Црвена Зьвезда Бялград

	Црвена Зьвезда
Поўная назва	Fudbalski Klub Crvena Zvezda
Заснаваны	4 сакавіка 1945
Горад	Бялград, Сэрбія
Стадыён	Црвена Зьвезда; Умяшчальнасьць: 55 538
Прэзыдэнт	Драган Джаіч[d]
Галоўны трэнэр	Дэян Станкавіч[d];
Чэмпіянат	Супэрліга
· 2024—2025	1 месца
	Галерэя здымкаў у Вікісховішчы; crvenazvezdafk.com (сэрб.) (анг.) (рас.)

«Црвена Зьвезда» (па-сэрбску: Црвена звезда) — сэрбскі футбольны клюб з гораду Бялграду. Заснаваны ў 1945 годзе. 19-разовы чэмпіён Югаславіі, 5-разовы чэмпіён Сэрбіі і Чарнагорыі, 11-разовы чэмпіён Сэрбіі. 12-разовы ўладальнік Кубка Югаславіі, 9-разовы ўладальнік Кубка Сэрбіі і Чарнагорыі, 8-разовы ўладальнік Кубка Сэрбіі. Уладальнік Кубка чэмпіёнаў (1991).

Паводле апытаньня, праведзенага ў 2008 годзе, «Црвена Зьвезда» зьяўляецца самым папулярным футбольным клюбам Сэрбіі, маючы падтрымку ў 48,2% апытаных^[2]. Клюб таксама мае шмат прыхільнікаў у іншых былых югаслаўскіх рэспубліках і ў сэрбскіх дыяспарах за мяжой. Галоўнымі супернікамі клюбу зьяўляецца бялградзкі «Партызан». Матчы чэмпіянату паміж гэтымі двума клюбамі вядомыя як «Адвечнае дэрбі». Згодна са сьпісам Міжнароднай фэдэрацыі гісторыі футболу і статыстыкі «Црвена Зьвезда» ўваходзіць у лік лепшых 200 эўрапейскіх клюбаў XX стагодзьдзя, маючы самы высокі рэйтынг сярод сэрбскіх клюбаў і клюбаў былой Югаславіі, займаючы 27-ы радок у сьпісе разам зь нідэрляндзкім клюбам «Фэеноорд».

Гісторыя

У лютым 1945 году, падчас Другой сусьветнай вайны, група маладых людзей, актыўных гульцоў, студэнтаў і чальцоў Сэрбскай аб’яднанай антыфашысцкай моладзевай лігі прыняла рашэньне стварыць Моладзевае таварыства фізычнае культуры, якое паўстала 4 красавіка таго ж году ў Бялградзе. Раней, са сьнежня 1944 году, усе даваенныя сэрбскія клюбы былі распушчаныя, а 5 траўня 1945 году сакратар спорту паводле камуністычных пытаньняў Мітра Мітравіч падпісаў пастанову аб афіцыйным скачаваньні ўсіх даваенных клюбаў на тэрыторыі Сацыялістычнай Рэспублікі Сэрбія. Клюбы былі распушчаныя праз тое, што за часам нямецкае акупацыі была спроба арганізаваць лігу з удзелам існых клюбаў, таму ўсе гэтыя клюбы былі прызнаныя праціўнікамі камуністычнага рэжыму Ёсіпа Броза Ціта.

Двума найбольш папулярнымі клюбамі Бялграду на той час былі «Югаславія» і БСК. «Црвена Зьвезда» была сфарміраваная на рэштках клюбу «Югаславія», то бок новы клюб успадкаваў стадыён «Югаславіі», офіс, шэраг гульцоў і нават іхныя чырвона-белыя колеры, а таксама лягатып, на які дадалі чырвоную зорку. Назва клюбу «Црвена Зьвезда» (бел. Чырвоная зорка) была прынятая пасьля доўгіх дыскусіяў. Іншымі прапанаванымі назовамі былі «Народная зорка», «Сіняя зорка», «Пралетэр», «Сталін», «Ленін» і іншыя^[3]. Чырвоная зорка неўзабаве была прынятая як сымбаль сэрбскага нацыяналізму ў Югаславіі і далучаная на сьцяг СФРЮ.

Склад

Актуальны на 22 лютага 2026 году

№	Пазыцыя	Імя	Год нараджэньня
1	Бр	Матэўс	1992
4	ПА	Мірка Іваніч (капітан)	1993
5	Аб	Радрыган	1995
6	ПА	Магмуду Баджа	2004
10	ПА	Аляксандар Катаі	1991
13	Аб	Мілаш Велькавіч	1995
17	Нап	Бруну Дуартэ	1996
18	Бр	Амры Глазэр	1996
19	Нап	Алекса Дам’янавіч	2008
20	ПА	Тамаш Гэндэл	2000
21	ПА	Тымі Макс Элшнік	1998
22	ПА	Васіліе Костаў	2008
23	Аб	Наір Тыкнізян	1999
24	Аб	Нікала Станкавіч	2003
25	Аб	Страхіня Эракавіч (ар. Зэніт)	2001

№	Пазыцыя	Імя	Год нараджэньня
28	Бр	Вук Драшкіч	2007
30	Аб	Франклін Тэба	2000
33	ПА	Радэ Круніч	1993
35	Нап	Дуглас Авусу	2006
37	Нап	Уладзімер Лучыч	2002
40	Нап	Лука Зарыч	2008
42	Нап	Джэй Энэм (ар. ОФК)	2003
45	Аб	Стэфан Гудэль	2006
49	Нап	Неманья Раданіч	1996
50	Бр	Сава Раданавіч	2009
66	Аб	Соль Ён-У	1998
71	Аб	Адэм Аўдыч	2007
77	Бр	Іван Гутэша	2002
89	Нап	Марка Арнаутавіч	1989

Крыніцы

Вонкавыя спасылкі

Афіцыйны сайт

[_2a0ba2678312992d-1] ttps://www.transfermarkt.com/roter-stern-belgrad/mitarbeiterhistorie/verein/159

[2] «Svaki drugi Srbin navija za Zvezdu». b92.net.

[3] «Sa proslave 57. rođendana crveno-belih: Lenjin i Staljin bili u "igri" za ime Crvene Zvezde». Politika.

[1]

[2]

[3]