Выбух на Крымскім мосьце (2022)
| Выбух на Крымскім мосьце | |
 Паштовая марка Ўкраіны «Крымскі мост на біс» | |
| Краіна | Украіна |
|---|---|
| Месца | Крымскі мост (Аўтаномная Рэспубліка Крым) |
| Тып катастрофы | транспартная |
| Прычына | выбух |
| Дата | 8 кастрычніка 2022 (2 гады таму) |
| Час | 6:07 (UTC+2) |
| Наступствы | |
| Загінулі | 3 |
| Каардынаты | 45°18′4″ пн. ш. 36°30′45″ у. д. / 45.30111° пн. ш. 36.5125° у. д.Каардынаты: 45°18′4″ пн. ш. 36°30′45″ у. д. / 45.30111° пн. ш. 36.5125° у. д. |
| Выбух на Крымскім мосьце на мапе Ўкраіны   Выбух на Крымскім мосьце | |
Выбух на Крымскім мосьце — выбух на мосьце празь Керчанскую пратоку, які адбыўся 8 кастрычніка 2022 году а 6:07.
На праезнай частцы Крымскага моста прагрымеў выбух, у выніку якога загінулі 3 чалавекі. Таксама загарэліся 7 вагонаў з палівам чыгуначнага саставу, які праходзіў побач, у выніку чаго на паралельным чыгуначным мосьце ўзьнік моцны пажар, абрынуліся 2 паўсэкцыі аўтамабільнага моста[1].
Расейскія дзяржаўныя СМІ паведамілі, што выбух выклікаў цяжкавік. Уладзімер Канстантынаў, усталяваны Расеяй лідэр у Крыме, абвінаваціў у адказнасьці Ўкраіну. Па стане на 8 кастрычніка 2022 году ні Ўкраіна, ні Арганізацыя Паўночнаатлянтычнай дамовы не выступалі з афіцыйнай заявай аб інцыдэнце. Высокапастаўленыя ўкраінскія чыноўнікі раней заяўлялі, што мост будзе законнай цэльлю для ракетнага ўдару.
Перадумовы
[рэдагаваць | рэдагаваць крыніцу]
Мост, які злучае Крым і Кубань(uk), пачалі будаваць у лютым 2016 году, пасьля расейскай акупацыі й анэксыі паўвострава. расейскія ўлады назвалі будаўніцтва моста «гістарычнай місыяй», адной з ключавых задач для «канчатковага аб’яднаньня Крыма з Раіяй». У маі 2018 году быў адкрыты аўтамабільны мост, а ў сьнежні 2019 году ўведзены ў эксплюатацыю чыгуначны мост.
У 2022 годзе, з пачаткам расейскага ўварваньня, мост выкарыстоўваўся для забесьпячэньня Ўзброеных сілаў Расеі на паўднёвым тэатры ваенных дзеяньняў расейска-ўкраінскай вайны.
Украінскія чыноўнікі й вайскоўцы неаднаразова заяўлялі пра намер зьнішчыць Крымскі мост, разглядаючы яго як законную ваенную цэль.[2] Так, у жніўні 2022 году дарадца прэзыдэнцкай адміністрацыі Міхаіл Падоляк заявіў у інтэрв’ю The Guardіan: «Гэта незаконнае будаўніцтва й асноўныя вароты для забесьпячэньня расейскай арміі ў Крыме. Такія аб’екты павінны быць зьнішчаны».[3] Генэрал-маёр Узброеных сілаў Украіны Дзьмітрый Марчанка заявіў, што мост стане «мэтай нумар адзін», як толькі ва украіны зьявіцца зброя для нападу на яго.
Падзея
[рэдагаваць | рэдагаваць крыніцу]8 кастрычніка 2022 году на праезнай частцы Крымскага моста з боку Таманскага паўвострава прагрымеў выбух. У прэс-службе Крымскай чыгункі заявілі, што ў 6:05 абсталяваньне паказала памылку на чыгуначным пуці на чыгуначнай частцы моста, і ў хвасьце грузавога цягніка загарэлася цыстэрна. У выніку выбуху разбурана некалькі пралётаў праезнай часткі, спынены аўтамабільны й чыгуначны рух.[4]
Першапачаткова называліся дзьве магчымыя прычыны пажару: выбух цыстэрны на чыгуначным участку моста й выбух аўтамабіля, верагодна, грузавіка, на дарожным участку. Пра гэта паведамляе Нацыянальны антытэрарыстычны камітэт быў падарваны грузавік, у выніку чаго загарэліся сем чыгуначных цыстэрнаў з палівам.
