Сяргей Чэрачань

	Сяргей Чэрачань
Асабістыя зьвесткі
Нарадзіўся:	8 траўня 1985 (39 гадоў); Крычаў, Магілёўская вобласьць, БССР, СССР;
Партыя:	Беларуская сацыял-дэмакратычная Грамада;
Адукацыя:	Беларускі дзяржаўны ўнівэрсытэт інфарматыкі і радыёэлектронікі;

Сярге́й Уладзі́меравіч Чэрачань (нар. 8 траўня 1985, Крычаў, Магілёўская вобласьць, БССР, СССР) — беларускі палітык, старшыня партыі Беларуская сацыял-дэмакратычная Грамада з 2018 году^[1].

Біяграфія

Нарадзіўся 8 траўня 1985 году ў горадзе Крычаве Магілёўскай вобласьці БССР. Вырас і вучыўся ў Магілёве, скончыў Магілёўскі дзяржаўны абласны ліцэй № 3. Навучаўся ў Беларускім дзяржаўным унівэрсытэце інфарматыкі і радыёэлектронікі па спецыяльнасьці «Шматканальныя сыстэмы тэлекамунікацыяў».

У 2004—2005 гадах быў старшынёй маладзёжнага грамадзянскага аб’яднаньня «Разьвіцьцё». Дырэктар таварыства з абмежаванай адказнасьцю «Інфармацыйны Спэктар». Генэральны дырэктар групы кампаніяў «Дыаяен».

У 2016 годзе быў кандыдатам у дэпутаты Палаты прадстаўнікоў Нацыянальнага сходу Рэспублікі Беларусь, але ня быў абраны. З 2017 году старшыня Савету Беларускага рэспубліканскага грамадзянскага аб’яднаньня «Дыпляматыя».

Прэзыдэнцкая кампанія 2020

12 студзеня 2020 году на паседжаньні Цэнтральнай Рады БСДГ было прынята рашэньне пра вылучэньне кандыдата ў прэзыдэнты. Ім стаў старшыня партыі Сяргей Чэрачань^[2].

Крытыка

Сустаршыня партыі БХД Віталь Рымашэўскі раскрытыкаваў абраньне новага кіраўніцтва БСДГ. Былы сябра Камуністычнай партыі Беларусі Чэрачань, на думку Рымашэўскага, — гэта шлях да ліквідацыі партыі.

Крыніцы

^ Станіслава Шушкевіча на пасадзе кіраўніка БСДГ змяніў бізнесмен Сяргей Чэрачэнь // Наша Ніва, 3 лістапада 2018 г. Праверана 3 лістапада 2018 г.
^ Пераемнік Шушкевіча будзе вылучацца кандыдатам у прэзыдэнты Радыё Свабода Праверана 2020-02-01 г.

Вонкавыя спасылкі

Сяргей Чэрачань — сховішча мультымэдыйных матэрыялаў

[1] Станіслава Шушкевіча на пасадзе кіраўніка БСДГ змяніў бізнесмен Сяргей Чэрачэнь // Наша Ніва, 3 лістапада 2018 г. Праверана 3 лістапада 2018 г.

[2] Пераемнік Шушкевіча будзе вылучацца кандыдатам у прэзыдэнты Радыё Свабода Праверана 2020-02-01 г.

[1]

[2]