Нэймар

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Нэймар
Neymar PSG.jpg
Пэрсанальная інфармацыя
Нарадзіўся 5 лютага 1992(1992-02-05)[1][2][3][…] (30 гадоў)
Рост 175 см[4]
Вага 69 кг[4]
Пазыцыя ўінгер
Клюбная інфармацыя
Клюб Пары Сэн-Жэрмэн
Нумар 10
Клюбы
Гады Клюб Гульні (галы)¹
2009—2013
2013—2017
2017— 		Сантус
Барсэлёна
Пары Сэн-Жэрмэн 		103 (54)
123 (68)
98 (76)
Зборныя
2010— Бразылія 119 (74)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
3 верасьня 2022.
² Колькасьць гульняў і галоў за нацыянальную зборную
ў афіцыйных матчах, адкарэктавана на
6 чэрвеня 2022.

Нэйма́р да Сы́лва Са́нтус Жу́ніёр (па-партугальску: Neymar da Silva Santos Júnior; нар. 5 лютага 1992 году, Можы-дас-Крузыс, Бразылія) — бразыльскі футбаліст, нападнік францускага клюбу «Пары Сэн-Жэрмэн» і нацыянальнай зборнай Бразыліі. Вылучаецца выдатным дрыблінгам. Алімпійскі чэмпіён 2016 году.

Кар’ера[рэдагаваць | рэдагаваць крыніцу]

«Сантус»[рэдагаваць | рэдагаваць крыніцу]

Нэймар шырока вядомы за свой дрыблінг

Нэймар зьяўляецца выхаванцам клюбу «Сантус», куды трапіў у 1999 годзе[5]. Ужо ў самым юным узросьце, яшчэ нават не дэбютаваўшы ў асноўным складзе клюбу, Нэймар прыцягнуў да сябе ўвагу самых разнастайных эўрапейскіх клюбаў, у тым ліку «Манчэстэр Сіці», «Рэалу», «Арсэналу», «Барсэлёны», «Чэлсі» й «Міляну», якія з дапамогай скаўтаў назіралі за ягонай гульнёй у моладзевым першынстве Сан-Паўлу, у якім нападнік вырабіў фурор, атрымаўшы мянушку «Новы Рабіньнё» дзякуючы манеры дрыблінгу, падобнай са знакамітым форвардам.

У 2008 годзе Нэймар падпісаў свой першы прафэсійны кантракт з «Сантусам», разьлічаны да 2014 году, зь велізарнай сумай адчэпных, якія адразу палохалі многіх патэнцыйных пакупнікоў. 7 сакавіка 2009 году Нэймар дэбютаваў у асноўным складзе «Сантусу» ў матчы супраць «Оэстэ»[6]. Праз тыдзень у матчы супраць «Можы-Мірын» форвард забіў свой першы мяч у асноўным складзе клюбу. 24 сакавіка 2009 году стала вядома, што ў паслугах Нэймара зацікаўлены маскоўскі ЦСКА[7]. Пазьней Нэймарам ушчыльную зацікавіўся «Мілян». Увесну 2010 году Нэймар выйграў свой першы трафэй на дарослым узроўні, стаўшы чэмпіёнам штату Сан-Паўлу ў складзе «Сантусу», таксама ён быў названы найлепшым гульцом турніру[8].

У чэрвені 2011 году Нэймар ў складзе «Сантусу» атрымаў перамогу ў Кубку Лібэртадорэс, забіўшы адзін з двух мячоў у фінале[9]. За гэта ён быў названы найлепшым гульцом турніру[10]. Па сканчэньні сэзону 2011 году Нэймар быў прызнаны найлепшым гульцом чэмпіянату краіны[11], найлепшым гульцом Паўднёвай Амэрыкі[12], а таксама ўвайшоў у лік прэтэндэнтаў на Залаты мяч ФІФА[13]. 6 лютага 2012 году, зрабіўшы «дубль» у матчы супраць «Палмэйрасу», Нэймар дасягнуў адзнакі ў 100 забітых мячоў на прафэсійным узроўні[14].

«Барсэлёна»[рэдагаваць | рэдагаваць крыніцу]

26 траўня 2013 году гішпанская «Барсэлёна» на сваім афіцыйным сайце паведаміла аб пераходзе Нэймара ў склад «сіне-гранатавых»[15]. Дэталі ўгоды не былі аб’яўленыя, аднак паводле зьвестак спартовай газэты «Marca», каталёнцы заплацілі за бразыльскага форварда каля 50 млн эўра, а штогадовы заробак гульца будзе складаць 7 млн эўра[16][17]. 3 жніўня 2017 году перайшоў у францускі клюб «Пары Сэн-Жэрмэн», зь якім падпісаў кантракт да 30 чэрвеня 2022 году[18].