Адказнасьць за выбух ніхто не ўзяў, а ўкраінскія СЬМІ Українська правда й УНІАН са спасылкай на ўласныя крыніцы заяўляюць, што гэта была апэрацыя Службы бясьпекі Ўкраіны.[5][6]
Рэакцыі
[рэдагаваць | рэдагаваць крыніцу]Украінская
[рэдагаваць | рэдагаваць крыніцу]Афіцыйны акаўнт украінскага ўрада ў Твітэры напісаў у адказ на пажар «sick burn» (па-беларуску: «хворы апёк»), а дарадца прэзыдэнта Ўкраіны Міхаіл Падоляк назваў шкоду «пачаткам»: «Крым, мост, пачатак. Усё незаконнае павінна быць зьнішчана, усё скрадзенае павінна быць вернута ва Ўкраіну, усё расейскае акупацыйнае павінна быць выгнана».[7]
Мінабароны Ўкраіны параўнала разбурэньне Крымскага моста са зьнішчэньнем крэйсера «Масква», напісаўшы: "Ракетны крэйсер «Масква» і Керчанскі мост — два сумна вядомыя сымбалі расейскай улады ва ўкраінскім Крыме — апусьціліся: «What’s next, Russkies?» (па-беларуску: «Што далей, расейцы?»).[8][9][10]
Дырэктар Укрпошты Ігар Сьмілянскі анансаваў выпуск новага набору марак, прысьвечанага гэтай падзеі.
Monobank(uk), другі па велічыні банк Украіны абвясьціў аб выпуску новай дэбетавай карты з мостам.[11]
Старшыня РНБА Аляксей Данілаў апублікаваў у сацьсетках відэа з моста, а таксама відэа, на якім Мэрылін Манро сьпявае «Happy birthday, Mr President» (па-беларуску: «З днём нараджэньня, спадар Прэзыдэнт»).[12] Выбух прагрымеў праз дзень пасьля дня нараджэньня прэзыдэнта Расеі Ўладзіміра Пуціна.[13]
Расейскія
[рэдагаваць | рэдагаваць крыніцу]расейскія акупацыйныя ўлады Крыму абвінавацілі ў адказнасьці ўкраінскі бок. Прадстаўнік МЗС РФ Марыя Захарава абвінаваціла «кіеўскі рэжым» у тэрарызьме, а дэпутат Дзярждумы Андрэй Гурулёў заклікаў галоўнакамандуючага «да жорсткага адказу».
У красавіку экс-прэзыдэнт і намесьнік Рады бясьпекі Расеі Дзьмітры Мядзьведзеў заявіў: «Адзін з украінскіх генэралаў казаў пра неабходнасьць удару па Крымскім мосьце. Я спадзяюся, што ён разумее, што будзе мэтай у адказ».[14]
Міжнародная
[рэдагаваць | рэдагаваць крыніцу]
— Міністар замежных справаў Эстоніі Ўрмас Рэйнсалу вітаў выбух і выказаў здагадку, што за ім стаяў украінскі сьпецназ, нагадаўшы, што украінскія ўлады даўно называлі Крымскі мост магчымай цэльлю для ўдару.[15]
— Польскі дэпутат Эўрапарлямэнта Роберт Бедрань сказаў: «Бальзам для сэрца, тым больш што ўчора быў дзень нараджэньня Пуціна. Добра, што Пуцін атрымаў такі падарунак. Я спадзяюся, што ён атрымае больш. Украінцы зьнішчаюць незаконную інфраструктуру Расеі [у акупаваным Крыме]».[16][17]
Наступствы
[рэдагаваць | рэдагаваць крыніцу]Мінтранс РФ паведаміў аб аднаўленьні паромнай пераправы праз Керчанскі праліў, якая працавала да будаўніцтва Крымскага моста.[18] Крым першапачаткова ўвёў абмежаваньні на продаж прадуктаў і паліва. Праз дзьве гадзіны стала вядома аб зьняцьці абмежаваньняў у Сэвастопалі.[19]
Крымскі мост зьяўляецца важнай часткай транспартнага злучэньня Расеі з Крымам для паўднёвага тэатра ваенных дзеяньняў расейска-ўкраінскай вайны. Чакаецца, што частковае разбурэньне Крымскага моста прывядзе да ўзмацненьня праблем з забесьпячэньнем расейскіх войскаў у акупаваным Крыме й ва ўсёй паўднёвай частцы Ўкраіны. Акрамя таго, з закрыцьцём моста мясцовым жыхарам становіцца цяжэй пакінуць Крым, хоць застаюцца іншыя шляхі, у тым ліку парты.[20]
