Перайсьці да зьместу

Кіліян Мбапэ

Зьвесткі зь Вікіпэдыі — вольнай энцыкляпэдыі
Кіліян Мбапэ
Пэрсанальная інфармацыя
Нарадзіўся 20 сьнежня 1998(1998-12-20)[1][2][3][…] (27 гадоў)
Рост 178 см[6]
Вага 75 кг[7][8]
Пазыцыя нападнік
Клюбная інфармацыя
Клюб Рэал Мадрыд
Нумар 10
Клюбы
Гады Клюб Гульні (галы)¹
2015—2018 Манака 41 (16)
2017—2018 → Пары Сэн-Жэрмэн 27 (13)
2018—2024 Пары Сэн-Жэрмэн 178 (162)
2024—4 Рэал Мадрыд 65 (56)
Зборныя
2017—4 Францыя 106 (66)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
23 чэрвеня 2026.
² Колькасьць гульняў і галоў за нацыянальную зборную
ў афіцыйных матчах, адкарэктавана на
18 ліпеня 2026.

Кілія́н Мбапэ́ (па-француску: Kylian Mbappé; нар. 20 сьнежня 1998 году) — францускі футбаліст, нападнік гішпанскага клюбу «Рэал» і нацыянальнай зборнай Францыі. Чэмпіён сьвету 2018 году. Уважаецца адным з найлепшых гульцоў у сьвеце, ён вядомы сваімі бамбардзірскімі здольнасьцямі, дрыблінгам і хуткасьцю. Мбапэ рэкордныя пяць разоў быў названы найлепшым гульцом Лігі 1 і рэкордныя шэсьць сэзонаў быў найлепшым бамбардзірам лігі. У сэзоне 2021—2022 гадоў ён стаў першым футбалістам, які адначасна быў і найлепшым бамбардзірам, і найлепшым асыстэнтам францускага чэмпіянату. У 2023 годзе Мбапэ быў названы адным з 100 самых уплывовых людзей у сьвеце паводле вэрсіі часопіса Time.

Кар’ера

[рэдагаваць | рэдагаваць код]

Клюбная

[рэдагаваць | рэдагаваць код]

Мбапэ нарадзіўся ў Парыжы ў сям’і футбольнага трэнэра Вільфрэда, камэрунскага паходжаньня, і былой гандбалісткі кабільскага паходжаньня Файзы Лямары. Выхоўваўся наведваючы каталіцкую школу ў Бандзі. Футболам пачаў займацца 6-гадовым веку ў мясцовым футбольным клюбам, дзе яго выхоўваў бацька. Празь нейкі час хлопец перабраўся ў акадэмію Францускай фэдэрацыі футболу ў «Клерфантэне». Дзякуючы ўражваючым выступам зацікавіў супэрклюбы, як то мадрыдзкі «Рэал», «Чэлсі», «Лівэрпул», «Манчэстэр Сіці» і «Баварыя», але ў выніку абраў «Манака»[9].

Далучыўшыся да табару манэгаскаў Мбапэ ў хуткім часе прыцягнуў увагу галоўнага трэнэра клюбу Леанарду Жардыма, які прасунуў футбаліста ў галоўную дружыну ўсяго толькі праз тры тыдня пасьля далучэньня да рэзэрвовага складу[10]. У колерах «Манака» дэбютаваў 2 сьнежня 2015 году, зьмяніўшы Фабію Куэнтрана на 88-й хвіліне матчу супраць «Кану» (1:1)[11]. Такім чынам, ён стаў самым маладым дэбютантам у гісторыі клюбу, пераадолеўшы рэкорд, усталяваны Т’еры Анры[11]. 20 лютага 2016 году адзначыўся першым голам за клюб, калі трапна пацэліў спартовы ладунак у браму футбольнага клюбу «Труа» ў пераможным зь лікам 3:1 матчы[12]. Гэтым ён яшчэ раз перасягнуў рэкорд Т’еры Анры, які быў да гэтага часу самым маладым бамбардзірам у гісторыі «Манака»[12]. У сэзоне 2016—2017 гадоў сапраўды стаў асноўным нападнікам клюбу, разам зь якім здабыў тытул чэмпіёна Францыі.

Мбапэ (зьлева) складаў атакуючае трыё поруч зь Ліянэлем Мэсі (у цэнтры) і Нэймарам (справа).

