Прэзыдэнцкія выбары ў Беларусі 2020 году

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
2015
 Сьцяг Беларусі
Прэзыдэнцкія выбары ў Беларусі 2020 году
11 кастрычніка 2020
Alexander Lukashenko crop.jpeg Aleksey Yanukevich (bilde 01).JPG
Кандыдат Аляксандар Лукашэнка Аляксей Янукевіч Юры Губарэвіч
Партыя беспартыйны Партыя БНФ Рух "За свабоду"
Галасоў выбаршчыкаў 5 102 478


Адсотак 83,47%


Прэзыдэ́нцкія вы́бары ў Белару́сі 2020 го́ду — шостыя прэзыдэнцкія выбары з часу атрыманьня незалежнасьці ў 1991 годзе. Адбудуцца не пазьне за 30 жніўня 2020 году[1][2][3]. Дзень правядзеньня будзе прызначаная на пасяджэньні Палаты прадстаўнікоў. На выбары выдзелена 36 000 000 рублёў[4].

Умовы ўдзелу ў галасаваньні[рэдагаваць | рэдагаваць крыніцу]

У адпаведнасьці з Канстытуцыяй Рэспублікі Беларусь Прэзыдэнт Рэспублікі Беларусь выбіраецца на 5 гадоў і ўступае ў пасаду пасьля прынясеньня прысягі (артыкул 81 Канстытуцыі). Выбары Прэзыдэнта Рэспублікі Беларусь прызначаюцца Палатай прадстаўнікоў Нацыянальнага сходу Рэспублікі Беларусь не пазьней чым за пяць месяцаў і праводзяцца ў нядзелю не пазьней чым за два месяцы да заканчэньня паўнамоцтваў дзеючага Прэзыдэнта (артыкул 81).

Патрабаваньні да галавы краіны[рэдагаваць | рэдагаваць крыніцу]

Прэзыдэнтам можа быць абраны:

  • грамадзянін Рэспублікі Беларусь па нараджэньню,
  • узрост 35 гадоў і болей,
  • валодае выбарчым правам,
  • пастаянна пражывае ў Рэспубліцы Беларусь ня менш дзесяці гадоў непасрэдна перад выбарамі (артыкул 80).
  • ня мае судзімасьць.

Патрабаваньні да выбаршчыкаў[рэдагаваць | рэдагаваць крыніцу]

Галасаваць на выбарах прэзідэнта маюць права:

  • грамадзяне Рэспублікі Беларусь,
  • узросту 18 гадоў і болей.

Сьпіс удзельнікаў[рэдагаваць | рэдагаваць крыніцу]

  • Аляксандр Лукашэнка - дзейны (з 1994 года) Прэзідэнт Рэспублікі Беларусь, Прэзідэнт Нацыянальнага Алімпійскага камітэта[5][6];
  • Алена Анісім - дэпутат Палаты прадстаўнікоў 6 скліканьня (2016-2019), старшыня Таварыства беларускай мовы ім. Ф. Скарыны;
  • Алег Гайдукевіч - дэпутат Палаты прадстаўнікоў 7 скліканьня (з 2019), старшыня Лібэральна-дэмакратычнай партыі;
  • Юры Губарэвіч - кіраўнік руху «За свабоду»;
  • Мікалай Казлоў - старшыня Аб'яднанай грамадзянскай партыі;
  • Вольга Кавалькова - сустаршыня незарэгістраванай партыі «Беларуская хрысціянская дэмакратыя»[7].
  • Сяргей Чэрэчэнь - Старшыня партыі Беларуская сацыял-дэмакратычная Грамада[8].
  • Аляксандар Ярашук — старшыня Беларускага кангрэса Дэмакратычных прафсаюзаў[9]

Магчымыя ўдзельнікі[рэдагаваць | рэдагаваць крыніцу]

  • Мікалай Статкевіч - старшыня Беларускай сацыял-дэмакратычнай партыі (Народная Грамада), кандыдат у Прэзідэнты на выбарах 2010 года (ня мае права балятавацца на гэтую пасаду з-за судзімасьці);
  • Тацяна Караткевіч - сябра руху «Гавары праўду», кандыдат у Прэзыдэнты на выбарах 2015 году;
  • Сяргей Скрабец - дэпутат Палаты прадстаўнікоў 2 скліканьня (2000-2004);
  • Аляксей Янукевіч - былы старшыня партыі БНФ (2009-2017).

