Гранада (футбольны клюб)

	Гранада
Поўная назва	Granada Club de Fútbol, S.A.D.
Заснаваны	1931
Горад	Гранада, Гішпанія
Стадыён	Нуэва Лёс-Кармэнэс; Умяшчальнасьць: 22 524
Прэзыдэнт	Цзянь Ліжанг[d]
Кіраўнік	Цзянь Ліжанг[d]
Галоўны трэнэр	Айтор Каранка[d];
Чэмпіянат	Ля Ліга
· 2022—2023	Сэгунда, 1 месца (падвышэньне)
	Галерэя здымкаў у Вікісховішчы; Афіцыйны сайт

«Грана́да» (па-гішпанску: Granada Club de Fútbol) — прафэсійны гішпанскі футбольны клюб з гораду Гранады, які знаходзіцца ў аўтаномнай супольнасьці Андалюзія. Клюб быў заснаваны 14 красавіка 1931 году, хатнія матчы праводзіць на стадыёне «Нуэва Лёс-Кармэнэс», умяшчальнасьцю 22 524 месцы. «Гранада» ёсьць трэцім клюбам Андалюзіі пасьля «Бэтысу» й «Сэвільлі», якія бралі ўдзел у розыгрышы Ля Лігі, дэбютаваўшы ў сэзоне 1941—1942 гадоў.

Гісторыя[рэдагаваць | рэдагаваць крыніцу]

«Гранада» была заснавана 14 красавіка 1931 году^[2], першапачаткова пад назовам «Рэкрэатыва дэ Гранада». Першым прэзыдэнтам клюбу быў Хуліё Лёпэс Фэрнандэс.

Першы футбольны матч клюб правёў супраць клюбу «Дэпартыва Хаэн», атрымаўшы перамогу зь лікам 2:1. Першы гол у матчы й у гісторыі клюбу забіў Антоніё Бамбільяр. У сэзоне 1931—1932 гадоў клюб атрымаў перамогу ў Тэрсэры.

Пасьля некалькіх прасоўваньняў у больш высокія дывізіёны ў сэзоне 1941—1942 гадоў «Гранада» атрымала права ўдзелу ў Ля Лізе. З гэтых часоў да 1980-х гадоў клюб вагаўся паміж Ля Лігай і Сэгундай, а сапраўдным залатым стагодзьдзем клюбу сталі 1970-я гады. Найлепшымі вынікамі выступаў каманды сталі сэзоны 1971—1972 і 1973—1974 гадоў, калі клюб двойчы займаў шостае месца.

У 1959 годзе «Гранада» дасягнула свайго самага вялікага выступу, стаўшы фіналістам Кубку Гішпаніі. У фінале, які прайшоў на стадыёне «Сант’яга Бэрнабэў», каманда з поўдня Гішпаніі атрымала паразу ад «Барсэлёны» зь лікам 4:1.

У 1980-х гадох, «Гранада» некаторы час правяла ў Сэгундзе, але большую частку дзесяцігодзьдзя прыпалі на выступы ў Сэгундзе Б, апусьціўшыся яшчэ на ўзровень ніжэй у сэзоне 2002—2003 гадоў, у сувязі зь наяўнасьцю запазычанасьці перад сваімі гульцамі^[3]. Пасьля чатырох сэзонаў у чацьвертым дывізіёне, былы прэзыдэнт «Рэалу» Лярэнса Санс, разам са сваім сынам Пака, далучыўся да клюбу. Зь іхнай дапамогай, андалюзійскі клюб быў зноўку павышаны да трэцяга дывізіёну.

У гэты ж час у клюбе меліся пэўныя фінансавыя праблемы, і каманда нават была блізкая да ліквідацыі ўлетку 2009 году. Выйсьце з крызісу была знойдзенае ў супрацы з італьянскім клюбам «Удынэзэ». Такім чынам, італьянцы вялікую колькасьць гульцоў выпраўлялі ў арэнду да гішпаскана клюбу, каб яны мелі гульнявую практыку й здабывалі пэўны досьвед. Праз год год «Гранада» здабыла перамогу ў сваёй групе і, перамогшы ў плэй-оф «Алькаркон», прасунулася да Сэгунды пасьля 22-гадовай адсутнасьці^[3]. Сэзон 2010—2011 гадоў дружына скончыла на 5 месцы, маючы ў сваім складзе шмат гульцоў з «Удынэзэ». У той сэзон дзеяла новая сыстэма плэй-оф, таму, здабыўшы перамогі над «Сэльтай» і «Эльчэ», «Гранада» па 35-гадовай адсутнасьці вярнулася ў Ля Лігу^[4]^[5]. У чэрвені 2016 году кітайскі бізнэсовец Цзян Ліжанг стаў новым уладальнікам клюбу, выкупіўшы кантрольную долю ў сям’і Поцца^[6]. Пасьля шасьці сэзонаў у элітным дывізіёне клюб паводле вынікаў сэзону 2016—2017 гадоў быў вымушаны сысьці ў Сэгунды, фінішаваўшы на апошнім 20 радку^[7].

Склад[рэдагаваць | рэдагаваць крыніцу]

Актуальны на 13 верасьня 2023 году

№	Пазыцыя	Імя	Год нараджэньня
1	Бр	Рауль Фэрнандэс	1988
3	Аб	Вілсан Манафа	1994
4	Аб	Мігель Рубіё	1998
5	Аб	Хэсус Вальеха (ар. Рэал)	1997
7	Нап	Люкас Бае	1996
9	Нап	Хасэ Кальехон	1987
10	Нап	Антоніё Пуэртас	1992
11	Нап	Мырта Ўзуні	1995
12	Аб	Рыкард Санчэс	2000
13	Бр	Андрэ Фэрэйра	1996
14	Аб	Ігнасі Мікель	1992
15	Аб	Карляс Нэва	1996

№	Пазыцыя	Імя	Год нараджэньня
16	Аб	Віктар Дыяс (капітан)	1988
17	Нап	Шон Вэйсман	1996
18	ПА	Негаш Петравіч	1999
19	Нап	Фамара Д’ед’ю	1992
20	ПА	Сэрхіё Руіс	1994
21	ПА	Оскар Мэленда	1997
22	Нап	Альбэрта Пэрэа	1990
23	ПА	Жэрар Гумбаў	1994
24	ПА	Гансалё Вільяр	1998
26	Нап	Браян Сарагоса	2001
28	Аб	Рауль Тарэнтэ	2001
33	Аб	Альвара Фэрнандэс (ар. Ман. Юн.)	2003