Эўрапейскае радыё для Беларусі

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Эўрарадыё
Эўрапе́йскае ра́дыё для Белару́сі
Эўрапейскае радыё для Беларусі
Горад Менск
Краіна Беларусь
Фармат музычна-навінавы
Музычны фармат маладзёвы
Частасьць МГэрц: 98,1 (Горадня), 99,2 (Берасьце), 103,8 (Ашмяны)
Час вяшчаньня кругласутачна
Зона вяшчаньня Захад Беларусі
Пачатак працы 6 лютага 2006 (15 гадоў таму)
Доля 7,1% слухачоў (2007)[1]
Заснавальнік Беларуская асацыяцыя журналістаў
Уласьнік Эўрапейскі Зьвяз
Кіраўнікі Зьміцер Новікаў
Сайт euroradio.fm
Twitter euroradio
Facebook euroradio.fm
Вконтакте euroradio
YouTube EuroradioVIDEO
Он-лайн-трансьляцыя stream.euroradio.fm

Эўрарадыё (ЭРБ) — беларускамоўная некамэрцыйная радыёстанцыя, закладзеная ў верасьні 2005 году ў Варшаве сябрамі Беларускай асацыяцыі журналістаў, якія раней працавалі на менскім Радыё 101,2, зачыненым у 1996 г., Радыё «Свабода», Польскім радыё і Радыё «Рацыя», пры дапамозе няўрадавых арганізацыяў Польшчы, Летувы й Чэхіі.

Прэзэнтуе музыку, навіны й перадачы з 26 лютага 2006 году на FM і ўльтракароткіх хвалях, а таксама праз спадарожнік і Інтэрнэт[2]. На 2021 год у ТАА «Эўрапейскае радыё для Беларусі» ўваходзіла 5 журналістаў: старшыня ўправы Зьміцер Новікаў, галоўны рэдактар Павал Сьвярдлоў, рэдактар этэру Зьміцер Лукашук, рэдактарка спэцпраектаў Марыя Калесьнікава і музычны рэдактар Слава Корань. Рэдакцыя месьцілася ў Ленінскім раёне Менску па вуліцы К. Маркса, д. 15[3]. У Сеціве выпускалі перадачу «Ідэя Х» у панядзелак і чацьвер апоўдні пра народную ідэю. Штодня 2 навіновыя перадачы «Пэтарда» і «Эўразум» выходзілі а 6:00 і 23:05 на хвалі 98,1 мэгагэрц у Беластоку (Падляскае ваяводзтва) і Горадні, а таксама на хвалі 99,2 Мгэрц у Белай (Люблінскае вяводзтва) і Берасьці. Сярод іншага, перадача «Эўразум» выходзіла а 22:00 на хвалі 103,8 Мгэрц у Астраўцы і Ашмянах (Гарадзенская вобласьць)[4].

Накіраванасьць[рэдагаваць | рэдагаваць крыніцу]

Аснову кругласутачнага вяшчаньня складае сучасная рок-музыка. Таксама этэр напаўняюць навіны, уласныя рэпартажы, забаўляльныя і аналітычныя перадачы ўласнай вытворчасьці, скіраваныя на мэтавую аўдыторыю(en) ва ўзросьце 15—35 гадоў. У ратацыю прымаюцца беларускамоўныя песьні маладых музыкаў і выканаўцаў новых кірункаў альтэрнатыўнай музыкі. Штотыдзень ладзяцца розыгрышы запрашальнікаў і квіткоў на канцэрты і вечарыны. Таксама Эўрарадыё штогод ладзіць музычныя фэсты («Даём рады»[5]; «Be Free» ва Ўкраіне), пераможцаў якіх узнагароджвае бясплатным запісам альбомаў на ўласнай студыі гуказапісу, выдае музычныя складанкі («Budzma The Best Rock / Budzma The Best Rock/New»)[6][7].

Перадачы[рэдагаваць | рэдагаваць крыніцу]

  • Кардыяграма (чацьвер, 17:00-18:00, пятніца, 12:00-13:00 і нядзеля, 13:00-14:00 і 20:00-21:00)
  • Пэтарда (панядзелак-чацьвер, 5:30-6:00, 20:00-20:30 і 23:00-23:30, пятніца, 5:30-6:00, 20:00-21:00 і 23:00-23:30, субота, 9:00-10:00, 13:00-14:00 і 20:00-21:00 ды нядзеля, 6:00-6:30)
  • Рок-куток (серада, 12:00-13:00, чацьвер, 0:00-1:00, субота, 21:00-22:00 і нядзеля, 22:00-23:00)
  • Форум Беларусь (панядзелак, 12:00-13:00, субота, 6:00-6:30 і 10:00-11:00 ды нядзеля, 8:00-9:00 і 22:00-23:00)
  • Эўразум (панядзелак, 6:00-7:00, 18:00-19:00 і 21:05-22:00, аўторак-пятніца, 6:00-7:00, 13:00-14:00, 18:00-19:00 і 21:05-22:00 ды субота, 8:00-9:00 і 18:00-19:00)

Частоты[рэдагаваць | рэдагаваць крыніцу]

