Перайсьці да зьместу

Лідзія Ярмошына

Зьвесткі зь Вікіпэдыі — вольнай энцыкляпэдыі


Лідзія Ярмошына
Кіраўніца ЦВК РБ
6 сьнежня 1996 — 13 сьнежня 2021
Прэзыдэнт Аляксандар Лукашэнка
Прэм’ер-міністар Сяргей Сідорскі
Папярэднік Аляксандар Абрамовіч
Наступнік Ігар Карпенка
Асабістыя зьвесткі
Нарадзілася29 студзеня 1953(1953-01-29) (72 гады)
Слуцак, Менская вобласьць, Беларуская ССР, СССР
Адукацыяюрыдычны факультэт Калінінградзкага ўнівэрсытэту (1975)
Дзеці сын
Узнагароды
ордэн Айчыны III ступені ордэн Пашаны
Заслужаны юрыст Рэспублікі Беларусь

Лі́дыя Міха́йлаўна Ярмо́шына (нар. 29 студзеня 1953, Слуцак) — дзяржаўная дзяячка рэжыму Лукашэнкі ў Беларусі, прызначаная 6 сьнежня 1996 году Аляксандрам Лукашэнкам на пасаду кіраўніцы Цэнтральнай камісіі па выбарах і правядзеньні рэспубліканскіх рэфэрэндумаў.

Біяграфія

[рэдагаваць | рэдагаваць крыніцу]

Нарадзілася 29 студзеня 1953 году ў горадзе Слуцак Менскай вобласьці ў сям’і вайскоўца. Азначала ўласную сям'ю як расейскую[1]. Скончыла юрыдычны факультэт Калінінградзкага дзяржаўнага ўнівэрсытэту (РСФСР, 1975). Працавала юрконсультам гандлёвых і прамысловых прадпрыемстваў Калінінграду і Бабруйску, памагатым пракурора Кастрычніцкага раёну Калінінграду. З 1988 году — юрконсульт, а затым загадчыца юрыдычным аддзелам Бабруйскага гарвыканкаму. Чалец (1992—1996), кіраўнік (з 1996 г.) Цэнтральнай камісіі Рэспублікі Беларусь па выбарах і правядзеньні рэспубліканскіх рэфэрэндумаў. 21 сьнежня 2001 году ўказам прэзыдэнта №774 была прызначаная Кіраўніком Цэнтральнай камісіі Рэспублікі Беларусь па выбарах і правядзеньні рэспубліканскіх рэфэрэндумаў[2]. 7 красавіка 2003 году ўказам прэзыдэнта прысвоена ганаровае званьне «Заслужаны юрыст Рэспублікі Беларусь»[3]. Атрымала ордэн Пашаны ў 2014[4].

Двойчы разьведзеная[5]. Мела сына Аляксея (1977—2017), які працаваў адвакатам.

Санкцыі

[рэдагаваць | рэдагаваць крыніцу]

На падставе падазрэньняў ва ўдзеле ў фальсыфікацыях прэзыдэнцкіх выбараў Лідыі Ярмошынай быў забаронены ўезд у краіны ЭЗ (2004, 2010, 2020) й ЗША (2006) як асобе з чорнага сьпісу Эўразьвязу ды сьпісу спэцыяльна вызначаных грамадзянаў і заблякаваных асобаў. 13 кастрычніка 2008 году міністры замежных справаў краінаў Эўразьвязу на паседжаньні ў Люксэмбургу прыпынілі на паўгады дзеяньне забароны на ўезд у краіны зьвяза прэзыдэнта Беларусі Аляксандра Лукашэнкі і «некаторых яго набліжаных». Санкцыі супраць старшыні Цэнтравыбаркаму Лідыі Ярмошынай засталіся ў сіле[6][7].

Да санкцый супраць Ярмошынай у 2020 годзе далучыліся Вялікабрытанія[8][9], Канада[10], Швайцарыя[11][12]. 20 лістапада 2020 году да кастрычніцкага пакету санкцый ЭЗ далучыліся Альбанія, Ісьляндыя, Ліхтэнштайн, Нарвэгія, Паўночная Македонія, Чарнагорыя і Украіна[13].

Крыніцы

[рэдагаваць | рэдагаваць крыніцу]
  1. ^ «Чалавек прэзыдэнта». 10 фактаў пра старшыню ЦВК Ярмошыну, за абразу якой судзяць, Радыё Свабода, 14 красавіка 2021 г.
  2. ^ Указ президента Республики Беларусь 21 декабря 2001 г. № 774(недаступная спасылка) (рас.)
  3. ^ Указ прэзыдэнта Рэспублікі Беларусь 7 красавіка 2003 г. № 140(недаступная спасылка)
  4. ^ Руководители госорганов Беларуси награждены орденами Почёта и Отечества III степени (рас.). Прэзыдент Рэспублікі Беларусь (2014-01-12). Праверана 2015-09-29 г.
  5. ^ kp.by(недаступная спасылка)
  6. ^ История европейских санкций в отношении Белоруссии (рас.). ТАСС(ru) (2020-10-12). Праверана 2021-01-13 г.
  7. ^ Issuance of new Belarus Executive Order; Belarus Designations; Liberia Designation Removal (анг.). Міністэрства фінансаў ЗША (2006-06-19). Праверана 2021-09-14 г. Архіўная копія ад 2021-03-02 г.
  8. ^ Consolidated List of Financial Sanctions Targets in the UK (анг.). Office of Financial Sanctions Implementation HM Treasury (2021-06-25).
  9. ^ UK sanctions Belarus leader Lukashenko (анг.). Reuters. Праверана 2021-07-24 г. Архіўная копія ад 2021-07-24 г.
  10. ^ Consolidated Canadian Autonomous Sanctions List (анг.). Міністэрства міжнародных справаў Канады(en) (2015-10-19). Праверана 2021-06-29 г.
  11. ^ Switzerland joins EU in sanctions against top Belarus officials (анг.). Swissinfo(en) (2020-10-13). Праверана 2021-09-13 г.
  12. ^ SECO: Ordinance on measures against Belarus (анг.). Staatssekretariat für Wirtschaft (2020-10-13). Праверана 2020-09-13 г.
  13. ^ Declaration by the High Representative on behalf of the EU on the alignment of certain third countries concerning restrictive measures against Belarus (анг.). Рада Эўрапейскага зьвязу[прыбраць шаблён] (2020-11-20). Праверана 2021-09-13 г.

Вонкавыя спасылкі

[рэдагаваць | рэдагаваць крыніцу]
Атрымана з «https://be-tarask.wikipedia.org/w/index.php?title=Лідзія_Ярмошына&oldid=2563317»