5 ліпеня

5 лі́пеня — 187-ы дзень году (186-ы ў невысакосным годзе) паводле Грыгарыянскага календару. Да канца году застаецца 180 дзён.

Падзеі

• 1439 — падпісаная Флярэнтыйская вунія
• 1687 — першая публікацыя «Матэматычных пачаткаў натуральнае філязофіі» Ісака Ньютана
• 1772 — Расея, Аўстрыя і Прусія заключылі ў Пецярбургу трактат пра падзел Рэчы Паспалітай (Першы падзел)
• 1811 — Вэнэсуэла першай з гішпанскіх калёніяў у Паўднёвай Амэрыцы абвясьціла сваю незалежнасьць
• 1920 — у часе польска-савецкай вайны адбылася Бітва пад Глыбокім
• 1938 — заснаваньне Нацыянальнага гістарычнага архіву Беларусі
• 1946 — на фэсьце моды ў Парыжы ўпершыню прэзэнтавалі купальнік-бікіні
• 1947 — Беларусь уступіла ў Сусьветны паштовы саюз
• 1954 — амэрыканскі сьпявак Элвіс Прэсьлі запісаў сваю першую песьню
• 1969:
• адкрыцьцё мэмарыяльнага комплексу «Хатынь»
• адкрыцьцё Кургана Славы Савецкай Арміі
• 1975 — абвяшчэньне незалежнасьці Каба-Вэрдэ
• 2001 — у Менску распачаўся III Зьезд беларусаў сьвету
• 2004 — прыняты закон «Аб дзяржаўных сымбалях Рэспублікі Беларусь» (№301-3)

Нараджэньні

• 1182 — Францішак з Асізі, заснавальнік ордэну Меншых Братоў, больш вядомага зараз як Ордэн Францішканаў, а таксама міранскага ордэну Братоў і Сёстраў Пакаяньня і (разам з Клараю з Асізі) жаночага ордэну Бедных Жанчынаў
• 1789 — Фадзей Булгарын, расейскі журналіст, пісьменьнік, літаратурны крытык
• 1805 — Віктор дэ Тарнако, люксэмбурскі палітычны й дзяржаўны дзяяч. Чацьвёрты прэм’ер-міністар Люксэмбургу
• 1818 — Антон Яленскі, грамадзкі дзяяч, адзін з кіраўнікоў нацыянальна-вызвольнага паўстаньня 1863—1864 гадоў
• 1879 — Людвік Абрамовіч, польскі гісторык, грамадзкі дзеяч, журналіст, выдавец
• 1891 — Цін Уевіч, адзін з найвыбітнейшых харвацкіх паэтаў 20 стагодзьдзя
• 1886 — Вілем Дрээс, нідэрляндзкі палітычны й дзяржаўны дзяяч. Былы прэм’ер-міністар Нідэрляндаў
• 1888 — Гербэрт Гасэр (пам. 1963), амэрыканскі фізыёляг, ляўрэат Нобэлеўскай прэміі 1944 году ў галіне фізыялёгіі і мэдыцыны, сумесна з Джозэфам Эрлангерам
• 1889 — Жан Както, францускі пісьменьнік, мастак і рэжысэр
• 1902 — Меер Аксэльрод, савецкі мастак, вядомы сваімі акварэльнымі працамі, якія адлюстроўваюць сюжэты з жыцьця габрэяў у Расейскай імпэрыі і СССР.
• 1911 — Жорж Пампіду, францускі дзяржаўны дзяяч, прэм’ер-міністар (1962—1968) і прэзыдэнт (1969—1974) Пятай рэспублікі
• 1940 — Вадзім Папоў, беларускі палітык, старшыня Палаты прадстаўнікоў Нацыянальнага сходу Рэспублікі Беларусь (2000—2004 і 2007—2008)
• 1958 — Цыпі Ліўні, міністар замежных справаў Ізраілю, дэпутат Кнэсэту ад партыі «Кадзіма»
• 1965 — Людміла Рублеўская, беларуская пісьменьніца, паэтка, літаратарка
• 1966 — Джанфранка Дзола, італьянскі футбаліст
• 1975 — Эрнан Крэспа, аргентынскі футбаліст
• 1979 — Стыліян Петраў, баўгарскі футбаліст
• 1982 — Альбэрта Джылярдына, італьянскі футбаліст
• 1992 — Ладзіслаў Крэйчы, чэскі футбаліст

Сьмерці

• 1657 — Геранім Уладзіслаў Сангушка, рымска-каталіцкі дзеяч ВКЛ
• 1938:
  • Юры Лістапад, беларускі палітычны дзеяч, публіцыст, удзельнік Слуцкага збройнага чыну
  • Арон Штаркман, пэдагог, рэктар БДІНГ
• 1969 — Вальтэр Гропіюс, нямецкі архітэктар, заснавальнік Баўгаўсу
• 1995 — Барыс Сачанка, беларускі пісьменьнік, перакладнік і выдавец
• 1996 — Васіль Вітка, беларускі савецкі паэт, драматург, клясык беларускай дзіцячай літаратуры, заслужаны дзяяч культуры Беларускай ССР
• 2005 — Яўген Ціхановіч, беларускі мастак
• 2016 — Міхась Шавыркін, беларускі пісьменьнік, журналіст, рэдактар, культуралягічны і пэдагагічны дзеяч, галоўны рэдактар часопіса «Роднае слова» (1987—2006 гг.).
• 2021 — Уладзімер Мяньшоў, расейскі кінэматаграфіст, ляўрэат прэміі «Оскар»

5 ліпеня — сховішча мультымэдыйных матэрыялаў