Рэал Сасьедад Сан-Сэбастыян

Рэал Сасьедад
Поўная назва	Real Sociedad de Fútbol, S.A.D.
Заснаваны	1909
Горад	Сан-Сэбастыян, Гішпанія
Стадыён	Анаэта Умяшчальнасьць: 32 076
Прэзыдэнт	Хакін Апэрыбай[d]
Галоўны трэнэр	Іманоль Альгуасыль[d]
Чэмпіянат	Ля Ліга
· 2021—2022	6 месца
Хатнія колеры Выязныя колеры
realsociedad.eus​(баск.)​(гішп.)​(анг.)​(фр.)​(кіт.)

«Рэал Сасьеда́д» (па-гішпанску: Real Sociedad de Futbol) — гішпанскі футбольны клюб з гораду Сан-Сэбастыян, прадстаўляе краіну баскаў. Заснаваны 7 верасьня 1909 году, быў адным з заснавальнікаў Ля Лігі ў 1928 годзе. Хатнія гульні праводзіць на арэне «Анаэта».

Найлепшыя гады каманды прыйшліся на 1980-я, калі клюб двойчы станавіўся чэмпіёнам краіны. «Рэал Сасьедад» доўгі час браў у каманду толькі баскаў, накшталт «Атлетыка» зь Більбао, але гэтая традыцыя была скасавана ў 1989 годзе, калі ў клюб быў запрошаны гулец нацыянальнай зборнай Ірляндыі й клюбу «Лівэрпул» Джон Элдрайдж.

«Рэал Сасьедад» акркамя футбольнай каманды мае такасама некалькі спартовых сэкцыяў, як то жаночы футбол, лёгкая атлетыка, хакей на траве і каманду ў басконскую гульню пэлёту.

Гісторыя

Пачатак

Футбол зьявіўся ў Сан-Сэбастыяне ў пачатку 1900-х, дзякуючы намаганьням студэнтаў і мігрантаў, якія вярнуліся зь Вялікабрытаніі й прывезьлі на радзіму гульню. У 1904 годзе яны ўтварылі ў San Sebastian Recreation Club. Клюб у 1905 годзе браў удзел у спаборніцтве на Кубак Гішпаніі. У траўні 1905 году быў утворны футбльны клюб «Сан-Сэбастыян» як асобная структура клюбу San Sebastian Recreation Club. У 1909 годзе кіраўніцтва новага клюбу зьвярнуліся да арганізатараў Кубку Гішпаніі аб рэгістрацыі клюбу ў турніры, але дазвол ня быў атрыманы з-за магчымасьці блытаніны з клюбам Club Ciclista de San Sebastian. Каб пазьбегнуць гэтай сытуацыі клюб быў перайменаваны ў Sociedad de Futbol 7 верасьня 1909 году. У 1910 кароль Гішпаніі Альфонса XIII, які выкарыстоўваў Сан-Сэбастыян у якасьці сваёй летняй рэзыдэнцыі, надаў клюбу сваё апекунства, дзякуючы чаму да назва была аздоблена словам «Рэал». У 1928 годзе «Рэал Сасьедад» быў у ліку заснавальнікаў Ля Лігі. У першым жа розыгрышу спаборніцтва клюб заняў выніковае чацьвертае месца, а ягоны гулец Франсыска «Пака» Біенсабас стаў найлепшым бамбардзірам чэмпіянату. Назва каманды была зьменена на Donostia Club de Futbol у 1931 годзе разам са стварэньнем Другой гішпанскай рэспублікі, але была зьменена назад на «Рэал Сасьедад» пасьля сканчэньня Грамадзянскай вайны ў Гішпаніі ў 1939 годзе. Каманда ў цэлым вагаліся паміж Ля Лігай і Сэгундай, толькі ў 1940-х гадох клюб сем разоў вылятаў і вяртаўся ў Прымэру. Прыкладна ў гэты ж час за каманду ў якасьці брамніка гуляў скульптар Эдуарда Чыльліда, пакуль траўма не паклала канец ягонай футбольнай кар’еры.

Посьпехі 1980-х

Каманда заняла другое месца ў Ля Лізе ў першы раз у сэзоне 1979—1980 гадоў, набраўшы 52 пункты. У той жа час пераможца чэмпіянату «Рэал» Мадрыд атрымаў 53 пункты, а бронзавы прызэр «Спортынг Хіхон» адстаў ад басконскага клюбу нна 13 пунктаў. На наступны сэзон «Рэал Сасьедад» стаў пераможцам чэмпіянату, атрымаўшы свой ​​першы тытул і не дазволіўшы мадрыдзкаму «Рэалу» чацьверты раз запар стаць чэмпіёнам. Адобва клюбы атрымалі па 45 пунктаў, але па розьніцы мячоў клюб з Сан-Сэбастыяна апярэдзіў сталічных гульцоў. Кваліфікаваўшы такім чынам у розыгрыш Кубка эўрапейскіх чэмпіёнаў сэзону 1981—1982 гадоў, «Рэал Сасьедад» быў выбіты ў першым раўндзе баўгарскім клюбам ЦСКА Сафія. Атрымаўшы паразу ў Баўгарыі зь лікам 1:0, у Гішпаніі клюбы галоў гэтак і ня здолелі забіць.

Дасягненьні

• Чэмпіён Гішпаніі: 1981, 1982
• Уладальнік Кубка Гішпаніі: 1909, 1987
• Уладальнік Супэркубка Гішпаніі: 1982

Склад

Актуальны на 11 лютага 2023 году

№ Пазыцыя Імя Год нараджэньня 1 Бр Алекс Рэміра 1995 2 Аб Алекс Соля 1999 3 ПА Мартын Субімэндзі 1999 4 ПА Асьер Ільярамэндзі (капітан) 1990 5 Аб Ігар Субэльдыя 1997 6 Аб Арыц Элюстонда 1994 7 Нап Андэр Барэнэчэа 2001 8 ПА Мікель Мэрына 1996 9 Нап Карляс Фэрнандэс 1996 10 Нап Мікель Аярсабаль 1997 11 Нап Маамэд-Алі Шо 2004 12 Аб Аен Муньяс 1997 13 Бр Андоні Субіяурэ 1996

№ Пазыцыя Імя Год нараджэньня 14 Нап Такефуса Кубо 2001 15 Аб Дыега Рыка 1993 16 ПА Андэр Гевара 1997 17 ПА Робэрт Навара 2002 18 Аб Андоні Гарасабэль 1996 19 Нап Аляксандар Сёрлят (ар. РБ Ляйпцыг) 1995 20 Аб Ён Пачэка 2001 21 ПА Давід Сыльва 1986 22 ПА Бэньят Тур’ентэс 2002 23 ПА Браіс Мэндэс 1997 24 Аб Рабэн Лё Нарман 1996 25 Нап Умар Садык 1997 — Нап Мартын Мэркелянс 1995

Вонкавыя спасылкі

• Афіцыйны сайт^(гішп.)
• Старонка клюбу на сайце Ля Лігі ^{(гішп.)(анг.)}
• Сайт расейскамоўных заўзятараў^(рас.)