Сваёй гульнёй прыцягнуў увагу «Пары Сэн-Жэрмэн», які, аднак, празь перасьцярогу аб парушэньні правілаў фінансавага фэйр-плэй, не адразу выкупіў правы на футбаліста, а спачатку арэндаваў яго 31 жніўня 2017 году. Толькі 1 ліпеня 2018 году гулец стаў паўнапраўным футбалістам парыжанаў. За маладога гелеадора сталічны клюбы выдаткаваў 180 млн эўра. Такім чынам, Мбапэ стаў другім самым дарагім футбалістам у гісторыі футбола, за выняткам свайго новага клюбнага партнэра Нэймара. Ён згуляў адразу пачаў гуляць ключавую ролю ў камандзе. Паводле вынікаў сэзону 2017—2018 гадоў у Лізе 1 ён зарабіў на свой рахунак 13 галоў і 8 асыстэнцкіх пунктаў у 28 матчах. У ліпені 2018 году пасьля сыходу Лукаса Моўры скарыстаў нумер 7 і ўжо ў першым сваім матчы чэмпіёнату супраць «Генгаму» двойчы трапна пацэліў у браму супернікаў, здабыўшы для клюбу перамогу зь лікам 3:1[13]. Сэзон 2018—2019 гадоў скончыў на першым радку сьпісу найлейпшых бамбардзіраў францускага першынства, настраляўшы 33 галы.

3 чэрвеня 2024 году мадрыдзкі «Рэал» абвесьціў, што Мбапэ склаў з камандай пяцігадовы кантракт ужо праз два дні пасьля здабыцьця «сьметанковымі» чарговага тытулу пераможцаў Лігі чэмпіёнаў[14]. Пераход француза ў «Рэал» спарадзіў інтэнсіўныя спэкуляцыі і перамоваў, якія адлюстроўваюць ягоны статус аднаго з самых запатрабаваных футбалістаў[15]. 10 ліпеня «Рэал» абвясьціў, што прэзэнтацыя Мбапэ адбудзецца на Сант’яга Бэрнабэў 16 ліпеня[16]. Пазьней у той жа дзень ён атрымаў кашулю з нумарам 9, стаўшы першым гульцом «Рэалу», які апрануў кашулю з гэтым нумарам пасьля свайго суайчыньніка Карыма Бэнзэма[17][18]. Прэзэнтацыю футбаліста наведалі 80 тысячаў гледачоў, то бок столькі ж, колькі і прэзэнтацыю Крыштыяну Раналду ў 2009 годзе[19]. Свой першы матч у складзе новага клюбу Мбапэ згуляў 14 жніўня ў матчы Супэркубка УЭФА, спрычыніўшыся голам да перамогі гішпанскай каманды над італьянскай «Аталянтай».

17 верасьня Мбапэ правёў свой першы гол у Лізе чэмпіёнаў за «Рэал», адкрыўшы лік у пераможным матчы супраць «Штутгарту»[20][21]. 25 студзеня 2025 году француз зрабіў свой першы хет-трык у кашулі «сьметанковых», трэці зь якіх быў праведзены з пэнальці, дапамогшы камандзе атрымаць перамогу зь лікам 3:0 над «Рэал Вальядалідам»[22]. Адзначыўшыся пяцьцю галамі ў студзені, ён быў названы гульцом месяца Ля Лігі[23]. 19 лютага Мбапэ аформіў свой першы хет-трык за мадрыдзкі клюб у Лізе чэмпіёнаў у матчы супраць «Манчэстэр Сіці» (3:1)[24]. 11 траўня нападнік улучыў гол у браму «Барсэлёны», што стала ягоным 39 голам ува ўсіх турнірах, чым ён абнавіў 32-гадовы рэкорд Івана Самараны паводле колькасьці галоў, праведзеных гульцом мадрыдзкага «Рэалу» ў дэбютным сэзоне[25]. У наступным матчы ён ураўнаў лік у матчы супраць «Мальёркі» і стаў першым гульцом, які пацэліў 40 галоў за мадрыдзкі клюб у дэбютным сэзоне. Гэта таксама быў ягоны 28-ы гол у лізе ў сэзоне, чым ён таксама абнавіў 71-гадовы рэкорд Альфрэда Дзі Стэфана паводле колькасьці галоў за гэтую мадрыдзкую каманду ў дэбютным сэзоне ў Ля Лізе[26]. Перад сэзонам 2025—2026 гадоў Мбапэ зьмяніў свой нумар на дзясятку, які застаўся вакантным пасьля сыходу Лукі Модрыча[27].

Міжнародная

[рэдагаваць | рэдагаваць код]
У складзе зборнай у сакавіку 2018 году.

