Аб’яднаньне сілавікоў Беларусі
Каардынаты: 52°14′48″ пн. ш. 21°0′16″ у. д. / 52.24667° пн. ш. 21.00444° у. д.
| «Аб’яднаньне сілавікоў Беларусі» | |
 | |
| Абрэвіятура | «АСБ» |
|---|---|
| Дата ўтварэньня | 20 кастрычніка 2020 (2 гады таму) |
| Юрыдычны статус | грамадзкае аб’яднаньне |
| Мэта | аднаўленьне правапарадку ў Беларусі |
| Штаб-кватэра | акруга Сяродмесьце, мікрараён Муранаў, вул. Длуга, д. 29[1] |
| Месцазнаходжаньне | Варшава |
| Дзейнічае ў рэгіёнах | Польшча |
| Афіцыйныя мовы | беларуская, расейская |
| Колькасьць супрацоўнікаў | звыш 200 (2021 год) |
| Сайт | bypol.org/by |
«Аб’ядна́ньне сілавіко́ў Белару́сі» — грамадзкае аб’яднаньне былых праваахоўнікаў Беларусі, заснаванае ў кастрычніку 2020 году ў Варшаве (Польшча) пад скаротам «Байпол» ад беларуская паліцыя.
На 2021 год налічвала звыш 200 прафэсійных афіцэраў з 11 ведамстваў Беларусі: Апэратыўна-аналітычнага цэнтру, Дзяржаўнага камітэту судовых экспэртызаў, Дзяржаўнага мытнага камітэту, Дзяржаўнага памежнага камітэту, Камітэту дзяржаўнай бясьпекі, Камітэту дзяржаўнага кантролю, Міністэрства ўнутраных справаў, пракуратуры, Службы бясьпекі прэзыдэнта, Сьледчага камітэту і Ўзброеных сілаў. Супрацоўнікі «АСБ» знаходзіліся ў 18 краінах, у тым ліку ў:
- 3-х краінах Азіі — Грузія, Ізраіль і Кіпр;
- 1-й краіне Акіяніі — Аўстралія;
- 2 краінах Паўночнай Амэрыкі — ЗША і Канада;
- 13 краінах Эўропы — Беларусь, суседнія Летува, Польшча, Расея і Ўкраіна, а таксама Бэльгія, Ірляндыя, Італія, Нямеччына, Славаччына, Чарнагорыя, Швэцыя і Эстонія[2].
22 красавіка 2021 году суд Чыгуначнага раёну Гомеля прызнаў тэлеграм-канал «BYPOL» экстрэмісцкім. У выніку распаўсюджваньне інфармацыі з гэтага каналу цягне адміністрацыйную адказнасьць[3]. 12 студзеня 2022 году гэты ж суд прызнаў экстрэмісцкімі матэрыяламі Адзіную кнігу рэгістрацыі злачынстваў ды іншыя інтэрнэт-рэсурсы ініцыятывы[4].
У лістападзе 2021 года МУС прызнала BYPOL экстрэмісцкім фармаваньнем[5]. Стварэньне такога фарміраваньня або ўдзел у ім з’яўляецца ў Беларусі крымінальным злачынствам[6].
У жніўні 2022 году Вярхоўны Суд Рэспублікі Беларусь прызнаў арганізацыю тэрарыстычнай[7].
Дзейнасьць[рэдагаваць | рэдагаваць крыніцу]
На 2021 год «Аб’яднаньне сілавікоў Беларусі»:
- дапамагала пацярпелым праваахоўнікам;
- распрацоўвала рэформу праваахоўнай сыстэмы;
- утварала праваахоўную ўстанову;
- далучала супрацоўнікаў са складу праваахоўных органаў;
- выкрывала злачынствы ўраду праз каналы ў Тэлеграме (ААЭ) і «Ютубе» (ЗША), а таксама ў сацыяльных сетках «Аднаклясьнікі» (Расея) і «Фэйсбук» (ЗША);
- уносіла вінаватых чыноўнікаў у Адзіную кнігу рэгістрацыі злачынстваў (АКРЗ);
- расьсьледавала выбарчыя злачынствы чыноўнікаў у 2020 годзе[8].
Крыніцы[рэдагаваць | рэдагаваць крыніцу]
- ^ Кантакты // «Аб’яднаньне сілавікоў Беларусі», 2021 г. Праверана 8 чэрвеня 2021 г.
- ^ Пра нас // «Аб’яднаньне сілавікоў Беларусі», 2021 г. Праверана 8 чэрвеня 2021 г.
- ^ Telegram-канал «BYPOL» прызнаны экстрэмісцкім Новы час Праверана 2022-01-10 г.
- ^ Интернет-ресурсы BYPOL признаны экстремистскими материалами(рас.) Reform.by Праверана 2022-01-21 г.
- ^ Інтэрнэт-рэсурчы «BYPOL»/ «мабілізацыйны план «Перамога»» прызналі экстрэмісцкімі фарміраваннямі Новы час Праверана 2022-01-10 г.
- ^ БАЖ: Патрабуем спыніць практыку выкарыстання антыэкстрэмісцкага заканадаўства для абмежавання свабоды слова Беларуская асацыяцыя журналістаў Праверана 2021-12-22 г.
- ^ [1]
- ^ Дзейнасьць // «Аб’яднаньне сілавікоў Беларусі», 2021 г. Праверана 8 чэрвеня 2021 г.
Вонкавыя спасылкі[рэдагаваць | рэдагаваць крыніцу]
| Гэта — накід артыкула. Вы можаце дапамагчы Вікіпэдыі, пашырыўшы яго. |
