YouTube

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
YouTube
YouTube logo 2013.svg
URL http://youtube.com
Слоган Broadcast Yourself
Alexa рэйтынг 2
Камэрцыйны? так
Тып Відэахостынг
Рэгістрацыя апцыянальна
Даступныя мовы 23 мовы
Уладальнік Google ад 2006 г.
Аўтар Стыў Чэн, Чэд Хёрлі, Джэўэд Карым
Пачатак працы 15 лютага 2005
Бягучы стан актыўны

YouTube (МФА [ˈjuːtuːb] ад па-ангельску: you — «ты», «вы», і па-ангельску: tube — «труба», жарг. англ. — «тэлевізар»; вымаўляецца як «Ютуб» або «Юцьюб») — відэахостынг, які надае карыстачам паслугі захоўваньня, дастаўкі й паказу відэа. Карыстачы могуць дадаваць, праглядаць і камэнтаваць тыя або іншыя відэазапісы. Дзякуючы прастаце і выгодзе выкарыстаньня YouTube стаў адным з самых папулярных месцаў для разьмяшчэньня відэафайлаў. На сайце прадстаўленыя як прафэсійна зьнятыя фільмы і кліпы, так і аматарскія відэазапісы, уключаючы відэаблогі.

Гісторыя праекту[рэдагаваць | рэдагаваць крыніцу]

Кампанія была заснаваная ў лютым 2005 году трыма былымі супрацоўнікамі PayPal ў Сан-Бруна, Каліфорнія. Яны выкарыстоўвалі тэхналёгію Flash Video (FLV), якая дазваляе атрымаць адносна добрую якасьць запісу пры невялікім аб’ёме перадаваемых дадзеных. Праект стаў добрым сродкам забавы, і паводле дадзеных статыстыкі аналітычнай кампаніі Alexa, апярэдзіў паводле папулярнасьці сацыяльную сетку MySpace.

У лістападзе 2006 году была завершаная купля YouTube кампаніяй Google за 1,65 мільярды даляраў. Да куплі YouTube Google меў сэрвіс падобнай скіраванасьці — Google Відэа. Прадстаўнікі Google ня сталі зачыняць яго, а выкарыстоўвалі яго як месца пошуку відэа па ўсіх відэахостынгавых сайтах. У цяперашні час пошук Google Video ўключае і YouTube.

Самае першае відэа на YouTube — 18-сэкундны ролік аматарскай здымкі Джавэда Карыма ў заапарку Сан-Дыега — на YouTube было разьмешчанае 23 красавіка 2005 году а 20:27 па мясцовым часе[1].

Асаблівасьці[рэдагаваць | рэдагаваць крыніцу]

На сайце YouTube.com карыстачы могуць запампоўваць відэа ў некалькіх распаўсюджаных фарматах, у тым ліку .mpeg і .avi. YouTube аўтаматычна канвертуе іх у Flash Video (.mp4) з выкарыстаньнем несвабоднага (патэнтаванага) кодэка H. 264, а таксама кодэкаў для фармату WebM, і робіць іх даступнымі для прагляду ў онлайн.

Захаванае відэа разьмяшчаецца ў кэшы аглядальніка (калі ролік мае вялікі памер, у кэшы можа апынуцца толькі ягоная частка, якая праглядалася апошняй, як правіла гэтага не адбываецца з ролікамі працягласьцю менш за 15 хвілін).

  • у Mozilla Firefox відэа часова захоўваецца ў каталёгу профілю. Кэш даступны па адрасе about:cache.
  • у Internet Explorer відэа часова захоўваецца ў тэчцы Temporary Internet Files ў профілі карыстача (напрыклад, «%USERPROFILE%\Local Settings\Temporary Internet Files\»).
  • у Opera відэа часова захоўваецца ў кэшы профілю ў каталёгу cache4.
  • у Google Chrome відэа часова захоўваецца ў каталёгу (напрыклад, «%USERPROFILE%\Local Settings\Application Data\Google\Chrome\User Data\Default\Cache\»).

Таксама паводле статыстыкі на люты 2012 году за хвіліну на Youtube запампоўваецца 60 гадзін відэа (сакавік 2010 — 24 гадз., лістапад 2010 г. — 35 гадз., травень 2011 г. — 48 гадз.), а за дзень — 86 400 гадзін. Найпрацяглы ролік доўжыцца 596 гадзін.

Існуе дадатак YouTube для Smart TV.

