Перайсьці да зьместу

Sandvine

Зьвесткі зь Вікіпэдыі — вольнай энцыкляпэдыі
Sandvine
Лістынг на біржы Таронцкая фондавая біржа[d]
Заснаваная 2001
Краіна
Разьмяшчэньне
Прадукцыя сеткавае абсталяваньне

«Sandvine Incorporated» — праграмнае забесьпячэньне па сеткавай разьведцы й аднайменная кампанія, якая базуецца ў Ватэрлёо(uk), правінцыя Антарыё, Канада.

Прадукты кантролю за сеткамі «Sandvine» прызначаны для рэалізацыі шырокай сеткавай палітыкі, у тым ліку дзеля цэнзуры ў Інтэрнэце(uk)[1], кіраваньня перагрузкамі й бясьпекі[2]. «Sandvine» арыентуе сваю прадукцыю на спажывецкія сеткі ўзроўню 1 і ўзроўню 2, у тым ліку кабэльныя, DSL і мабільныя[3].

Дзейнасьць

[рэдагаваць | рэдагаваць крыніцу]

«Sandvine» клясыфікуе больш за 95% трафіку прыкладаньняў у мабільных і стацыянарных сетках паводле карыстальнікаў, прылад, тыпу сеткі, месцазнаходжаньня й іншых парамэтраў. Затым кампанія прымяняе да гэтых дадзеных у рэжыме рэальнага часу аналітыку на аснове машыннага навучаньня й прымае ўбудаваныя палітыкі для аптымізацыі, бясьпекі й манэтызацыі прылад. Гэта асабліва важна для сетак 5G, паколькі прыкладаньні становяцца больш складанымі, дынамічнымі, і імі складаней кіраваць.

Паводле самой кампаніі, паводле стану на 2021 год «Sandvine» мела больш за 500 кліентаў па ўсім сьвеце, якія ахопліваюць 2,5 мільярда карыстальнікаў Інтэрнэту ў больш чым 100 краінах, у той час як яе сядзібы працавалі ў ЗША, Швэцыі, Канадзе й Індыі[4].

Гісторыя кампаніі

[рэдагаваць | рэдагаваць крыніцу]

«Sandvine» была створана ў жніўні 2001 году ў Ватэрлёо, правінцыя Антарыё, Канада, камандаю з 30 чалавек, выхадцамі з закрытай кампаніі «Cisco PixStream». Пасяўны этап фінансаваньня прыцягнуў у кампанію $20 мільёнаў канадзкіх даляраў вэнчурнага капіталу. Наступны этап фінансаваньня ў памеры $19 мільёнаў канадзкіх даляраў быў завершаны ў траўні 2005 году. У сакавіку 2006 году «Sandvine» завяршыла першаснае разьмяшчэньне акцыяў на лёнданскай біржы «AIM». У кастрычніку 2006 году «Sandvine» завяршыла першаснае разьмяшчэньне акцыяў на Таронтаўскай фондавай біржы.

Першапачатковыя продажы прадуктаў былі накіраваны на кіраваньне перагрузкамі й сумленнае выкарыстаньне, паколькі пастаўшчыкі паслугаў змагаліся з хуткім ростам шырокапалоснага трафіку. Па меры распаўсюджваньня аптычнавалокнавай сеткі і сетак 4G усё часьцей кліенты «Sandvine» сталі карыстацца варыянтамі аптымізацыі й манэтызацыі прыкладаньняў кампаніі. Гэта дазволіла пастаўшчыкам паслугаў прадастаўляць пляны выкарыстаньня й прыкладаньняў, праграмы з нулявою стаўкаю, зьнізіць махлярства, а таксама запусьціць сэрвісы бясьпекі й бацькоўскага кантролю як спосабы атрыманьня новых даходаў.

У чэрвені 2007 году «Sandvine» набыла тэхналёгіі «CableMatrix Technologies» для свайго прадукту «PacketCable Multimedia» на базе функцый палітыкі й правілаў налічэньня(en), што павінна было дазволіць апэратарам шырокапалоснага інтэрнэту павысіць узровень задаволенасьці карыстальнікаў, забясьпечваючы пры гэтым мультымэдыйныя прылады й паслугі, такія як SIP-тэлэфанія, патокавае відэа, анлайн-гульні й відэаканфэрэнцыі[5].

