Косаўскі расстрэл
 | У гэтым артыкуле няма спасылак на якія-небудзь крыніцы.
|
| Косаўскі расстрэл | |
| Краіна | Польская Рэспубліка (1918—1939)|Польшча |
|---|---|
| Месца | Косаў |
| Тып катастрофы | масавае забойства |
| Дата | 3 лютага 1927 |
| Наступствы | |
| Загінулі | 6 |
| Параненыя | Некалькі дзясяткаў |
| Каардынаты | 52°45′ пн. ш. 25°09′ у. д.HGЯO |
| Косаўскі расстрэл на мапе Польшчы (1918—1939)   Косаўскі расстрэл | |
Косаўскі расстрэл — падзеі, якія адбыліся ў мястэчку Косаве 3 лютага 1927 году.
Перадгісторыя
[рэдагаваць | рэдагаваць код]Пасьля дзяржаўнага перавароту, зьдзейсьненага Юзэфам Пілсудзкім у 1926 годзе, палітычная дзейнасьць грамадзкіх рухаў і партыяў ускладнялася, а ўціск уладаў станавіўся больш жорсткім. Улады арыштоўвалі палітычных дзеячоў, закрывалі беларускія школы, гімназіі, сталі арыштоўваць актывістаў Беларускай сялянска-работніцкай грамады. У 1927 годзе санацыйны ўрад афіцыйна забараніў БСРГ.
Падзеі
[рэдагаваць | рэдагаваць код]3 лютага 1927 году ў Косаве праходзіла дэманстрацыя ў падтрымку БСРГ. На дэманстрацыю выйшла паўтары тысячы чалавек (галоўным чынам, сялян). Удзельнікі маніфэстацыі прайшлі па Косаве, правялі мітынг.
Калі пасьля мітынгу пратэстуючыя зноў рушылі празь мястэчка, камуністычныя дзеячы, якія былі ў калёне сярод дэманстрантаў, паднялі чырвоныя сьцягі. У адказ на гэта польская паліцыя адкрыла агонь.
У выніку расстрэлу загінула 6 чалавек: М. Еўтух, І. Ракевіч, П. Гаўрус, М. Таптала, І. Кучук, С. Верабей. Некалькі дзясяткаў чалавек было паранена.
Значэньне
[рэдагаваць | рэдагаваць код]Пахаваньне забітых вылілася ў маніфэстацыю пратэсту супраць самавольства паліцыі і польскае адміністрацыі. З косаўскіх падзеяў распачаліся жорсткія захады польскіх уладаў на землях Заходняе Беларусі.