Эдынсан Кавані
| Эдынсан Кавані | ||
.jpg) | ||
| Пэрсанальная інфармацыя | ||
|---|---|---|
| Нарадзіўся | 14 лютага 1987[1][2][3][…] (39 гадоў) | |
| Рост | 184 см | |
| Вага | 71 кг | |
| Пазыцыя | нападнік | |
| Клюбная інфармацыя | ||
| Клюб | Бока Хуніёрс | |
| Нумар | 10 | |
| Клюбы | ||
| Гады | Клюб | Гульні (галы)¹ |
| 2005—2007 | Данубіё[d] | 25 (10) |
| 2007—2010 | Палерма | 109 (34) |
| 2010—2013 | Напалі | 138 (104) |
| 2013—2020 | Пары Сэн-Жэрмэн | 200 (138) |
| 2020—2022 | Манчэстэр Юнайтэд | 41 (12) |
| 2022—2023 | Валенсія | 25 (5) |
| 2023— | Бока Хуніёрс | 57 (16) |
| Зборныя | ||
| 2006—2007 | Уругвай (да 20)[d] | 14 (9) |
| 2008—2024 | Уругвай | 136 (58) |
| 2012 | Уругвай (да 23)[d] | 5 (3) |
|
¹ Колькасьць гульняў і галоў за прафэсійны клюб лічыцца толькі | ||
Э́дынсан Рабэ́рта Кава́ні Го́мэс (па-гішпанску: Edinson Roberto Cavani Gómez; нар. 14 лютага 1987 году, Сальта, Уругвай) — уругвайскі футбаліст, нападнік аргентынскага клюбу «Бока Хуніёрс» і нацыянальнай зборнай Уругваю.
Кар’ера
[рэдагаваць | рэдагаваць код]Раньнія гады
[рэдагаваць | рэдагаваць код]Кавані нарадзіўся ва ўругвайскім горадзе Сальта. Там жа ён, усьлед за бацькам і старэйшым братам Вальтэрам пачаў футбольныя выступы. Яго хутка заўважылі клюбы са сталіцы, але малады гулец не сьпяшаўся зь пераходам. У 12 гадоў Эдынсан пераехаў у Мантэвідэо, дзе яго ўзялі ў моладзевую каманду клюбу «Данубіё». У асноўнай камандзе ён дэбютаваў у 2006 годзе й выйграў з клюбам Апэртуру чэмпіянату Ўругваю.
«Палерма»
[рэдагаваць | рэдагаваць код]29 студзеня 2007 году прэзыдэнт «Палерма» Маўрыцыё Дзампарыні абвесьціў аб падпісаньні шматабяцальнага ўругвайскага гульца. У «Палерма» Кавані дэбютаваў 11 сакавіка 2007 году ў хатнім матчы супраць «Фіярэнтыны», выйшаўшы на замену на 55-й хвіліне, празь пятнаццаць хвілінаў адзначыўся першы голам у лізе[4].
У лютым 2010 году Кавані выказаў жаданьне пакінуць «Палерма» й перайсьці ў «Ювэнтус» або «Чэлсі»[5]. Нягледзячы на гэта, у сакавіку 2010 году Кавані працягнуў дамову з «Палерма» да 2014 году з штогадовай заробнай платай у 1 млн эўра[6].
«Напалі»
[рэдагаваць | рэдагаваць код]17 чэрвеня 2010 году прэзыдэнт «Напалі» Аўрэліё Дэ Ляўрэнтыс абвесьціў аб пераходзе Кавані ў шэрагі нэапалітанcкага клюбу[7]. Гулец узяты ў гадавую арэнду ў «Палерма» за 5 млн эўра з наступным выкупам кантракту за 12 млн[8]. Асабісты кантракт уругвайскага нападніка падпісаны да 2015 году з штогадовым заробкам у 1,35 млн эўра без уліку розных бонусаў.
