Уладзімер Буднік

Уладзімер Буднік
	Уладзімер Буднік
Род дзейнасьці	кампазытар
Дата нараджэньня	28 красавіка 1949
Месца нараджэньня	Жыткавічы, Гомельская вобласьць
Дата сьмерці	8 жніўня 2007 (58 гадоў)
Месца вучобы	Гомельскі дзяржаўны коледж мастацтваў[d]; Беларуская дзяржаўная акадэмія музыкі;
Занятак	кампазытар

Уладзіме́р Іва́навіч Бу́днік (28 красавіка 1949, Жыткавічы — 8 жніўня 2007) — беларускі кампазытар.

Біяграфія

Закончыў Гомельскае музычнае вучылішча імя Н. Сакалоўскага па клясе баяна, Беларускую дзяржаўную кансэрваторыю па клясе кампазыцыі прафэсара А. В. Багатырова.

Творчасьць

Аўтар сымфоніі, кантаты, інструмэнтальнай творчасьці, шырока вядомы яго песьні «Пах чабаровы», «Палесьсе», «Шумі, мой лес», «Зямля мая адзіная», «Вятры Палесься», «Маці-зямля», «Белая лілея», «Сьвятло тваіх вачэй», «Водар чаромхі», «Я зачараваная табой», «Папараць-кветка», «Каця-Кацярына», «Ксеня», «Вечаровая песьня самотніцы», «Жаданае каханьне» і іншыя. Ляўрэат прэміі Ленінскага камсамолу Беларусі (1982), ляўрэат прэміі Фэдэрацыі прафзьвязаў Беларусі (1993), сябар зьвязу кампазытараў Беларусі (1977).

Уладзімер Буднік — аўтар шэрагу патрыятычных песьняў. Вакальны твор «Янка Купала» меў посьпех і на эўрапейскіх фэстывалях.

Каля дваццаці вакальных твораў Уладзімера Будніка зьмешчана на старонках «Зьвязды».

Асаблівасьцямі песеннай спадчыны Ўладзімера Будніка зьяўляюцца выразнасьць мэлёдыяў, эмацыйная непасрэднасьць і нацыянальны калярыт.

Ушанаваньне памяці

3 сьнежня 2007 году ў Белдзяржфілярмоніі адбыўся канцэрт памяці беларускага кампазытара Ўладзімера Будніка.^[1]

Дадатковыя зьвесткі

Песьня «Янка Купала» ў сапраўднасьці называецца «Веснавыя званы».

Крыніцы

^ Канцэрт памяці Ўладзімера Будніка (рас.)

Літаратура

Памяць: Гіст.-дакум. хроніка Жыткавіцкага р-на / Рэд.-укл. В. Р. Феранц. — Мн.: Ураджай, 1994. — 767 с., [8] л. іл. ISBN 5-7860-0614-X.
Д.П. БУДНІК УЛАДЗІМІР (Будник Владимир, Budnik Uladzimir) // Энцыклапедыя беларускай папулярнай музыкі (бел.) / уклад. Дз. Падбярэзскі і інш. — Мінск: Зміцер Колас, 2008. — С. 44–45. — 368 с. — 2000 ас. — ISBN 978-985-6783-42-8

Вонкавыя спасылкі

21.BY, Пах чабаровы

[1] Канцэрт памяці Ўладзімера Будніка (рас.)

[1]