Лякалізацыі[рэдагаваць | рэдагаваць крыніцу]

Краіна Мова Дата запуску
Сьцяг Аргентыны Аргентына Гішпанская 8 верасьня 2010
Сьцяг Аўстраліі Аўстралія Аўстралійскі варыянт ангельскай мовы 22 кастрычніка 2007
Дзяржаўны сьцяг Беларусі Беларусь Расейская 6 кастрычніка 2015
Сьцяг Бразыліі Бразылія Партугальская 19 чэрвеня 2007
Сьцяг Ірляндыі Ірляндыя Ангельская (ірляндзкая) 19 чэрвеня 2007
Сьцяг Канады Канада Канадзкі варыянт ангельскай мовы ды Канадзкі варыянт францускай мовы 6 лістапада 2007
Сьцяг Чэхіі Чэхія Чэская 9 кастрычніка 2008
Сьцяг Францыі Францыя Француская 19 чэрвеня 2007
Сьцяг Нямеччыны Нямеччына Нямецкая 8 лістапада 2007
Сьцяг Ганконгу Ганконг Кантонскі варыянт кітайскай мовы 17 кастрычніка 2007
Сьцяг Ізраілю Ізраіль Іўрыт 16 верасьня 2008
Сьцяг Турэччыны Турэччына Турэцкая 1 кастрычніка 2012
Сьцяг Індыі Індыя Хінгліш ды хіндзі 7 траўня 2008
Сьцяг Італіі Італія Италійская 19 чэрвеня 2007
Сьцяг Японіі Японія Японская 19 чэрвеня 2007
Сьцяг Паўднёвай Карэі Рэспубліка Карэя Карэйская 23 студзеня 2008
Сьцяг Мэксыкі Мэксыка Гішпанская 11 кастрычніка 2007
Сьцяг Нідэрляндаў Нідэрлянды Нідэрляндзкая 19 чэрвеня 2007
Сьцяг Новай Зэляндыі Новая Зэляндыя Новазэляндзкі варыянт ангельскай мовы 22 кастрычніка 2007
Сьцяг Польшчы Польшча Польская 19 чэрвеня 2007
Сьцяг Расеі Расея Расейская 13 лістапада 2007
Сьцяг Гішпаніі Гішпанія Гішпанская 19 чэрвеня 2007
Сьцяг ПАР Паўднёва-Афрыканская Рэспубліка Паўднёваафрыканскі варыянт ангельскай мовы 17 траўня 2010
Сьцяг Швэцыі Швэцыя Швэдзкая 22 кастрычніка 2008
Сьцяг Тайваня Тайвань Кітайская 18 кастрычніка 2007
Сьцяг Вялікабрытаніі Вялікабрытанія Брытанскі варыянт ангельскай мовы 19 чэрвеня 2007
Сьцяг Украіны Украіна Украінская 1 сьнежня 2010

Запуск лякальнай вэрсыі ў Беларусі[рэдагаваць | рэдагаваць крыніцу]

Кампанія Google абвясьціла пра запуск YouTube Беларусь — лякалізаванай вэрсыі папулярнай відэаплятформы, якая дазволіць беларускім інтэрнэт-карыстачам камунікаваць, ствараць відэа і дзяліцца ім на дамене youtube.by.

Паводле зьвестак дасьледчай кампаніі TNS, ахоп YouTube у Беларусі складае 64% інтэрнэт-карыстачоў старэйшых за 18 гадоў. Кожны трэці глядзіць анлайн-відэа так жа часта, як і ТБ, а 27% заходзяць на плятформу штодня. Новыя магчымасьці беларускай лякалізацыі:

  • карыстальнікі пачнуць бачыць рэкамэндаваны лякальны кантэнт — то бок той кантэнт, які глядзяць іншыя беларусы;
  • Рэклямадаўцы (беларускія або глябальныя) — могуць купляць рэкляму і йсьці менавіта на беларускі рынак (таргетаваная рэкляма);
  • Праваўладальнікі з Беларусі змогуць стаць афіцыйнымі партнёрамі YouTube і зарабляць на сваім кантэнце дзякуючы рэкляме, разьмешчанай на канале[2].

Вонкавыя спасылкі[рэдагаваць | рэдагаваць крыніцу]

Commons-logo.svg  YouTubeсховішча мультымэдыйных матэрыялаў

  1. ^ YouTube: Overnight success has sparked a backlash
  2. ^ Google запустила белорусскую версию YouTube