Белгазпрамбанк

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Белгазпрамбанк
Belgazprombank Collection Logo.jpg
Тып Адкрытае акцыянэрнае таварыства
Дэвіз Сучасны банк для новай рэальнасьці
Заснаваная 24 траўня 1990 (29 гадоў таму)
Заснавальнікі «Інтэрпрыбор», «Заптэхнаэкас»
Краіна Беларусь
Разьмяшчэньне Менск, вул. Прытыцкага, д. 60/2
Ключавыя фігуры Віктар Бабарыка
Галіна банкаўская
Прадукцыя банкаўскія паслугі
Абарачэньне Green Arrow Up Darker.svg347,8 млрд рублёў (2009 год; 124,1 млн $)
Апэрацыйны прыбытак Green Arrow Up Darker.svg91,3 млрд рублёў (2009 год; 32,6 млн $)
Чысты прыбытак Green Arrow Up Darker.svg72 млрд рублёў (2009 год; 25,7 млн $[1])
Матчына кампанія Газпрамбанк (Масква, Расея)
Аўдытар «Дэлойт і Туш»

Белгазпрамбанк — даччыны банк расейскага «Газпрамбанка» ў Беларусі. Заснаваны ў 1990 годзе. Мае 8 аддзяленьняў[2]. Пайшчыкамі зьяўляюцца ААТ «Газпрам» (Масква; 33,91%), «Газпрамбанк» (33,91%), ААТ «Белтрансгаз» (23,5%), Міністэрства эканомікі Рэспублікі Беларусь (8,63%) і СП «Берасьцегазаапарат» (0,05%)[3].

Мінуўшчына[рэдагаваць | рэдагаваць крыніцу]

24 траўня 1990 году сумеснае прадпрыемства «Інтэрпрыбор», «Заптэхнаэкас» і «Эфэкт» заснавалі банк «Экаразьвіцьцё», які прайшоў улік 27 верасьня. У 1991 годзе пайшчыкамі сталі «Белбытпрам», «Белбытсаюз», «Жылкамбанк», «Оптус» і «Поліфакт». На пачатку 1992 году буйнейшымі пайшчыкамі ўжо былі акцыянэрнае таварыства «ВІТТ», футбольны клюб «Дынама» (Менск), інфармацыйна-культурны цэнтар «Крыніца», прадпрыемствы «Рэбус», «Рэформа», «Сізбор», «Сэрвісаўто» і Саюз прадпрымальнікаў і арандатараў Беларусі. Прыканцы 1993 году банк зьмяніў назву на «Алімп» і стаўся адкрытым акцыянэрным таварыствам. Асноўнымі пайшчыкамі сталі ЗАТ «Пушэ», прадпрыемствы «Бужэна», «Інтэрмарк», «Проінтэкс» і «Танак». У 1994 годзе пасаду старшыні ўправы банку заняў былы намесьнік старшыні «Беларусбанка» Валер Селяўка. 25 жніўня банк стаўся ўдзельнікам рынку каштоўных папераў, 1 лістапада — атрымаў дазвол на апэрацыі з замежнымі валютамі. У 1995 годзе далучыўся да Супольнасьці сусьветных міжбанкаўскіх фінансавых тэлекамунікацыяў, стаў першым беларускім банкам, які выпусьціў «Рублёвую» пластыкавую карту «Ўнівэрсал», а ў 1996 годзе прыняў удзел у разьвіцьці міжбанкаўскай аплатнай карткі «Белкарт». У лістападзе 1997 году праз зьмену ўласьнікаў Нацыянальны банк Рэспублікі Беларусь ухваліў ператварэньне банка ў супольнае беларуска-расейскае ААТ «Белгазпрамбанк». Яго асноўнымі акцыянэрамі з расейскага боку сталіся ААТ «Газпрам» і «Газпрамбанк», зь беларускага — «Белтрансгаз» і Міністэрства па кіраваньні дзяржаўнай маёмасьцю і прыватызацыяй[4].

Крыніцы[рэдагаваць | рэдагаваць крыніцу]

  1. ^ Зьвесткі аб сярэднеўзважаным курсе беларускага рубля да замежных валютаў на валютным рынку Рэспублікі Беларусь за 2009 год. Нацыянальны банк Рэспублікі Беларусь. — Паводле сярэдняе за 2009 год цаны (2803,27) набыцьця даляра за рублі на валютным рынку. Праверана 19 лютага 2011 г.
  2. ^ Філіяльная сетка. ААТ «Белгазпрамбанк». Архіўная копія ад 10 кастрычніка 2007 г.
  3. ^ Акцыянэры. ААТ «Белгазпрамбанк». Архіўная копія ад 22 кастрычніка 2005 г.
  4. ^ Гісторыя. ААТ «Белгазпрамбанк». Праверана 19 лютага 2011 г. Архіўная копія