Тулюза (футбольны клюб)
| Тулюза | |
 | |
| Поўная назва | Toulouse Football Club |
|---|---|
| Заснаваны | 1970 |
| Горад | Тулюза, Францыя |
| Стадыён | Муніцыпальны стадыён Умяшчальнасьць: 35 472 |
| Прэзыдэнт | Дам’ен Камальлі[d] |
| Галоўны трэнэр | |
| Чэмпіянат | Ліга 1 |
| · 2024—2025 | 10 месца |
 Галерэя здымкаў у ВікісховішчыАфіцыйны сайт | |
«Тулюза» (па-француску: Toulouse Football Club) — францускі футбольны клюб з гораду Тулюза. Клюб быў заснаваны ў 1937 годзе, але сваё месца ў чэмпіянаце клюб аддаў іншаму клюбу «Рэд Стар Парыж» у 1967 годзе. Аднак у 1970 годзе клюб быў рэфундаваны, паўстаўшы на базе двух мясцовых клюбаў. «Тулюза» праводзіць свае свае хатнія матчы на Муніцыпальным стадыёне, які разьмешчаны ў межах гораду.
«Тулюза» знаходзіцца ва ўладаньні францускага бізнэсоўцы Аліўе Садрана, які выкупіў клюб пасьля ягонага банкруцтва ў 2001 годзе, у выніку якога «Тулюза» была перамешчана ў Нацыянальны чэмпіянат. «Тулюза» паслужыла трамплінам у больш моцныя клюбы гульцоў, як то Фаб’ен Бартэз, Сэдрык Карасо, Ашыль Эмана, Жэрэмі Мат’ё й Андрэ-П’ер Жыньяка. Бартэз зарэкамэндаваў сябе выступаюцца ў клюбе, перш чым пераехаў у «Манака» й «Манчэстэр Юнайтэд», дзе атрымаў некалькі трафэяў. У 1998 годзе Фаб’ен быў прадстаўніком клюбу ў нацыянальнай зборнай Францыі на чэмпіянаце сьвету, якя дамаглася перамогі хатняга першынства.
Гісторыя
[рэдагаваць | рэдагаваць крыніцу]_-_53Fi638.jpg)
Папярэднік сучаснага клюбу «Тулюза» быў заснаваны ў 1937 годзе, але прадаў сваіх гульцоў і месца ў чэмпіянаце іншаму клюбу «Рэд Стар Парыж» у 1967 годзе.
Аднак празь некаторы час асацыяцыя была зноўку рэфундавана як Union Sportive Toulouse 25 траўня 1970 году, узяўшы да сябе каманды юніёраў Гасконі й клюбу ACE Mermoz-Bonnefoy для таго, каб стварыць трывалую базу гульцоў. Чэмпіянат новая каманда пачала ў другім францускім дывізіёне ў сэзоне 1970—1971 гадоў, гуляючы ў чырвона-белай колерах. У 1977 годзе клюб аб’явіў пра сваё непасрэднае датычаньне да старога першапачатковага клюбу й зьмяніў колеры клюбу на гістарычныя фіялетавы й белы. Каманда хутка палепшыла вынікі й у 1982 годзе атрымала павышэньне ў Лігу 1, пасьля чаго ў хуткім часе прабілася да выступаў у кваліфікацыі для ўдзелу ў Кубку УЭФА ў 1984 годзе. Іхным найлепшым вынікам на сёньняшні дзень зьяўляюцца трэцяе выніковае месца ў чэмпіянаце Францыі сэзону 1986—1987 гадоў і добрыя выступы на наступны год у спаборніцтвах на Кубак УЭФА, калі каманды атрымала добразапамінальную перамогу па пэнальці над клюбам «Напалі», у якой гуляў на той час Дыега Марадона.
Пасьля таго, як брамнік Фаб’ен Бартэз сышоў з клюбу, «Тулюза» вылецела зь Лігі 1 у 1994 годзе. Некаторы час каманда спаборнічала ў Лізе 1 і Лізе 2, але ў 2001 годзе нават апусьцілася ў трэці дывізіён празь фінансавыя цяжкасьці. Праз два сэзоны «Тулюза» вярнулася ў найвышэйшы дывізіён, а ў 2007 годзе нават спынілася на трэцім радку, здабыўшы права выступіць у трэцім кваліфікацыйным раўндзе Лігі чэмпіёнаў УЭФА 2007—2008 гадоў. У гэтым турніры каманда адразу зазнала паразу ад ангельскага «Лівэрпулу» з агульным лікам 5:0[2]. У сэзоне 2008—2009 гадоў «Тулюза» была чацьвертай у табліцы Лігі 1 з 64 пунктамі, чым забясьпечыла сабе месца ў Лізе Эўропы. Галоўнай зоркай каманды таго часу быў Андрэ-П’ер Жыньяк, які з 24-а галамі ачоліў сьпіс бамбардзіраў Лігі 1 і атрымаў выклік у нацыянальную зборную Францыі.
У сэзоне 2015—2016 гадоў «Тулюза» пазьбегла вылету ў Лігу 2 толькі ў апошняй гульні сэзону. За 12 хвілінаў да канца дружына саступала «Анжэ» зь лікам 2:1 і ёй была патрэбная толькі перамога, каб застацца ў лізе. У выніку футбалісты адзначыліся двойчы, чым забясьпечылі перамогу зь лікам 3:2[3]. Праз два гады яны занялі 18-ы радок у лізе, і толькі перамога ў матчы за месца ў элітным дывізіёне супраць «Аячча» дазволіла камандзе з поўдня Францыі застацца ў Лізе 1[4].
Стадыён
[рэдагаваць | рэдагаваць крыніцу]Свае хатнія матчы клюб праводзіць на Муніцыпальным стадыёне, які быў пабудаваны ў 1937 годзе. Пляцоўка здольна зьмясьціць 35 472 гледачы. У 1998 годзе на стадыёне праходзілі матчы чэмпіянату сьвету.
Дасягненьні
[рэдагаваць | рэдагаваць крыніцу]- Уладальнікі Кубка Францыі:
- 2023
Склад
[рэдагаваць | рэдагаваць крыніцу]- Актуальны на 17 верасьня 2025 году
|
|
Крыніцы
[рэдагаваць | рэдагаваць крыніцу]- ^ https://www.transfermarkt.com/-/mitarbeiterhistorie/verein/415
- ^ «Toulouse FC». UEFA.
- ^ Bairner, Robin (14.05.2016). «Extra-Time: Toulouse troll Domino's Pizza after relegation escape». Goal.com.
- ^ «Toulouse confirm Ligue 1 survival». Ligue1.com.