Футбаліст прайшоў празь юнацкія зборныя Францыі, а свой першы выклік у нацыянальную зборную Францыі атрымаў на матчы супраць зборных Люксэмбургу і Гішпаніі ў сакавіку 2017 году[28]. Запачаткаваў выступы ў складзе галоўнай дружыны 25 сакавіка ў матчы супраць люксэмбуржцаў, зьявіўшыся на замену Дымітры Паету на 78-й хвіліне[29]. 31 жніўня Мбапэ правёў свой першы гол за зборную ў адборачным матчы да чэмпіянату сьвету 2018 году супраць зборнай Нідэрляндаў[30]. Пазьней ён двойчы ўлучыў мяч у браму зборнай Расеі ў таварыскім матчы ў сакавіку 2018 году[31].

Мбапэ на чэмпіянаце сьвету 2022 году.

Нападнік трапіў у заяўку французаў на чэмпіянат сьвету 2018 году. 21 чэрвеня ён пацэліў першы гол на чэмпіянтах сьвету, засмуціўшы паразай зборную Пэру. 30 чэрвеня ён быў названы найлепшым гульцом матчу ў сустрэчы супраць зборнай Аргентыны ў 1/8 фінале. У тым матчы, які скончыўся зь лікам 4:3 на карысьць эўрапейцаў, Мбапэ зарабіў для сваёй каманды пэнальці і двойчы ўлучыў мяч у браму паўднёваамэрыканцаў[32]. 15 ліпеня ён правёў гол у браму зборнай Харватыі ў фінале, пры гэтым Францыя здабыла перамогу зь лікам 4:2[33]. На чэмпіянат Эўропы 2020 году, які праз пандэмію каранавірусу ладзіўся ў 2021 годзе, француз ехаў зь вялікімі спадзевамі, аднак зборная была выбітая ў 1/8 фінале, а сам нападнік за свае чатыры матчы на турніры ня даў рады ў справе здабыцьця галоў. Аднак, у канцы году Мбапэ ў фінале чатырох Лігі нацыяў адзначыўся голам як у паўфінале, гэтак і ў пераможнам фінале. 13 лістапада 2021 году Мбапэ правёў чатыры галы ў браму зборнай Казахстану ў адборачным матчы да чэмпіянату сьвету 2022 году[34]. Гэты быў ягоны першы хет-трык у складзе зборнай і першы хет-трык зборнай Францыі з часоў Дамініка Рашэто, які адзначыўся ім у 1985 годзе[35].

На самім чэмпіянаце сьвету 2022 году гулец на сталай аснове адзначаўся ў матчах да фіналу. У вырашальнай сустрэчы турніру Мбапэ ўчыніў свой чарговы хет-трык, стаўшы толькі другім футбалістам у гісторыі, які аформіў хет-трык у фінале чэмпіянату сьвету[36]. Маючы восем галоў на сваім рахунку француз атрымаў «Залатую буцу» турніру[37]. 21 сакавіка 2023 году па завяршэньні міжнароднай кар’еры Юго Лярыса трэнэр Дыд’е Дэшам прызначыў Мбапэ новым капітанам зборнай перад пачаткам адборачнага турніру да чэмпіянату Эўропы 2024 году[38]. У фінальным турніры гулец атрымаў пашкоджаньне носа ў першай сустрэчы, а голам адзначыўся ў матчы супраць зборнай Польшчы. У паўфінале Мбапэ паўдзельнічаў у стварэньні гола, але французы ўсё адно зазналі паразу ад зборнай Гішпаніі. Па выбыцьці з турніру ў паматчавым інтэрвію футбаліст ахарактарызаваў сваю гульню на чэмпіянаце як «правальную»[39].

Дасягненьні

[рэдагаваць | рэдагаваць код]

«Манака»:

«Пары Сэн-Жэрмэн»:

«Рэал»:

Францыя:

