Натальля Качанава

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Натальля Качанава
2021 Natalia Kochanova.jpg
Старшыня Савету Рэспублікі
6 сьнежня 2019 — дасюль
Прэзыдэнт: Аляксандар Лукашэнка
Прэм’ер-міністар: Сяргей Румас
Папярэднік: Міхаіл Мясьніковіч
Кіраўнік Адміністрацыі прэзыдэнта Беларусі
27 сьнежня 2014 — 5 сьнежня 2019
Прэзыдэнт: Аляксандар Лукашэнка
Прэм’ер-міністар: Андрэй Кабякоў
Сяргей Румас
Папярэднік: Аляксандар Косінец
Наступнік: Ігар Сергяенка
Намесьнік прэм’ер-міністра Рэспублікі Беларусь
27 сьнежня 2014 — 21 сьнежня 2016
Прэзыдэнт: Аляксандар Лукашэнка
Прэм’ер-міністар: Андрэй Кабякоў
Асабістыя зьвесткі
Нарадзілася: 25 верасьня 1960 (62 гады)
Полацак
Дзеці: двое
Адукацыя: Полацкі дзяржаўны ўнівэрсытэт,
Акадэмія кіраваньня
Узнагароды:
ордэн Айчыны III ступені мэдаль «За працоўныя заслугі» ордэн Сяброўства Медаль Святой Прападобнай Ефрасінні Полацкай Падзяка прэзыдэнта Рэспублікі Беларусі

Натальля Качанава, народжаная Талкачова[1] (нар. 25 верасьня 1960, Полацак, Віцебская вобласьць) — дзяржаўная дзяячка рэжыму Лукашэнкі ў Беларусі, экс-кіраўніца адміністрацыі Аляксандра Лукашэнкі[2].

Жыцьцяпіс[рэдагаваць | рэдагаваць крыніцу]

У 1982 годзе закончыла Наваполацкі політэхнічны інстытут імя ЛКСМБ, у 2006 годзе — Акадэмію кіраваньня пры прэзыдэнце Рэспублікі Беларусь.

З 1982 да 1995 — апэратар пульту кіраваньня, інжынэр па тэхніцы бясьпекі, інжынэр вытворча-тэхнічнага аддзела Полацкага прадпрыемства «Водаканал».

З 1995 да 2002 — інжынэр, выканаўца абавязкаў начальніка, вядучы інжынэр вытворча-тэхнічнага аддзела камунальнага ўнітарнага прадпрыемства «Жыльлёва-камунальная гаспадарка г. Полацку».

З 2002 да 2007 — начальнік аддзела жыльлёва-камунальнай гаспадаркі, выканаўца абавязкаў намесьніка старшыні па капітальным будаўніцтве і ЖКГ Полацкага гарвыканкаму, намесьнік старшыні па капітальным будаўніцтве і ЖКГ Полацкага гарвыканкаму.

З 2007 да 2014 — старшыня Наваполацкага гарвыканкаму.

З 27 сьнежня 2014 — намесьнік прэм’ер-міністру Беларусі.

Кіраўнік Адміністрацыі прэзыдэнта Рэспублікі Беларусь з 21 сьнежня 2016 году па 5 сьнежня 2019 году[3].

6 сьнежня 2019 году прызначана старшынёй Савету Рэспублікі Нацыянальнага сходу Рэспублікі Беларусь[4].

Русіфікацыя Беларусі[рэдагаваць | рэдагаваць крыніцу]

Асноўны артыкул: Русіфікацыя Беларусі

На асабістую просьбу ярэя Беларускага экзархату Маскоўскага патрыярхату Яўгена Саланкова перавяла зь верасьня 2021 году беларускую сярэднюю школу ў мястэчку Жыровічах на расейскую мову[5], што стала шокам для калектыву школы[6].

