Брамнік

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Брамнік у хакеі з шайбай

У шматлікіх гульнявых камандных відах спорту брамнік або галкіпэр (ад анг. goalkeeper) — гулец, абавязкам якога зьяўляецца абараняць сваю браму, гэта значыць не даваць камандзе суперніка забіць гол. Звычайна існуюць спэцыяльныя правілы, якія адносяцца толькі да брамнікаў. Брамнікі часта носяць дадатковае экіпіяваньне.

Брамнікі ў розных відах спорту[рэдагаваць | рэдагаваць крыніцу]

Гандбол[рэдагаваць | рэдагаваць крыніцу]

Асноўны артыкул: Брамнік (гандбол)

Футбол[рэдагаваць | рэдагаваць крыніцу]

У футболе брамнік можа дакранацца да мяча рукамі ў межах сваёй штрафной плошчы. Брамнікавая форма павінна адрозьнівацца ад формы іншых гульцоў каманды, а таксама гульцоў каманды суперніка і судзьдзяў. Брамнік носіць спэцыяльныя пальчаткі, якія дазваляюць яму лепш трымаць мяч і зьмякчаюць удары. Брамнік, які пакінуў штрафную плошчу, лічыцца звычайным гульцом.

Хакей зь мячом[рэдагаваць | рэдагаваць крыніцу]

Брамнік у хакеі зь мячом

У хакеі зь мячом брамнік гуляе бяз клюшкі ў межах штрафной плошчы (паўкруга радыюсам 17 м). Касьцюм брамніка па колеры павінен адрозьнівацца ад касьцюма астатніх гульцоў каманды. Брамніку дазваляецца для засьцярогі ад удараў пры падзеньні й прамым трапленьні мяча апранаць ахоўнае экіпіяваньне, а таксама спэцыяльныя шчыткі, якія шчыльна абліпаюць ногі. Для абароны кісьцей дазваляецца апранаць спэцыяльныя пальчаткі, але пальцы пальчатак брамніка павінны быць падзеленыя й не павінны мець паміж сабой перапонак або пастак. Дазваляецца на пальчатку наляпляць пласт губкі, паралону або іншага матэрыялу, які не павялічвае іх памераў. Брамнік таксама павінен быць на каньках і ў шлеме. Выкарыстаньне брамнікам ахоўнай маскі зьяўляецца абавязковым.

Хакей з шайбай[рэдагаваць | рэдагаваць крыніцу]

Асноўны артыкул: Брамнік (хакей)

У хакеі з шайбай брамнік носіць спэцыяльнае экіпіяваньне, якое складаецца з маскі, шчыткоў, пасткі й спэцыяльнай клюшкі. Брамнік можа прыціскаць шайбу да лёду або заціскаць яе ў пастцы, каб спыніць гульню. Напад на брамніка гульцамі каманды суперніка лічыцца парушэньнем.

Хакей на траве[рэдагаваць | рэдагаваць крыніцу]

У хакеі на траве брамнік носіць ахоўнае экіпіяваньне, і яму дазваляецца адбіваць мяч любой часткай цела.

Воднае пола[рэдагаваць | рэдагаваць крыніцу]

У водным пола брамнік можа чапаць мяч двума рукамі, дакранацца крыса басэйна й удараць мяч кулаком на адлегласьці 4-х мэтраў ад варот. Таксама брамнік можа забіваць галы, аднак яму пры гэтым забараняецца пераплываць на чужую палову поля.

Вонкавыя спасылкі[рэдагаваць | рэдагаваць крыніцу]

Commons-logo.svg Брамніксховішча мультымэдыйных матэрыялаў