Перайсьці да зьместу

Баварыя Мюнхэн

Зьвесткі зь Вікіпэдыі — вольнай энцыкляпэдыі
Баварыя
Поўная назва Fußball-Club Bayern München e. V.
Заснаваны 27 лютага 1900
Горад Мюнхэн, Нямеччына
Стадыён Альянц Арэна
Умяшчальнасьць: 71 137
Прэзыдэнт Ян-Крыстыян Дрээзэн[d]
Галоўны трэнэр
Чэмпіянат Бундэсьліга
 · 2023—2024 3 месца
Хатнія колеры
Выязныя колеры
Трэція колеры
Галерэя здымкаў у Вікісховішчы
fcbayern.com (ням.)​ (анг.)​ (гішп.)​ (кіт.)​ (яп.)​ (рас.)​ (ар.)
fcbayern.cn

«Баварыя Мюнхэн» (па-нямецку: Fußball-Club Bayern München) ― нямецкі спартовы клюб, што базуецца ў Мюнхэне (Баварыя). Больш за ўсё вядомы футбольны клюб спартовай сыстэмы «Баварыя», клюб зьяўляецца рэкардсмэнам па колькасьці айчынных тытулаў: 33-разовы чэмпіён Нямеччыны й 20-разовы ўладальнік кубка краіны.

Клюб быў заснаваны ў 1900 годзе адзінаццацю гульцамі па ініцыятыве Франца Джона. Нягледзячы на тое, што ў 1932 годзе стаў чэмпіёнам Нямеччыны, да 1963 году каманда выступала ў ніжэйшых лігах. На пачатку й у сярэдзіне 70-х гадоў клюб дабіўся посьпехаў, тройчы запар перамагаючы ў нацыянальным чэмпіянаце (1972, 1973, 1974) і столькі ж разоў у Лізе чэмпіёнаў (1974, 1975, 1976). Капітанам каманды тады быў Франц Бэкенбаўэр.

З 2006 году хатнія гульні праводзіць на «Альянц Арэне». Да гэтага 33 сэзоны запар клюб праводзіў гульні на Алімпійскім стадыёне.

Акрамя футбольнага клюбу «Баварыя» таксама існуюць клюбы па шахматах, гандболе, баскетболе, гімнастыцы, боўлінгу, пінг-понгу.

  • Чэмпіён Нямеччыны (33):
    • 1932, 1969, 1972, 1973, 1974, 1980, 1981, 1985, 1986, 1987,
    • 1989, 1990, 1994, 1997, 1999, 2000, 2001, 2003, 2005, 2006,
    • 2008, 2010, 2013, 2014, 2015, 2016, 2017, 2018, 2019, 2020
    • 2021, 2022, 2023
  • Уладальнікі Кубка Нямеччыны (20):
    • 1957, 1966, 1967, 1969, 1971, 1982, 1984, 1986, 1998, 2000,
    • 2003, 2005, 2006, 2008, 2010, 2013, 2014, 2016, 2019, 2020

Да 1925 году «Баварыя» гуляла на адным з самых старых футбольных збудаваньняў Нямеччыны, так званай першай трыбуны гораду. З 1925 году «Баварыя» падзяліла муніцыпальны стадыён з клюбам «1860 Мюнхэн». Стадыён у народзе называўся як «Шосты» (па-нямецку: «Sechzger»). Ён быў амаль цалкам разбураны падчас Другой сусьветнай вайны, на рэканструкцыю было выдаткавана нямала высілкаў, але ўсё ж стадыён быў уведзены ў прызначаны тэрмін і ўмяшчаў 44 тысячы чалавек.

Да Летніх Алімпійскіх гульняў 1972 году ў Мюнхэне быў пабудаваны Алімпійскі стадыён. У тым жа годзе «Баварыя» пераехала на Алімпійскі стадыён. Трыбуны стадыёну й частка тэрыторыі алімпійскага парку былі пакрытыя гіганцкімі вісячымі перакрыцьцямі-абалонкамі архітэктара Фрая Ота. Стадыён дагэтуль уражвае архітэктурнай лёгкасьцю. Першапачаткова ўмяшчальнасьць стадыёна дасягала 79 тысячаў чалавек. У наступныя гады стадыён выпрабаваў некалькі мадыфікацыяў. Цяпер стадыён мае здольнасьць зьмяшчаць у сябе 69 тысячаў заўзятараў для нацыянальных спаборніцтваў, і 59 тысячаў гледачоў для міжнародных спаборніцтваў, розных эўрапейскіх кубкаў. У канцы 1990-х стадыён састарэў у пляне інфраструктуры й выгоды для гледачоў.

У 2002 годзе сумесна з «1860 Мюнхэн» быў пабудаваны новы дасканалы стадыён «Альянц Арэна», на якой усе свае матчы праводзіць «Баварыя». Арэна падсьвятляецца рознымі колерамі ў залежнасьці ад колеру клюбу, які на ёй гуляе. Арэна падсьвечваецца чырвоным, калі на ёй выступае «Баварыя»; блакітным — калі гуляе «1860 Мюнхэн»; белым — калі гуляе зборная Нямеччыны.

Актуальны на 11 лютага 2024 году
Пазыцыя Імя Год нараджэньня
1 Сьцяг Нямеччыны Бр Мануэль Ноер (капітан) 1986
2 Сьцяг Францыі Аб Даё Юпамэкано 1998
3 Сьцяг Паўднёвай Карэі Аб Кім Мін-Джэ 1996
4 Сьцяг Нідэрляндаў Аб Матэйс дэ Ліхт 1999
6 Сьцяг Нямеччыны ПА Ёзуа Кіміх 1995
7 Сьцяг Нямеччыны Нап Сэрж Гнабры 1995
8 Сьцяг Нямеччыны ПА Леан Гарэцка 1995
9 Сьцяг Ангельшчыны Нап Гары Кейн 1993
10 Сьцяг Нямеччыны Нап Лерой Санэ 1996
11 Сьцяг Францыі Нап Кінгсьлі Каман 1996
13 Сьцяг Камэруну Нап Эрык Шупо-Матынг 1989
15 Сьцяг Ангельшчыны Аб Эрык Даер (ар. Тотэнгэм) 1994
17 Сьцяг Гішпаніі Нап Браян Сарагоса (ар. Гранада) 2001
18 Сьцяг Ізраілю Бр Даніел Пэрэц 2000
Пазыцыя Імя Год нараджэньня
19 Сьцяг Канады Аб Альфонса Дэйвіс 2000
20 Сьцяг Сэнэгалу Аб Буна Сар 1992
22 Сьцяг Партугаліі Аб Рафаэл Герэйру 1993
23 Сьцяг Францыі Аб Саша Бой 2000
25 Сьцяг Нямеччыны Нап Томас Мюлер 1989
26 Сьцяг Нямеччыны Бр Свэн Ульрайх 1988
27 Сьцяг Аўстрыі ПА Конрад Ляймэр 1997
28 Сьцяг Нямеччыны Аб Тарэк Бухман 2005
39 Сьцяг Францыі Нап Матыс Тэль 2005
40 Сьцяг Марока Аб Нусаір Мазраўі 1997
42 Сьцяг Нямеччыны ПА Джамал Мусіяля 2003
43 Сьцяг Нямеччыны Бр Том Гюльсман 2004
45 Сьцяг Нямеччыны ПА Аляксандар Паўлавіч 2004

Вонкавыя спасылкі

[рэдагаваць | рэдагаваць крыніцу]