ПСЖ
[рэдагаваць | рэдагаваць код]16 ліпеня 2013 году Кавані далучыўся да табару францускага клюбу «Пары Сэн-Жэрмэн», падпісаўшы зь ім пяцігадовы кантракт[9]. Сума ўгоды, як мяркуецца, склала каля 64 млн эўра[10], што стала пятым паказчыкам паводле сумы ў сусьветным футболе ў гісторыі. Кавані дэбютаваў за новую каманду 9 жніўня, выйшаўшы на 72-й хвіліне на замену матчу супраць «Манпэлье»[11]. 18 жніўня Эдынсан забіў свой першы гол за клюб, у канцы матча супраць «Аячча» зрабіўшы лік нічыйным[12].
Міжнародная кар’ера
[рэдагаваць | рэдагаваць код]6 лютага 2008 году ён адгуляў свой першы матч за дарослую зборную Ўругваю супраць зборнай Калюмбіі й адразу ж забіў свой першы гол.
10 ліпеня 2010 году Эдынсан забіў у матчы супраць зборнай Нямеччыны ў матчы за трэцяе месца на чэмпіянаце сьвету 2010 году, зрабіўшы лік нічыйным 1:1, аднак эўрапейцы ўсё ж сьвяткавалі перамогу зь лікам 3:2[13]. 8 кастрычніка 2010 году Кавалі забіў свой першы міжнародны хет-трык у таварыскім матчы супраць зборнай Інданэзіі (7:1), які праходзіў у Джакарце. Таксама, у тым матчы тры мячы забіў Люіс Суарэс.
Дасягненьні
[рэдагаваць | рэдагаваць код]«Данубіё»:
- Чэмпіён Уругваю: 2006(а)
«Напалі»:
- Уладальнік Кубка Італіі: 2012
«Пары Сэн-Жэрмэн»:
- Чэмпіён Францыі: 2014, 2015, 2016, 2018, 2019, 2020
- Уладальнік Кубка Францыі: 2015, 2016, 2017, 2018, 2020
- Уладальнік Кубка францускае лігі: 2014, 2015, 2016, 2017, 2018, 2020
- Уладальнік Супэркубка Францыі: 2014, 2015, 2017, 2019
Уругвай:
- Уладальнік Кубка Амэрыкі: 2011
Крыніцы
[рэдагаваць | рэдагаваць код]- ↑ Edinson Cavani // Transfermarkt (мн.) — 2000.
- ↑ EDINSON ROBERTO CAVANI // Argentine Soccer Database (гішп.)
- ↑ Edinson Roberto Cavani Gómez // As (гішп.) — Madrid: PRISA, 1967. — ISSN 1888-6671
- ↑ Лампочка Эдинсона. sports.ru
- ↑ Кавани хочет играть, как Руни, и ждёт предложения от «Юве». championat.ru
- ↑ Кавани будет зарабатывать в «Палермо» € 1 млн в год(недаступная спасылка). championat.ru
- ↑ De Laurentiis: «Cavani è del Napoli». tuttonapoli.net
- ↑ «Наполи» заплатил за Кавани € 17 млн. championat.ru
- ↑ dinson Cavani signs 5 year deal with Paris Saint-Germain. Paris Saint-Germain.
- ↑ Paris Saint-Germain seal Cavani signing. Goal.com.
- ↑ Cavani debuts as PSG held. ESPN.
- ↑ Cavani nets late leveller. ESPN.
- ↑ Uruguay 2 – 3 Germany. ESPN Soccernet
Вонкавыя спасылкі
[рэдагаваць | рэдагаваць код]- Афіцыйны сайт
- Кавані на Twitter
- Нарадзіліся 14 лютага
- Нарадзіліся ў 1987 годзе
- Нарадзіліся ва Ўругваі
- Футбалісты клюбу «Бока Хуніёрс» Буэнас-Айрэс
- Футбалісты клюбу «Данубіё» Мантэвідэо
- Футбалісты клюбу «Палерма»
- Футбалісты клюбу «Напалі» Нэапаль
- Футбалісты клюбу «Пары Сэн-Жэрмэн» Парыж
- Футбалісты клюбу «Манчэстэр Юнайтэд»
- Футбалісты клюбу «Валенсія»
- Футбалісты зборнай Уругваю
- Уругвайскія футбалісты
- Уругвайскія футбалісты і футбалісткі на Алімпійскіх гульнях
- Футбалісты і футбалісткі на летніх Алімпійскіх гульнях 2012 году