Адзіны спаборнік ад праціўнікаў А. Лукашэнкі[рэдагаваць | рэдагаваць крыніцу]

Перад выбарамі паўстала пытаньне аб адзіным спаборніку ад праціўнікаў Лукашэнкі[10]. 24 студзеня прэс прэс-служба АГП заявіла пра рашэнне апазыцыі вылучыць адзінага кандыдата на прэзыдэнцкіх выбарах.

"27 студзеня апазыцыя абвесьціць аб пачатку кампаніі адзінага кандыдата. Пасьля сур'ёзных і доўгіх дыскусый апазыцыя здолела дамовіцца аб тым, каб вылучыць адзінага кандыдата, і выпрацавала мэханізм яго вызначэньня. Адзіны кандыдат павінен аб'яднаць усе дэмакратычныя сілы краіны і стаць лідэрам сумеснай барацьбы за вяртаньне Беларусі на шлях дэмакратычнага развіцьця. Прэс-канфэрэнцыя адбудзецца 27 студзеня ў 12.00», - гаворыцца ў паведамленьні[11].

27 студзеня 2020 году праціўнікі А. Лукашэнкі (Рух «За Свабоду», АГП, БСДП, партый БХД і БНФ) правялі супольную сустрэчу са СМІ. На ёй абвясьцілі аб пачатку выбараў супольнага кандыдата на будучых выбарах[12][13].

Але раней экс-дэпутат Палаты прадстаўнікоў, кіраўнік "Таварыства беларускай мовы ім. Францыска Скарыны» Алена Анісім заявіла, што падчас сходу Усебеларускага кангрэса «За незалежнасьць» адзіны кандыдат, якога можна вылучыць на выбарах прэзыдэнта краіны ў 2020 годзе, прадстаўлены не будзе.

Лібэральна-дэмакратычная партыя Беларусі мае намер вылучыць прэтэндэнтам на пасаду прэзыдэнта Беларусі на маючых адбыцца выбарах кіраўніка партыі Алега Гайдукевіча, паведамілі ў прэс-службе ЛДП.

«9 лютага адбылося пасяджэньне Вышэйшага савета і Цэнтральнага камітэта ЛДП з удзелам кіраўнікоў рэгіянальных структур. У мэтах выкананьня рашэньняў зьезда партыі ЛДП вылучае прэтэндэнтам на пасаду прэзыдэнта Рэспублікі Беларусь лідэра партыі, дэпутата парляманта, намесьніка старшыні камісіі па міжнародных справах Алега Гайдукевіча", - гаворыцца ў паведамленьні прэс-службы.

Будуць удзельнічаць у выбарах грамада "Справядлівы сьвет"[14].

Крыніцы[рэдагаваць | рэдагаваць крыніцу]

  1. ^ Лукашэнка: прэзідэнцкія выбары пройдуць у Беларусі ў 2020 годзе
  2. ^ Ярмошына: аптымальная дата прэзідэнцкіх выбараў — 30 жніўня 2020 года
  3. ^ Прэзідэнцкія выбары ў Беларусі пройдуць у 2020 годзе
  4. ^ Прэзідэнцкія выбары-2020 будуць даражэйшыя за папярэднія на $ 6,6 млн
  5. ^ "Я сваю кандыдатуру прапаную": Лукашэнка будзе ўдзельнічаць у выбарах 2020 года
  6. ^ Лукашэнка анансаваў «з’езд народа Беларусі»
  7. ^ Вольга Кавалькова: Я ўсур’ёз вылучаюся на прэзыдэнта, і гатовая да любых сцэнараў, нават самых жорсткіх
  8. ^ Пераемнік Шушкевіча будзе вылучацца кандыдатам у прэзыдэнты
  9. ^ Знайшоўся яшчэ адзін апазіцыянер, які падумвае ісці ў прэзідэнты
  10. ^ Ці патрэбны адзіны апазыцыйны кандыдат?
  11. ^ Апазіцыя вырашыла абраць адзінага кандыдата на прэзідэнцкія выбары
  12. ^ Экс-дэпутатка Канапацкая заявіла пра намер стаць адзіным кандыдатам ад апазіцыі
  13. ^ Апазіцыя прыдумала складаную схему абрання адзінага кандыдата
  14. ^ Апазіцыйныя камуністы пачалі сваю прэзідэнцкую кампанію