Сэнт-Эт’ен (футбольны клюб)

Сэнт-Эт’ен
Поўная назва	Association Sportive Saint-Étienne Loire
Заснаваны	1901
Горад	Сэнт-Эт’ен, Францыя
Стадыён	Жафруа Гішар Умяшчальнасьць: 42 000
Прэзыдэнт	Іван Газыдыс[d]
Кіраўнік	Лары Танэнбаўм[d]
Галоўны трэнэр	Laurent Huard[d]
Чэмпіянат	Ліга 1
· 2023—2024	Ліга 2, 3 месца (падвышэньне)
Хатнія колеры Выязныя колеры Трэція колеры
Галерэя здымкаў у Вікісховішчы Афіцыйны сайт

Сэнт-Эт’ен (па-француску: AS Saint-Étienne) — францускі футбольны клюб з гораду Сэнт-Эт’ену. Клюб быў заснаваны ў 1919 годзе. Прадстаўнік Лігі 1, найвышэйшага дывізіёну францускага футболу. «Сэнт-Эт’ен» праводзіць хатнія матчы на стадыёне імя Жафруа Гішар, які разьмешчаны ў межах гораду.

«Сэнт-Эт’ен» зьяўляецца, бадай, самым пасьпяховым клюбам у гісторыі францускага футболу, маючы на сваім рахунку 10 чэмпіёнскіх тытулаў і перамогаў розгрышу Кубка Францыі, што зьяўляецца рэкордным паказчыкам сярод усіх францускіх клюбаў. Галоўным супернікам клюбу зьяўляецца «Алімпік», які базуецца ў суседнім горадзе Ліён. Дэрбі паміж абодвума клюбамі мае назоў Дэрбі дзю Рон. У 2009 годзе клюб дапоўніў сваю структуру жаночым футбольным клюбам.

У клюбе бліскалі такія зоркі міжнароднага футболу, як Эмэ Жаке, Жак Сантыні, Ляран Блян і Мішэль Плятыні, амаль кожны зь якіх прыцягваўся да францускай нацыянальнай зборнай у якасьці гульца ці трэнэра.

Гісторыя

Раньнія гады

Гісторыя «Сэнт-Эт’ена» пачалася ў 1919 годзе, калі супрацоўнікі супэрмаркета сеткі «Groupe Casino» стварылі футбольную каманду пад назвай «Amicale des Employés de la Société des Magasins Casino» (ASC). Каманда прыняла рашэньне выступаць у форме зялёнага колеру, якую супрацоўнікі апраналі на працы ў «Casino». У 1920 годзе з-за забароны Фэдэрацыі футбола Францыі на выкарыстаньне таварных знакаў у назьве камандаў, клюб зьмяніў сваю назву на «Amical Sporting Club», каб захаваць абрэвіятуру ASC, а пасьля зьліцьця зь іншым мясцовым клюбам «Stade Forézien Universitaire», зьмяніў сваю назву на «Association sportive Stéphanoise» (ASS). У 1927 годзе прэзыдэнтам клюбу быў абраны П’ер Гішар — сын Жафруа Гішара, які быў заснавальнікам «Casino».

У 1930 годзе нацыянальная фэдэрацыя футбола дазволіла клюбам мець прафэсійны статус. У 1933 «зялёныя» таксама атрымалі прафэсійны статус і зьмянілі назву на цяперашную — «Association Sportive Saint-Étienne». У тым жа годзе «Сэнт-Эт’ен» заявіўся ў новаўтвораную Лігу 2 і заняў паводле выніках сэзона 1933—1934 гадоў другое месца ў Паўднёвай групе. Клюб заставаўся ў Лізе 2 яшчэ чатыры сэзоны, перш чым у сэзоне 1938—1939 гадоў дэбютаваў у Лізе 1 пад кіраўніцтвам шатляндзкага спэцыяліста Ўільяма Дакўорта, скончыўшы сэзон на ганаровым чацьвёртым месцы. Аднак разьвіць посьпех не атрымалася з-за пачатку Другой сусьветнай вайны.

Тытулы

• Чэмпіён Францыі: 10
  • 1957, 1964, 1967, 1968, 1969, 1970, 1974, 1975, 1976, 1981
• Уладальнік Кубка Францыі: 6
  • 1962, 1968, 1970, 1974, 1975, 1977
• Уладальнік Кубка Лігі Францыі: 1
  • 2013
• Уладальнік Супэркубка Францыі: 6
  • 1957, 1962, 1967, 1968, 1969

Склад

Актуальны на 13 верасьня 2024 году

№ Пазыцыя Імя Год нараджэньня 1 Бр Брыс Маблё 1989 3 Аб Мікаэль Над 1999 4 ПА П’ер Эква (ар. Сандэрлэнд) 2002 5 Аб Юніс Абдэльгамід 1987 5 ПА Флярыян Тард’ё 1992 6 ПА Бэнжамэн Бушуары 2001 7 ПА Тама Манкандзюі 1991 8 Аб Дэні Апія 1992 9 Нап Ібраім Сысако 1995 11 Нап Бэн Олд 2002 16 Бр Бубакар Фаль 2001 17 Аб П’ер Карню 1996 18 Нап Мат’ё Кафаро 1997 19 Аб Лео Пэтро 1997

№ Пазыцыя Імя Год нараджэньня 20 ПА Агустын Баачы 2000 21 Аб Дылян Бацюбінсыка 1996 22 Нап Зурыко Давіташвілі 2001 23 Аб Антані Брыянсон (капітан) 1994 25 Нап Ібраіма Ваджы 1995 26 ПА Лямэн Фамба 1998 27 Аб Іван Масон 1998 28 ПА Ігар Міладынавіч 2003 29 ПА Аймэн Муэфэк 2001 30 Бр Гат’е Лярсанё 1997 32 Нап Люкас Стасэн 2004 37 ПА Матыс Амугу 2006 37 ПА Люі Мутон 2002

Вонкавыя спасылкі

• Афіцыйны сайт