  • Чэмпіён сьвету: 2018

Крыніцы

[рэдагаваць | рэдагаваць код]
  1. ↑ K. Mbappe // Soccerway (мн.)
  2. ↑ KYLIAN MBAPPE // Argentine Soccer Database (гішп.)
  3. ↑ Kylian Mbappe-Lottin // As (гішп.) — Madrid: PRISA, 1967. — ISSN 1888-6671
  4. ↑ Каталёг Нямецкай нацыянальнай бібліятэкі (ням.)
  5. ↑ J.E. Luebering, Hollar S. Kylian Mbappé // Encyclopædia Britannica (анг.)
  6. ↑ https://www.realmadrid.com/en-US/football/first-team/players/kylian-mbappe
  7. ↑ https://web.archive.org/web/20250419094446/https://www.realmadrid.com/
  8. ↑ https://en.psg.fr/teams/first-team/squad/kylian-mbappe
  9. ↑ «Kylian Mbappe: the Monaco teen who might be Europe’s most wanted youngster». FourFourTwo.
  10. ↑ «Mbappe: Made in Manchester». Sky Sports.
  11. 1 2 «Kylian Mbappe-Lottin becomes the club’s youngest player». AS Monaco.
  12. 1 2 «Kylian Mbappe offered Monaco contract amid Arsenal, Liverpool links». ESPN
  13. ↑ «Mbappe scores twice in Lique 1 return to seal PSG fight-back». BBC Sport.
  14. ↑ «Official Announcement: Mbappé». Real Madrid CF.
  15. ↑ «Kylian Mbappé completes Real Madrid transfer after PSG exit». ESPN.
  16. ↑ «Official Announcement: Kylian Mbappé’s presentation». Real Madrid CF.
  17. ↑ «Squad number changes». Real Madrid CF.
  18. ↑ Cortegana, Mario; Rai, Guillermo (10.07.2024). «Kylian Mbappe to wear No. 9 shirt at Real Madrid». The Athletic.
  19. ↑ Cortegana, Mario; Corrigan, Dermot (16.07.2024). «Kylian Mbappe and the story of Real Madrid’s decade-long 'obsession' to sign him». The New York Times.
  20. ↑ Real Madrid 3–1 Stuttgart: UEFA Champions League 2024/25 League phase. UEFA (17.09.2024).
  21. ↑ Corrigan, Dermot. Real Madrid 3 Stuttgart 1: Mbappe scores on big night but issues remain for Ancelotti // The New York Times, 17.09.2024 г.
  22. ↑ Thomas, Marissa (25.01.2025) Real Valladolid 0–3 Real Madrid: Kylian Mbappé hits hat-trick to send Real four points clear. BBC. Архіўная копія ад 25.01.2025 г.
  23. ↑ Kylian Mbappé, LALIGA EA SPORTS Player of the Month for January // La Liga, 31.01.2025 г. Архіўная копія ад 31.01.2025 г.
  24. ↑ Lowe, Sid. Mbappé hat-trick rips apart Manchester City to send Real Madrid racing through // The Guardian, 19.02.2025 г.
  25. ↑ Kylian Mbappe makes Real Madrid history! France star bags brace against Barcelona in El Clasico to beat longstanding Ivan Zamorano record // Goal, 11.05.2025 г.
  26. ↑ Langell, Amanda Kylian Mbappe Smashes 71-Year Real Madrid, La Liga Record With 40th Goal // Sports Illustrated. — 14.05.2025.
  27. ↑ Hunter, Graham (26.08.2025) Getting Real Madrid's No. 10 jersey is taking Mbappé to the next level. ESPN.com.
  28. ↑ Monaco star Mbappé given maiden France call-up // Perform Group, 16.03.2017 г. Архіўная копія ад 17.03.2017 г.
  29. ↑ Sánchez-Infante, Esther. Kylian Mbappé becomes France's second youngest debutant // 26.03.2017 г.
  30. ↑ New PSG signing Mbappe scores first goal for France // 31.08.2017 г.
  31. ↑ Russia 1–3 France // BBC, 27.03.2018 г.
  32. ↑ France 4–3 Argentina. FIFA (30.06.2018). Архіўная копія ад 30.06.2018 г.
  33. ↑ McNulty, Phil. France 4–2 Croatia // 15.07.2018 г. Архіўная копія ад 25.03.2019 г.
  34. ↑ France 8–0 Kazakhstan: Kylian Mbappe scores four times for world champions to book Qatar place. Eurosport (13.11.2021). Архіўная копія ад 27.10.2023 г.
  35. ↑ Kylian Mbappe nets blistering first-half hat-trick for France against Kazakhstan. GiveMeSport (13.11.2021). Архіўная копія ад 29.07.2022 г.
  36. ↑ France's Mbappé Scores Hat Trick Архіўная копія ад 21.02.2023 г.
  37. ↑ Lionel Messi And Kylian Mbappe Shoot Up The List Of All-Time Top World Cup Goalscorers. Si.com (18.12.2022). Архіўная копія ад 27.12.2022 г.
  38. ↑ Didier Deschamps has chosen Kylian Mbappé as the new captain of the Blues. L'Équipe (21.03.2023). Архіўная копія ад 20.03.2023 г.
  39. ↑ Jones, Rhys (10.07.2024) Euro 2024: Kylian Mbappe laments own displays after France suffer semi-final loss — 'My Euro was a failure'. TNT Sports.

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Кіліян_Мбапэ&oldid=2675775»