Зборная Пэру па футболе

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Пэру
Фэдэрацыя Пэруанская футбольная фэдэрацыя
Канфэдэрацыя КОНМЭБОЛ
Трэнэр Рыкарда Гарэка
Найбольш гульняў Рабэрта Палясіяс (128)
Найлепшы бамбардзір Паолё Герэра (35)
Першая гульня
Пэру 0:4 Уругвай
(Ліма, Пэру; 1 лістапада 1927)
Самая буйная перамога
Пэру 9:1 Эквадор
(Багата, Калюмбія; 11 жніўня 1938)
Самая буйная параза
Бразылія 7:0 Пэру
(Санта-Крус-дэ-ля-Сьера, Балівія; 26 чэрвеня 1997)
Чэмпіянат сьвету
Удзел 5 (упершыню: 1930)
Дасягненьні 1/4 фіналу (1970)
Кубак Амэрыкі
Удзел 29 (упершыню: 1927)
Дасягненьні чэмпіён (1939, 1975)
Асноўная форма
Рэзэрвовая форма

Зборная Пэру па футболе — прадстаўляе Пэру на міжнародных футбольных турнірах і ў таварыскіх матчах. Арганізацыяй, якая ажыцьцяўляе кантроль і кіраваньне зборнай, зьяўляецца Пэруанская футбольная фэдэрацыя. Зборная ўваходзіць у такія арганізацыі, як ФІФА і КОНМЭБОЛ.

Гісторыя[рэдагаваць | рэдагаваць крыніцу]

На працягу сваёй гісторыі за пэруанскую зборную гулялі такія гульцы, як Тэадора Фэрнандэс, Тэафілё Кубільяс, Эктар Чумпітас, Сэсар Куэта, Нальбэрта Саляна, Кляўдыё Пісара, Паолё Герэра і іншыя. Сапраўднай залатой эрай пэруанскага футболу сталі 1970-я гады, калі каманда пад кіраўніцтвам такіх зорак, як Тэафілё Кубільяс, Уга Сатыль, Эктар Чумпітас і Сэсар Куэта, двойчы ўваходзіла ў васьмёрку наймацнейшых камандаў сьвету, а ў 1975 годзе заваявала Кубак Амэрыкі.

У 2000-я гады зборная Пэру паступова скацілася ў лік аўтсайдэраў паўднёваамэрыканскага футболу. На 2 лютага 2011 году каманда займала 68-е месца ў рэйтынгу ФІФА. Аднак з прыходам у якасьці галоўнага трэнэру ўругвайскага спэцыяліста Сэрхіё Маркарана пэруанская каманда значна прыбавіла ў якасьці гульні. На Кубку Амэрыкі 2011 году «інкі» здолелі заняць трэцяе месца, нават нягледзячы на ​​адсутнасьць у складзе з-за траўмаў такіх вопытных гульцоў, як Кляўдыё Пісара і Джэфэрсан Фарфан. Лідэрамі каманды сталі Хуан Мануэль Варгас і Паолё Герэра, апошні зь якіх зь пяцьцю мячамі стаў найлепшым бамбардзірам турніру.

Вонкавыя спасылкі[рэдагаваць | рэдагаваць крыніцу]

Commons-logo.svg Зборная Пэру па футболесховішча мультымэдыйных матэрыялаў