Адольф Клімовіч

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Адольф Клімовіч
Adolf Klimovič.jpeg
Род дзейнасьці публіцыст, грамадзка-палітычны дзяяч
Дата нараджэньня 20 красавіка 1900
Месца нараджэньня в. Казаноўшчына, Сьвянцянскі павет, Расейская імпэрыя
Дата сьмерці 24 кастрычніка 1970
Месца сьмерці Вільня, Летувіская ССР
Альма-матэр Віленская беларуская гімназія
Занятак журналіст

Адольф Клімовіч (20 красавіка 1900, в. Казаноўшчына, Сьвянцянскі павет, цяпер в. Клюшчані, Астравецкі раён — 24 кастрычніка 1970, Вільня) — заходнебеларускі грамадзка-палітычны дзяяч.

Біяграфія[рэдагаваць | рэдагаваць крыніцу]

Нарадзіўся ў сям’і каваля. Скончыў Віленскую беларускую гімназію. Адзін з арганізатараў часопісу «Маладое жыцьцё». У 1928 годзе скончыў аграномію ў Карлавым унівэрсытэце. Тамака кіраваў аддзелам міжнародных зносінаў Аб’яднаньня беларускіх студэнцкіх арганізацыяў. Публікаваўся ў часопісе «Студэнцкая думка».

Па вяртаньні на Бацькаўшчыну актыўна ўдзельнічаў у беларускім руху. У 1929 годзе абраны віцэстаршынём БІГіК. У 19321939 рэдагаваў часопіс «Самапомач». Дзяяч Беларускай хрысьціянскай дэмакратыі, у 19391940 удзельнічаў у выданьні газэты «Беларуская крыніца». Выкладаў у Віленскай беларускай настаўніцкай сэмінарыі.

Падчас вайны працаваў у Беларускай самапомачы ў Лідзе.

У 1952 — арыштаваны МГБ БССР. 28 лютага 1953 ваенным трыбуналам Маскоўскай ваеннай акругі прысуджаны да вышэйшай меры пакараньня. У красавіку 1953 расстрэл заменены 25 гадамі зьняволеньня. Вярнуўся зь лягеру ў Вільню ў 1956 годзе.

Склаў біяграфічны слоўнік беларускіх культурных і палітычных дзеячоў — рукапіс захоўваецца ў Цэнтральнай навуковай бібліятэцы НАН Беларусі.

Літаратура[рэдагаваць | рэдагаваць крыніцу]