FM(en): 98,1 (панядзелак-пятніца, 6:00-06:30 і 21:05-22:00) — Ваўкавыск, Вялікая Бераставіца, Горадня, Зэльва, Ліда, Масты й Шчучын (Гарадзенская вобласьць), Аўгустоў, Беласток, Бельск-Падляскі, Гайнаўка, Саколка й Сямяцічы (Падляскае ваяводзтва), 99,2 (панядзелак-пятніца, 6:00-06:30 і 21:05-22:00) — Берасьце, Высокае (Камянецкі раён), Камянец і Маларыта (Берасьцейская вобласьць) ды Белая (Люблінскае ваяводзтва), 103,4 — Берасьце (панядзелак-пятніца, 0:00-0:30 і субота-нядзеля, 7:00-7:30), 103,8 — Ліда (штодня, 23:00-0:00), 105,3 і 107,1 — Пінск (штодня, 12:55-19:00 і 21:00-22:00). Ультракароткія хвалі(en): 68,24 мэгагэрцаў (кругласутачна) — Відзы (Браслаўскі раён), Глыбокае, Мёры й Паставы (Віцебская вобласьць). Спадарожнік «Астра 4А(en)»: арбітальнае разьмяшчэньне — 4,8° усходняй даўгаты, частасьць — 12379,62 мэгагэрцаў, палярызацыя хваляў(en) — гарызантальная, хуткасьць патока(en) — 27,5 мэгазнакаў/сэк., выпраўленьне памылак(en) — 3/4.

Інтэрнэт-старонка пашырала зьмест радыёэтэру і зьмяшчала на беларускай, ангельскай і расейскай мовах навіны і рэпартажы, інтэрвію музыкаў] і музычных альбомаў,фотарэпартажы з канцэртаў і падкасты перадачаў.

Узнагароды[рэдагаваць | рэдагаваць крыніцу]

Мінуўшчына[рэдагаваць | рэдагаваць крыніцу]

Пастановай № 1463 ад 11 лістапада 2009 году Савет Міністраў Рэспублікі Беларусь выдаў радыёстанцыі дазвол на заснаваньне карэспандэнцкага пункту ў Менску[9]. На 22 сьнежня 2012 г. Эўрарадыё мела 10 акрэдытаваных карэспандэнтаў[10].

Са жніўня 2020 году па загаду Міністэрства інфармацыі Рэспублікі Беларусь доступ на сайт радыё http://euroradio.by у краіне абмежаваны за асьвятленьне рэсурсам пратэстаў у Беларусі[11][12]. З ліпеня 2021 году рэжым Лукашэнкі блякуе доступ і да люстэрка сайту[13]. 5 ліпеня 2021 году пастановаю Савета міністраў быў зачынены й карэспандэнцкі пункт радыё ў Менску[14].

Крыніцы[рэдагаваць | рэдагаваць крыніцу]

  1. ^ Нацыянальнае апытаньне ў верасьні 2007 г. (пытаньне №58)(рас.) // Незалежны інстытут сацыяльна-эканамічных і палітычных дасьледаванняў (НІСЭПД), 15 кастрычніка 2007 г. Праверана 3 лістапада 2015 г.
  2. ^ Hansjörg Biener. Radio for Peace, Democracy and Human Rights(анг.). Унівэрсітэт Эрлангена — Нюрнбэрга. Праверана 2020-04-03 г. Архіўная копія ад 2017-09-09 г.
  3. ^ Кантакты // «Эўрапейскае радыё для Беларусі», 2021 г. Праверана 15 ліпеня 2021 г.
  4. ^ Радыё // «Эўрапейскае радыё для Беларусі», 2021 г. Праверана 15 ліпеня 2021 г.
  5. ^ Виктория Прокопович (2013-04-16) Отчего в Беларуси нет своей "Грэмми"?(рас.) Завтра твоей страны. TUT.BY. Праверана 2019-10-04 г. Архіўная копія ад 2019-10-04 г.
  6. ^ Чем молодые группы удивят на Be Free?(рас.) Эўрапейскае радыё для Беларусі. Белорусский партизан (2009-08-18). Праверана 2019-05-26 г. Архіўная копія ад 2019-05-26 г.
  7. ^ Кампанія «Будзьма» разаслала па FM-станцыям складанкі з сучаснай беларускай музыкай(бел.). БелаПАН (2010-02-09). Праверана 2019-07-10 г. Архіўная копія ад 2019-07-10 г.
  8. ^ Вадзім Заміроўскі. (2019-09-12) У Мінску назвалі пераможцаў журналісцкага конкурсу “Вольнае слова” ФОТА. Беларуская асацыяцыя журналістаў. Праверана 2021-04-17 г. Архіўная копія ад 2020-11-15 г.
  9. ^ Зьміцер Уласаў. Акрэдытацыя «Эўрарадыё» выдадзеная на адзін год // БелаПАН, 12 лістапада 2009 г. Праверана 31 студзеня 2013 г.
  10. ^ Наталка Бабіна. Слова ў этэры для Беларусі: «Белсат», «Эўрарадыё» і «Радыё Рацыя» зьсярэдзіны // Наша Ніва, 22 сьнежня 2012 г. Праверана 31 студзеня 2013 г.
  11. ^ Виталий Олехнович. (2020-08-22) В Беларуси заблокирован ряд сайтов. В том числе и СМИ(рас.). Onliner.by. Праверана 2020-12-23 г.
  12. ^ В Белоруссии заблокировали несколько десятков информационных сайтов. Среди них — "Радио Свобода" и "Медиазона"(рас.). Meduza (2020-08-22). Праверана 2020-08-24 г.
  13. ^ МГ. Налёт на мэдыі па ўсёй краіне // Тэлеканал «Белсат», 8 ліпеня 2021 г. Праверана 15 ліпеня 2021 г.
  14. ^ Сяргей Салаўёў. Барацьба за ўвагу // Новы час. — 2021. — № 26 (734). — С. 3.

Вонкавыя спасылкі[рэдагаваць | рэдагаваць крыніцу]

Атрымана з «https://be-tarask.wikipedia.org/w/index.php?title=Эўрапейскае_радыё_для_Беларусі&oldid=2252233»