Міжнародная кар’ера[рэдагаваць | рэдагаваць крыніцу]

У 2010 годзе Пэле запатрабаваў выклікаць у склад зборнай Бразыліі Нэймара й ягонага аднаклюбніка Ганса, каб тыя прынялі ўдзел у чэмпіянаце сьвету 2010 году[19]. Нэймар быў кандыдатам на паездку на чэмпіянат сьвету, але ня трапіў нават у сьпіс запасных гульцоў зборнай[20]. Прычынай нявыкліку гульца галоўны трэнэр зборнай Бразыліі, Карлас Дунга, назваў недастатковы ўзрост футбаліста[21].

10 жніўня 2010 году Нэймар дэбютаваў у складзе зборнай Бразыліі ў матчы супраць зборнай ЗША й у гэтай жа гульні забіў першы мяч сваёй каманды, сустрэча ў выніку скончылася перамогай бразыльцаў зь лікам 2:0.

Дасягненьні[рэдагаваць | рэдагаваць крыніцу]

«Сантус»:

«Барсэлёна»:

«Пары Сэн-Жэрмэн»:

Бразылія:

  • Удзельнік летніх Алімпійскіх гульняў: 2012, 2016
  • Алімпійскі чэмпіён: 2016

Асабістае жыцьцё[рэдагаваць | рэдагаваць крыніцу]

Нэймар зьяўляецца вернікам каталіцкай царквы й як мінімум раз на тыдзень наведвае царкву. Таксама футбаліст рэгулярна ўдзельнічае ў дабрачынных акцыях[5]. У 19-гадовым узросьце Нэймар стаў бацькам, ягоная сяброўка Караліна, якой на момант родаў было 17 гадоў, нарадзіла яму сына Давіда Луку[22].

Крыніцы[рэдагаваць | рэдагаваць крыніцу]

  1. ^ а б в г Neymar // Transfermarkt (мн.) — 2000.
  2. ^ а б Neymar // Энцыкляпэдыя Бракгаўза (ням.) / Hrsg.: Bibliographisches Institut & F. A. Brockhaus, Wissen Media Verlag
  3. ^ а б Neymar // Энцыкляпэдыя Бракгаўза (ням.) / Hrsg.: Bibliographisches Institut & F. A. Brockhaus, Wissen Media Verlag
  4. ^ а б в г https://web.archive.org/web/20170804175007/https://en.psg.fr/effectif/neymar-jr
  5. ^ а б Neymar — O Menino da Vila. planotatico.com
  6. ^ Na estréia de Neymar, Santos derrota Oeste. Esportes Terra
  7. ^ ЦСКА хочет подписать «нового Робиньо». championat.ru
  8. ^ Meninos da Vila comandam a festa de encerramento do Paulistão 2010. Globo Esporte
  9. ^ Совесть Неймара чиста — можно ехать в Европу! championat.com
  10. ^ Неймар признан лучшим игроком Кубка Либертадорес — 2011. championat.com
  11. ^ Неймар признан лучшим игроком чемпионата Бразилии. championat.com
  12. ^ Неймар признан «Королём футбола Америки». championat.com
  13. ^ Неймар: не разочарован что не получу «Золотой мяч». championat.com
  14. ^ Неймар забил 100-й гол в карьере. sports.ru
  15. ^ Neymar da Silva to join FC Barcelona for the next five seasons. FCBarcelona.com
  16. ^ Неймар подтвердил переход в «Барселону». Eurosport
  17. ^ Неймар стаў гульцом «Барселоны». Наша Ніва
  18. ^ Neymar Jr signs with Paris Saint-Germain!(анг.)
  19. ^ Пеле требует вызвать в сборную Неймара и Гансо. championat.ru
  20. ^ Роналдиньо попал в список запасных футболистов сборной Бразилии. championat.ru
  21. ^ Дунга: «Мне нужно побеждать сейчас, а не в 2014 году». sports.ru
  22. ^ Neymar ya es padre con 19 años. Marca

Вонкавыя спасылкі[рэдагаваць | рэдагаваць крыніцу]


Пары Сэн-Жэрмэн — цяперашні склад

1 Навас · 2 Гакімі · 3 Кімпэмбэ · 4 Рамас · 5 Маркіньюс · 6 Вэрацьці · 7 Мбапэ · 8 Руіс · 10 Нэймар · 14 Бэрнат · 15 Пэрэйра · 16 Рыка · 17 Вітыньня · 18 Саншыш · 19 Сарабія · 25 Мэндыш · 26 Мюкіеле · 28 Салер · 30 Мэсі · 31 Бітшыябю · 32 Пэмбэле · 33 Заір-Эмры · 35 Гарбі · 36 Кары · 44 Экітык · 70 Лявале · 90 Лётэлье · 99 Данарума · Трэнэр: Гальт’е

Атрымана з «https://be-tarask.wikipedia.org/w/index.php?title=Нэймар&oldid=2339818»