У ліпені 2017 году акцыянэры «Sandvine» прынялі заяўку на паглынаньне ў памеры $562 мільёнаў канадзкіх даляраў ад «PNI Acquireco Corp.», філіі амэрыканскіх кампаніяў «Francisco Partners(en)» і «Procera Networks(en)». Набыцьцё было завершана ў верасьні 2017 году, калі акцыі «Sandvine» перасталі катыравацца на Таронтаўскай фондавай біржы[6].

Набыцьцё было завершана нягледзячы на асьцярогі, выказаныя Робэртам Дайбэртам(en), дырэктарам лябараторыі «Citizen Lab(en)» у Школе глябальных пытаньняў Манка пры Таронтаўскім унівэрсытэце, які сьцьвярджаў, што паглынаньне патрабуе «больш пільнага кантролю» з боку фэдэральнага ўраду, галоўным чынам у сьвятле некаторых відаў дзейнасьці дзьвюх партфэльных кампаніяў[7]. «Procera Networks» была вядома па палеміцы вакол яе, бо тэхналёгіі кампаніі нібыта выкарыстоўваліся для шпіянажу за турэцкімі грамадзянамі[8].

Душэньне Інтэрнэту й цэнзура

[рэдагаваць | рэдагаваць крыніцу]

Рэгуляваньне P2P злучэньняў[9] сканцэнтравана на «Gnutella(uk)» й выкарыстоўвае альгарытм зьніжэньня хуткасьці пры адначасовай дастаўцы таго ж зьмесьціва. «Sandvine» выкарыстоўвае глыбокую праверку пакетаў і падробку пакетаў, каб дазволіць сеткавай прыладзе вызначаць дэталі размовы P2P, у тым ліку запытаны хэш. Затым прылада можа вызначыць аптымальны пір для выкарыстаньня й замяніць яго на абраны альгарытмам P2P праз «[разьмяшчэньне] пасярэдзіне, імітуючы абодва канцы злучэньня й адпраўляючы пакеты скіду кліенту й сэрвэру».[10] У сакавіку 2018 году лябараторыя «Citizen Lab» апублікавала справаздачу, якая мела важкія доказы таго, што прылады аналізу пакетаў «PacketLogic» «Sandvine» маглі быць выкарыстаны для разьмяшчэньня ўрадавых шпіёнскіх праграмаў у Турэччыне й перанакіраваньня эгіпэцкіх карыстальнікаў Інтэрнэту на афіляваную рэкляму[11].

Прадукты «Sandvine» выкарыстоўваліся кампаніяю «Comcast(uk)» у ЗША для абмежаваньня колькасьці сэансаў інтэрнэт-трафіку, створанага праграмным забесьпячэньнем для абмену файламі ў аднарангавых сетках (торэнты)[12]. Прадукт «Sandkrim» супраць дыскрымінацыі трафіку «Fairshare» падрабязна апісаны ў RFC(uk)[13]. Згодна зь незалежным тэставаньнем, «Comcast» уводзіў пакеты скіду ў аднарангавыя злучэньні, што фактычна выклікала неадкладнае спыненьне пэўнай абмежаванай колькасьці выходных злучэньняў[14].

Згодна з дасьледаваньнямі «Citizen Lab», прадукты, якія прадаюцца кампаніяю «Sandvine», выкарыстоўваюцца для цэнзуры Інтэрнэту ў Эгіпце, абвінавачваньне кампанія адмаўляе[1].

Падтрымка адключэньня Інтэрнэту падчас пратэстаў у Беларусі

[рэдагаваць | рэдагаваць крыніцу]