Узнагароды[рэдагаваць | рэдагаваць крыніцу]

Санкцыі ЭЗ й іншых краінаў[рэдагаваць | рэдагаваць крыніцу]

17 сьнежня 2020 году была ўключана ў Чорны сьпіс Эўразьвязу[7]. У якасьці падстаў для ўвядзеньня санкцыяў было адзначана, што Качанава як старшыня Савету Рэспублікі Нацыянальнага сходу адказвае за падтрымку рашэньняў прэзыдэнта ў галіне ўнутранае палітыкі й за арганізацыю махлярскіх прэзыдэнцкіх выбараў 2020 году[8]. Яна таксама рабіла публічныя заявы, адстойваючы жорсткія разгоны мірных дэманстрацыяў з боку апарату бясьпекі[8]. З-за гэтага жа Качанаву ў свае санкцыйныя сьпісы ўключылі Вялікабрытанія[9] ды Швайцарыя[10][11]. 26 студзеня 2021 году да санкцыяў ЭЗ далучыліся Альбанія, Ісьляндыя, Ліхтэнштайн, Нарвэгія, Паўночная Македонія, Чарнагорыя[12].

Таксама Качанава знаходзіцца ў сьпісе спэцыяльна вызначаных грамадзянаў і заблякаваных асобаў ЗША[13][14].

Сям’я[рэдагаваць | рэдагаваць крыніцу]

Замужам. Мае дзьвюх дачок.

Крыніцы[рэдагаваць | рэдагаваць крыніцу]

  1. ^ Уроженка Витебщины на руководящем посту страны
  2. ^ Качанава назначана кіраўніком Адміністрацыі Прэзідэнта Беларусі, Рыжанкоў - першым намеснікам. Беларускае тэлеграфнае агенцтва (БЕЛТА) (21.12.2016).
  3. ^ Адміністрацыю Лукашэнкі ўзначаліў генэрал-маёр КДБ, Радыё Свабода, 5-12-2019
  4. ^ Наталля Качанава абраная старшынёй Савета Рэспублікі, Наша Ніва, 6-12-2019
  5. ^ Жыровіцкую школу Качанава перавяла на расейскую мову, Беларускае Радыё Рацыя, 2 кастрычніка 2021 г.
  6. ^ Пасадзейнічала Наталля Качанава. Вясковую школу ў Жыровічах перавялі на рускую мову, Наша Ніва, 7 кастрычніка 2021 г.
  7. ^ Rikard Jozwiak. (2020-12-17) EU Officially Slaps More Economic Sanctions On Belarus Over Crackdown(анг.). Радыё Свабодная Эўропа/Радыё Свабода. Праверана 2021-07-21 г. Архіўная копія ад 2021-07-21 г.
  8. ^ а б Council Implementing Regulation (EU) 2020/2129 of 17 December 2020 implementing Article 8a(1) of Regulation (EC) No 765/2006 concerning restrictive measures in respect of Belarus(анг.). EUR-Lex(en). Праверана 2021-07-24 г.
  9. ^ CONSOLIDATED LIST OF FINANCIAL SANCTIONS TARGETS IN THE UK(анг.). Office of Financial Sanctions Implementation HM Treasury (2021-06-25).
  10. ^ Michael Shields; Kevin Liffey. (2021-07-07) Swiss widen sanctions list against Belarus(анг.). Reuters. Праверана 2021-07-10 г. Архіўная копія ад 2021-07-07 г.
  11. ^ Sanctions program: Belarus: Verordnung vom 11. Dezember 2020 über Massnahmen gegenüber Belarus (SR 946.231.116.9), Anhang 1 Origin: EU Sanctions: Art. 2 Abs. 1 (Finanzsanktionen) und Art. 3 Abs. 1 (Ein- und Durchreiseverbot)(анг.). Дзяржаўны сакратарыят па эканамічных пытаньнях(de) (2021-07-07). Праверана 2021-07-10 г. Архіўная копія ад 2021-07-07 г.
  12. ^ Declaration by the High Representative on behalf of the European Union on the alignment of certain countries concerning restrictive measures against Belarus(анг.). Рада Эўрапейскага зьвязу (2021-01-26). Праверана 2021-09-09 г.
  13. ^ Belarus Designations; Issuance of Belarus General License 3 and related Frequently Asked Questions(анг.) Праверана 2021-07-24 г.
  14. ^ OFAC Sanctions List Search, Міністэрства фінансаў ЗША(en)

Вонкавыя спасылкі[рэдагаваць | рэдагаваць крыніцу]


Атрымана з «https://be-tarask.wikipedia.org/w/index.php?title=Натальля_Качанава&oldid=2279433»