Вячаслаў Лаўскі
Вячаслаў Лаўскі (15 (27) лістапада 1900, в. Слачва, Наваградзкі павет — 1951, Інта, Комі АССР, ГУЛАГ) — беларускі грамадзка-палітычны дзяяч.
Біяграфія[рэдагаваць | рэдагаваць крыніцу]
У 1916 годзе ў бежанстве на Бабруйшчыне.
Зь вясны 1919 году браў удзел у арганізацыі на Ігуменшчыне беларускіх школаў. У 1920—1922 гадах вучыўся ў Наваградзкай беларускай гімназіі.
Навучаўся ў Праскім політэхнічным ўнівэрсытэце, які скончыў у 1929 годзе. Адзін з заснавальнікаў ў жніўні 1924 годзе Аб’яднаньня беларускіх студэнцкіх арганізацыяў (АБСА). Удзельнік 8-га кангрэсу Міжнаронай студэнцкай канфэрэнцыі ў Празе ў 1926 годзе. У 1925 годзе абраны сакратаром Рады БНР[1].
У выданьнях «Новы шлях», «Студэнцкая думка» надрукаваў шэраг апавяданьняў.
Па вяртаньні на Бацькаўшчыну ў 1930—1934 гадах выкладчык матэматыкі ў Наваградзкай беларускай гімназіі.
Падчас Другой сусьветнай вайны браў удзел у працы Лідзкай філіі Беларускага нацыянальнага камітэту.
Пасьля вайны арыштаваны. Загінуў у канцлягэры.
Крыніцы[рэдагаваць | рэдагаваць крыніцу]
- ^ Кароткі нарыс беларускага пытаньня. — Менск: І. П. Логвінаў, 2009.
Літаратура[рэдагаваць | рэдагаваць крыніцу]
- ЛАЎСКІ Вячаслаў Якубавіч // Маракоў Л.У. Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі, 1794—1991. Энц. даведнік. У 10 т. Т. 2. — Мн:, 2003. ISBN 985-6374-04-9.
- Энцыклапедыя гісторыі Беларусі. У 6 т.. Т. 4: Кадэты — Ляшчэня / Беларус. Энцыкл.; Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Менск: БелЭн, 1997. — 432 с.: іл. ISBN 985-11-0041-2.
- Кароткі нарыс беларускага пытаньня. — Менск: І. П. Логвінаў, 2009. — 396 с. — (Кнігарня «Наша Ніва»). ISBN 978-985-6901-22-8.