Падчас пратэстаў у Беларусі (2020—2021) беларускія чыноўнікі спынілі доступ у Інтэрнэт з дапамогаю тэхналёгіяў «Sandvine»[15]. Пітэр Мічэк, генэральны кансультант праваабарончай групы «Access Now(en)», заклікаў фэдэральныя ўлады ЗША правесьці расьсьледаваньне «Sandvine» і фірмы прыватнага капіталу «Francisco Partners(en)» і паставіў пад сумнеў эфэктыўнасьць камітэту паводле дзелавой этыцы «Sandvine». «Падобна на тое, што ейныя паслугі выкарыстоўваліся ў Беларусі, каб прымусіць людзей замаўчаць і схаваць грубыя парушэньні правоў чалавека(en)», — сказаў Міцэк[16]. Паводле паведамленьняў СМІ, сярод супрацоўнікаў «Sandvine» узнікла трывога з нагоды ролі кампаніі ў здушэньні палітычных пратэстаў у Беларусі са жніўня 2020 году. 10 верасьня 2020 году на сэлектарнай нарадзе з супрацоўнікамі кіраўніцтва «Sandvine», аднак, не выказвала непаразуменьня наконт ейнай ролі ў Беларусі: «Аляксандар Хаванг, тэхнічны дырэктар „Sandvine“ , … сказаў, што „Sandvine“ прыйшла да высновы, што Інтэрнэт і доступ да пэўных матэрыялаў на вэб-сайтах не ўваходзіў у правы чалавека». «Мы ня хочам гуляць у сусьветную паліцыю», — сказаў ён і дадаў: — «Мы лічым, што кожнай сувэрэннай краіне павінна быць дазволена ўсталёўваць уласную палітыку адносна дазволенага й забароненага ў гэтай краіне»[16][17].

15 верасьня 2020 году «Sandvine» скасавала дамову з Беларусьсю, спасылаючыся на тое, што ўрад «выкарыстаў яе прадукт для парушэньня правоў чалавека». Аднак яе абсталяваньне было пакінута ў дзьвюх месцах пад Менскам, што дазваляе ўраду кантраляваць прыкладна 40% інтэрнэт-трафіку ў краіне[18].

Крыніцы

[рэдагаваць | рэдагаваць крыніцу]
  1. ^ а б Jared Malsin. (July 18, 2018) Throughout Middle East, the Web Is Being Walled Off — According to Citizen Lab, an internet research group at the University of Toronto, Egypt is blocking websites with the help of devices whose digital fingerprint matches those of products sold by Sandvine, a firm based in Fremont, Calif., and Waterloo, Ontario [...] A former Sandvine engineer said the company rolled out a platform for network insights in Egypt in 2016..
  2. ^ Adelphia Selects Sandvine to Protect Subscribers from Worms and Spam. — Free Online Library
  3. ^ Sandvine Management’s Discussion and Analysis
  4. ^ Sandvine Overview
  5. ^ Sandvine buys CableMatrix for peanuts; Founder Laurence Rubin is upbeat: This is an opportunity Haaretz(en), 21.06.07
  6. ^ Barry Critchley. Four years and interest from four private equity firms later, Sandvine is set to be sold
  7. ^ Will a "closer scrutiny" stop the sale of Sandvine Corp. from getting over the line (анг.). Financial Post(en) (2017-07-17).
  8. ^ Thomas Fox-Brewster. (25 October 2016) Is An American Company’s Technology Helping Turkey Spy On Its Citizens? Forbes
  9. ^ (WO/2003/094465) PATH OPTIMIZER FOR PEER TO PEER NETWORKS
  10. ^ Comcast traffic blocking: even more apps, groupware clients affected
  11. ^ BAD TRAFFIC: Sandvine’s PacketLogic Devices Used to Deploy Government Spyware in Turkey and Redirect Egyptian Users to Affiliate Ads?. Citizen Lab (2018-03-09).
  12. ^ Comcast’s compliance report to FCC on its previous network management techniques
  13. ^ [rfc:6057 Comcast’s Protocol-Agnostic Congestion Management System]
  14. ^ eff.org article on Comcast jamming Gnutella and Lotus
  15. ^ Belarusian Officials Shut Down Internet With Technology Made by U.S. Firm (анг.). Bloomberg(en).
  16. ^ а б Ryan Gallagher. U.S. Company Faces Backlash After Belarus Uses Its Tech to Block Internet (анг.). Bloomberg.
  17. ^ Accès à Internet : la Biélorussie a ordonné la coupure du réseau mobile durant les dernières manifestations (фр.). Le Monde.
  18. ^ BBC World Service’s Newsday program (September 16, 2020).

Вонкавыя спасылкі

[рэдагаваць | рэдагаваць крыніцу]
Атрымана з «https://be-tarask.wikipedia.org/w/index.php?title=Sandvine&oldid=2410770»