Ліянэль Мэсі

Ліянэль Мэсі
Пэрсанальная інфармацыя
Нарадзіўся	24 чэрвеня 1987 (31 год) Расарыё, Аргентына
Рост	169 см
Вага	67 кг
Пазыцыя	нападнік
Клюбная інфармацыя
Клюб	Барсэлёна
Нумар	10
Моладзевыя клюбы
1992—1995 1995—2000 2000—2003	Грандолі Ньюэлз Олд Бойз Барсэлёна
Клюбы
Гады	Клюб	Гульні (галы)¹
2003—2004 2004—	Барсэлёна Б Барсэлёна	22 (6) 418 (383)
Зборныя
2005—	Аргентына	124 (64)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 29 траўня 2018. ² Колькасьць гульняў і галоў за нацыянальную зборную ў афіцыйных матчах, адкарэктавана на 29 траўня 2018.

Ліянэ́ль Андрэ́с Мэ́сі (па-гішпанску: Lionel Andrés Messi; нарадзіўся 24 чэрвеня 1987 году ў Расарыё, Аргентына) — аргентынскі футбаліст, нападнік клюбу «Барсэлёна» і нацыянальнай зборнай Аргентыны. Мэсі — Алімпійскі чэмпіён 2008 году, чэмпіён сьвету сярод моладзі 2005 году, чэмпіён клюбнага кубка сьвету 2009 году, шматразовы ўладальнік «Залатога мяча».

Раньнія гады

Нарадзіўся 24 чэрвеня 1987 году ў Расарыё, Аргентына. Ягоны бацька Хорхэ Мэсі працаваў на фабрыцы, а маці Сэсылія Мэсі (Кусытыні) — часткова занятая прыбіральшчыца. Сям’я ягонага бацькі паходзіць з італьянскага гораду Анкона, адкуль ягоны прашчур Анджэлё Мэсі эміграваў у Аргентыну ў 1883 годзе. Ліянэль мае двух старэйшых братоў — Радрыга й Матыяса, а таксама сястру Марыю Соль. Мэсі стаў займацца футболам ува ўзросьце пяці гадоў, выступаючы за мясцовы клюб «Грандолі». На першыя трэніроўкі яго прывозіла бабуля, якая была адзінай у сям’і, хто хацеў бачыць Ліянэля футбалістам. Пасьля «Грандолі» Ліянэль перайшоў у «Ньюэлз Олд Бойз», які таксама базуецца ў Расарыё. Ува ўзросьце дзесяці гадоў у Ліянэля дыягназавалі дэфіцыт гармона росту. «Рывэр Плэйт» праяўляў інтарэс да хлопца, але ня меў дастатковых сродкаў на ягонае лячэньне. Калі Ліянэлю было 13 гадоў, адзін з акцыянэраў «Барсэлёны» даведаўся пра маладога гульца. Пасьля прагляду футбаліста спартовы дырэктар клюбу Карляс Рэксача здолеў пераканаць савет дырэктароў аплаціць пераезд сям’і Мэсі ў Эўропу й ягонае лячэньне.

Кар’ера

З 13 гадоў Ліянэль гуляў у моладзевым складзе «Барсэлёны», у першым жа сваім матчы аформіўшы «покер». За асноўны склад гішпанскага клюбу Мэсі дэбютаваў 17 кастрычніка 2003 году ў таварыскай сустэчы з партугальскім «Порту». Пасьля матчу газэта «El Mundo» напісала: «У гэтага хлопца левая нага Марадоны, хуткасьць Кройфа й пас Раналдыньню».

Міжнародная кар’ера

Да свайго дэбюту ў моладзевай камандзе Аргентыны Мэсі атрымаў запрашэньне выступаць за нацыянальную зборную Гішпаніі, але адхіліў яго. У чэрвені 2004 году ён нарэшце дэбютаваў у складзе нацыянальнай зборнай Аргентыны ў матчы супраць Парагваю.

Дасягненьні

Пэрсанальныя

• Уладальнік Залатога мяча: 2009, 2010, 2011, 2012, 2015

Клюбныя

Барсэлёна:

• Чэмпіён Гішпаніі (7): 2005, 2006, 2009, 2010, 2011, 2013, 2015
• Уладальнік Кубка Гішпаніі па футболе (3): 2009, 2012, 2015
• Уладальнік Супэркубка Гішпаніі па футболе (6): 2005, 2006, 2009, 2010, 2011, 2013
• Пераможца Лігі чэмпіёнаў (4): 2006, 2009, 2011, 2015
• Уладальнік Супэркубка УЭФА (3): 2009, 2011, 2015
• Пераможца клюбнага чэмпіянату сьвету (3): 2009, 2011, 2015

Міжнародныя

Зборная Аргентыны:

• Чэмпіён Алімпійскіх гульняў: 2008
• Пераможца моладзевага чэмпіянату сьвету: 2005
• Срэбраны прызэр Кубка Амэрыкі: 2007, 2015
• Срэбраны прызэр чэмпіянату сьвету: 2014

Вонкавыя спасылкі

Ліянэль Мэсі — сховішча мультымэдыйных матэрыялаў

• Афіцыйны сайт^{(гішп.)(кат.)(анг.)}
• Профіль на афіцыйным сайце «Барсэлёны»^(анг.)