Купала (фільм)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
КупалаPicto infobox cinema.png
па-беларуску: Купала
Жанр біяграфічны фільм[d], гістарычны фільм[d] і драматычны фільм[d]
Рэжысэр
У ролях
Вытворчасьць Беларусьфільм
Дата выхаду 2020
Час 150 хвіліна
Краіна
Мова беларуская мова
Бюджэт 1 500 000 $[1]
Старонка на IMDb

«Купа́ла»беларускі мастацкі фільм рэжысэра Ўладзімера Янкоўскага, прадстаўлены ў 2020 року. Фільм распавядае пра жыцьцёвы і творчы шлях клясыка беларускай літаратуры Янкі Купалы.

Сюжэт[рэдагаваць | рэдагаваць крыніцу]

Гістарычная драма апавядае пра лёс народнага паэта Беларусі Янкі Купалы. У карціне раскрываюцца асноўныя вяхі жыцьцёвага і творчага шляху паэта, якія супалі з найбольш трагічнымі падзеямі XX стагодзьдзя.

У ролях[рэдагаваць | рэдагаваць крыніцу]

Актор Роля
Мікалай Шастак Янка Купала Янка Купала
Вераніка Пляшкевіч Паўліна Мядзёлка Паўліна Мядзёлка
Алена Гіранок Уладзіслава Станкевіч Уладзіслава Станкевіч
Ганна Палупанава маці
Аляксандар Абрамовіч бацька
Уладзімер Янкоўскі
Аляксандар Яфрэмаў
Аляксандар Ільін
Максім Крэчатаў
Уладзімер Глотаў

Здымачная група[рэдагаваць | рэдагаваць крыніцу]

  • рэжысэр — Уладзімер Янкоўскі
  • сцэнарысты — Алена Калюнова, Аляксандра Барысава, Уладзімер Янкоўскі
  • апэратар — Ільля Пугачоў
  • кампазытар — Уладзімер Сівіцкі
  • мастак-пастаноўшчык — Натальля Навоенка
  • мастак па касьцюмах — Алёна Ігруша
  • мастак па грыме — Тацьцяна Баркун
  • падбор актораў — Інга Муратава

Здымкі[рэдагаваць | рэдагаваць крыніцу]

Здымкі адбываліся цягам 2018—2019 рокаў у Беларусі (у прыватнасьці, Беларускі дзяржаўны музэй народнай архітэктуры і побыту), Летуве, Расеі. У канцы верасьня 2019 року фільм быў змантаваны. Над фільмам працавалі беларускія і расейскія апэратары. Музыка да фільму была запісаная сымфанічным аркестрам. Былі запісаныя трэйлеры фільму ангельскай, беларускай, кітайскай і маскальскай мовамі. Афіша распрацоўвалася супольна зь беларускім мастаком і дызайнэрам Уладзімерам Цэсьлерам.

7 верасьня 2020 року фільм зьявіўся ў адкрытым доступе ў інтэрнэце ў адным з тэлеграм-каналаў. Афіцыйнай прэм’еры не адбылося[2].

Узнагароды[рэдагаваць | рэдагаваць крыніцу]

  • „Падзея кінэматаграфічнага году“ Міжнароднага фэстывалю кіно краінаў СНД „Маскоўская прэм’ера“ (2020)[2]

Ацэнкі[рэдагаваць | рэдагаваць крыніцу]

11 жніўня 2021 году кандыдат мастацтвазнаўства Зянон Пазьняк абнародаваў водгук на кінафільм «Купала», у якім зазначыў: «Гэта адзіны твор, зроблены на кінастудыі “Беларусьфільм”, дзе адлюстраваны праўдзівы беларускі дух, культура, вобразы і дачыненьні між людзьмі». Пазьняк удакладніў: «У кіно “Купала” ўражвае “трапляньне” ў вобразы..., кожная роля — вобраз, а некаторыя выкладзеныя проста бліскуча. Добра пастаўленыя і сыграныя, практычна, усе зборныя сцэны інтэлігенцыі». Мастацтвазнаўца заўважыў: «У фільме ёсьць гістарычная праўдзівасьць вобразаў, адносінаў і гістарычнай сытуацыі, і самае важнае — тут ёсьць тое сутнаснае, характэрнае, інтэлегентнае і беларускае ў дачыненьнях людзей, дух нашай звычаёвай культуры таго часу, такі знаёмы і настальгічны». Урэшце Зянон Пазьняк падкрэсьліў: «У агульных рысах у фільме “Купала” ёсьць дух культуры, адносінаў і вобраз Беларусі. Фільм увогуле зроблены прафэсійна. Гэта выяўляецца ў прыватнасьці і ў аксэсуарах, і ў касьцюмах, дасканала дапасаваных да эпохі. Але самымі прыгожымі ў фільме ёсьць створаныя акторамі вобразы людзей, беларускай інтэлігенцыі пэрыяду нацыянальнага Адраджэньня, змаганьня за незалежнасьць, за вольную Бацькаўшчыну і сьветлую Беларусь»[3].

Крыніцы[рэдагаваць | рэдагаваць крыніцу]

  1. ^ https://budzma.by/news/kupala-10-pytanniau.html
  2. ^ а б REFORM.by. (18 лістапада 2020) Фильм «Купала» стал событием года на кинофестивале «Московская премьера»(рас.) Reformation Праверана 28 траўня 2021 г.
  3. ^ Зянон Пазьняк. Сьветлы Купала // «Беларуская салідарнасьць», 11 жніўня 2021 г. Праверана 15 жніўня 2021 г.

Вонкавыя спасылкі[рэдагаваць | рэдагаваць крыніцу]