Пэдра Радрыгес Ледэсма

Пэдра Радрыгес Ледэсма
Pedro Rodríguez
Пэрсанальная інфармацыя
Нарадзіўся	28 ліпеня 1987 (31 год) Санта-Крус-дэ-Тэнэрыфэ, Гішпанія
Рост	169 см
Вага	64 кг
Пазыцыя	нападнік
Клюбная інфармацыя
Клюб	Чэлсі Лёндан
Нумар	11
Клюбы
Гады	Клюб	Гульні (галы)¹
2007—2015 2007—2009 2015—	Барсэлёна Барсэлёна Б Чэлсі Лёндан	204 (58) 55 (17) 44 (10)
Зборныя
2010—	Гішпанія	60 (17)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 14 сьнежня 2016. ² Колькасьць гульняў і галоў за нацыянальную зборную ў афіцыйных матчах, адкарэктавана на 29 траўня 2016.

Пэ́дра Радры́гес Ледэ́сма (па-гішпанску: Pedro Rodríguez Ledesma; нарадзіўся 28 ліпеня 1987 году, Санта-Крус-дэ-Тэнэрыфэ, Гішпанія) — гішпанскі футбаліст, нападнік клюбу «Чэлсі» й нацыянальнай зборнай Гішпаніі.

Біяграфія

Пачаў сваю кар’еру ў камандзе аднаго зь ніжэйшых гішпанскіх дывізіёнаў «Сан-Ісыдра» на родных Канарскіх астравах у сэзоне 2003—2004 гадоў, адзначыўшыся гульнямі як за юнацкі, гэтак і за асноўны склад. Адтуль перабраўся ў юніёрскую каманду «Барсэлёны», за розныя юніёрскія й моладзевыя каманды «сіне-гранатавых» адыграў тры сэзоны.

Першы матч за асноўны склад «Барсэлёны» правёў 11 верасьня 2007 году ў фінале Кубка Каталёніі, дзе ягоная каманда саступіла «Хімнастыку» з Тарагоны зь лікам 1:2. 12 студзеня 2008 году Пэдра дэбютаваў у першай камандзе, правёўшы адну хвіліну пераможнага матчу супраць «Мурсіі» (4:0).

Зборная

У 2010 годзе трапіў у заяўку зборнай Гішпаніі па футболе на чэмпіянат сьвету 2010 году ў Паўднёва-Афрыканскай Рэспубліцы, дзе стаў чэмпіёнам сьвету. У 2012 годзе разам са зборнай стаў чэмпіёнам Эўропы. Свой першы хет-трык Пэдра забіў 12 кастрычніка 2012 году ў матчы на менскім стадыёне «Дынама» супраць зборнай Беларусі (0:4).

Дасягненьні

Клюбныя

«Барсэлёна»:

• Чэмпіён Гішпаніі (5): 2009, 2010, 2011, 2013, 2015
• Уладальнік Кубка Гішпаніі (3): 2009, 2012, 2015
• Уладальнік Супэркубка Гішпаніі (4): 2009, 2010, 2011, 2013
• Пераможца Лігі чэмпіёнаў (3): 2009, 2011, 2015
• Уладальнік Супэркубка УЭФА (2): 2009, 2011
• Пераможца клюбнага чэмпіянату сьвету (2): 2009, 2011

Міжнародныя

Гішпанія:

• Чэмпіён сьвету: 2010
• Чэмпіён Эўропы: 2012

Сям’я

Старэйшы брат Пэдра Кірыян Радрыгес Ледэсма выступае ў цяперашні час у адным з клюбаў гішпанскіх ніжэйшых дывізіёнаў.

Вонкавыя спасылкі

Пэдра Радрыгес Ледэсма — сховішча мультымэдыйных матэрыялаў

• Профіль на афіцыйным сайце «Барсэлёны»