Гальцы — Дагон. — 576 с. — ISBN 985-11-0090-0 — С. 488.