Даніел Алвэс

Даніел Алвэс
Daniel Alves
Пэрсанальная інфармацыя
Нарадзіўся	6 траўня 1983 (35 гадоў) Жуазэйру, Бразылія
Рост	173 см
Вага	64 кг
Пазыцыя	правы абаронца
Клюбная інфармацыя
Клюб	Пары Сэн-Жэрмэн
Нумар	32
Моладзевыя клюбы
	Жуазэйру Баія
Клюбы
Гады	Клюб	Гульні (галы)¹
2001—2002 2002—2008 2008—2016 2016—2017 2017—	Баія Сэвільля Барсэлёна Ювэнтус Турын Пары Сэн-Жэрмэн	25 (2) 175 (11) 391 (14) 19 (2) 6 (0)
Зборныя
2006—	Бразылія	104 (7)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 14 кастрычніка 2017. ² Колькасьць гульняў і галоў за нацыянальную зборную ў афіцыйных матчах, адкарэктавана на 11 кастрычніка 2017.

Даніел Алвэс да Сылва (па-партугальску: Daniel Alves da Silva; нарадзіўся 6 траўня 1983 году, Жуазэйру, Бразылія) — бразыльскі футбаліст, абаронца клюбу «Пары Сэн-Жэрмэн» і нацыянальнай зборнай Бразыліі.

Біяграфія

«Баія»

Даніел Алвэс пачаў сваю кар’еру ў бразыльскім клюбе «Баія» й неўзабаве быў заўважаны скаўтамі з Эўропы. Пасьля выступленьня за моладзевую зборную Бразыліі ў 2002 годзе Алвэса на шэсьць месяцаў арэндавала гішпанская «Сэвільля».

«Сэвільля»

У 2003 годзе Алвэс удзельнічаў са зборнай у моладзевым чэмпіянаце сьвету, на турніры Даніел добра праявіў сябе, ягоная зборная стала пераможцам турніру, а Алвэс увайшоў у тройку найлепшых гульцоў турніру. Пасьля гэтага «Сэвільля» выкупіла трансфэр Алвэса. У сьнежні 2006 году Алвэс падпісаў новы кантракт з «Сэвільляй» да 2012 году.

«Барсэлёна»

7 чэрвеня 2008 году перайшоў у «Барсэлёну», быўшы набытым, каб замяніць Джанлюку Дзамброту, які перайшоў у «Мілян». Арыентаваная сума трансфэру склала ад 29 да 32 млн эўра, кантракт разьлічаны на 5 гадоў. Нягледзячы на жаданьне пакінуць клюб, на прэс-канфэрэнцыі Даніел ня здолеў стрымаць сьлёз, сказаўшы, што ён прыйшоў у «Сэвільлю» хлопчыкам, а пакідае яе мужчынам.

Перад сэзонам 2009—2010 гадоў абраў нумар 2, які дастаўся яму пасьля таго, як Мартын Касэрэс перайшоў у «Ювэнтус» на правах арэнды.

Зборная

За асноўную зборную Алвэс дэбютаваў у таварыскім матчы супраць каманды Эквадору, выйшаўшы на замену, праз тры дні ў таварыскім матчы ён дэбютаваў у асноўным складзе супраць зборнай Кувэйту.

Дасягненьні

Клюбныя

«Сэвільля»:

• Уладальнік Кубка Гішпаніі: 2007
• Уладальнік Супэркубка Гішпаніі: 2007
• Уладальнік Кубка УЭФА: 2006, 2007
• Уладальнік Супэркубка УЭФА: 2006

«Барсэлёна»:

• Чэмпіён Гішпаніі: 2009, 2010, 2011, 2013, 2015, 2016
• Уладальнік Кубка Гішпаніі: 2009, 2012, 2015, 2016
• Уладальнік Супэркубка Гішпаніі: 2009, 2010, 2011, 2013
• Пераможца Лігі чэмпіёнаў: 2009, 2011, 2015
• Уладальнік Супэркубка УЭФА: 2009, 2011, 2015
• Пераможца клюбнага чэмпіянату сьвету: 2009, 2011, 2015

«Ювэнтус»:

• Чэмпіён Італіі: 2017
• Уладальнік Кубка Італіі: 2017

Міжнародныя

Бразылія:

• Уладальнік Кубка Амэрыкі: 2007
• Уладальнік Кубка Канфэдэрацыяў: 2009, 2013

Вонкавыя спасылкі

Даніел Алвэс — сховішча мультымэдыйных матэрыялаў

• Афіцыйны сайт
• Профіль на афіцыйным сайце «Барсэлёны»