Ня менш важны для Крамля сымбальічны характар разбурэньня. Адкрыцьцё моста ў 2018 годзе лічылася адным з найвялікшых дасягненьняў Пуціна. Пасьля расейскага ўварваньня ў 2022 годзе збудаваньне было адным з найбольш ахоўных аб’ектаў.[21] За тыдзень да выбуху быў падпісаны ўказ аб Шаблён:Нп5, пасьля чаго Расея працягвала пагражаць Украіне ядзернай зброяй у выпадку нападу на аб’екты на анексаваных тэрыторыях.[22]
Расьсьледаваньне
[рэдагаваць | рэдагаваць крыніцу]Па распараджэньні Пуціна для расьсьледаваньня абставінаў выбуху была створана спэцыяльная камісыя, у якую ўвайшлі прадстаўнікі МНС, Мінтранса, ФСБ, МУС і Нацгвардыі. Сьледчы камітэт пачаў крымінальную справу па факце выбуху.[23] Прадстаўнікі спэцслужбаў зьвярнулі ўвагу на зьмену, якая не змагла выявіць грузавік з выбухоўкай, нягледзячы на ўсталяваныя на пад’езьдзе да моста комплексы для назіраньня за падазронымі грузамі.[24]
Як паведамляе Сьледчы камітэт Расеі, у выніку выбуху загінулі тры чалавекі, у тым ліку мужчына й жанчына, якія знаходзіліся побач з грузавіком.[25]
Глядзіце таксама
[рэдагаваць | рэдагаваць крыніцу]Крыніцы
[рэдагаваць | рэдагаваць крыніцу]- ^ Crimean bridge fire: Blaze erupts on only bridge linking peninsula to Russia (анг.)
- ^ A bridge to Crimea is a vital Russian link, and a potential Ukrainian target
- ^ Ukraine aiming to create chaos within Russian forces, Zelenskiy adviser says
- ^ Взрыв на Крымском мосту. Движение остановлено. Часть автомобильного моста обрушилась. Это произошло на следующий день после дня рождения Путина
- ^ Security Service of Ukraine behind explosion on Crimean bridge (анг.)
- ^ Украинские СМИ со ссылкой на источник сообщили, что взрыв на Крымском мосту — операция СБУ
- ^ Crimean bridge: Explosion is 'the beginning', says Zelensky adviser (анг.)
- ^ Key Bridge Linking Crimea to Russia Damaged as Truck Bomb Goes Off; Ukraine Says 'What's Next, Russkies?' (анг.)
- ^ Міноборони про Кримський міст: «Що далі на черзі, росіяни?» (укр.)
- ^ Crimean bridge: Excitement and fear in Ukraine after bridge blast
- ^ Crimean bridge: Excitement and fear in Ukraine after bridge blast
- ^ Blast damages Crimea bridge central to Russia war effort (укр.)
- ^ Why is the Kerch Bridge important for Russia and Ukraine?
- ^ Impact of Kerch bridge blast will be felt all the way to the Kremlin Праверана 2022-10-08 г.
- ^ "С днем рождения, Путин?" Рейнсалу: Эстония приветствует подрыв Крымского моста
- ^ Gorące komentarze po wybuchu na moście Krymskim. "W Rosji Putina rozpada się wszystko" | Wiadomości Radio ZET (пол.)
- ^ "Взрыв на Крымском мосту. Что о нем говорят в России и Украине Первые реакции"
- ^ Взрыв на Крымском мосту. Движение остановлено. Часть автомобильного моста обрушилась. Это произошло на следующий день после дня рождения Путина
- ^ В Крыму начали вводить ограничения на продажу продуктов и топлива (рас.) Important Stories
- ^ Impact of Kerch bridge blast will be felt all the way to the Kremlin (анг.) Праверана 2022-10-08 г.
- ^ Destroy the Crimean Bridge: how it is protected, how much it is needed and what it will give Defense Express (укр.) Праверана 2022-10-08 г.
- ^ Impact of Kerch bridge blast will be felt all the way to the Kremlin (анг.) Праверана 2022-10-08 г.
- ^ Вибух на Кримському мосту: в Росії відкрили кримінальне провадження (укр.) Праверана 2022-10-08 г.
- ^ Росіяни не можуть зрозуміти, як вантажівка з вибухівкою заїхала на Кримський міст (укр.) Праверана 2022-10-08 г.
- ^ Вибух на Кримському мосту: Загинули щонайменше троє людей (укр.) Праверана 2022-10-08 г.
