Асасуна Памплёна
| Асасуна | ||||||
 | ||||||
| Поўная назва | Club Atlético Osasuna | |||||
|---|---|---|---|---|---|---|
| Заснаваны | 24 кастрычніка 1920 | |||||
| Горад | Памплёна, Гішпанія | |||||
| Стадыён | Эстадыё Рэйна дэ Навара Умяшчальнасьць: 19 800 | |||||
| Прэзыдэнт | Люіс Сабальса[d] | |||||
| Галоўны трэнэр | ||||||
| Чэмпіянат | Ля Ліга | |||||
| · 2024—2025 | 9 месца | |||||
| ||||||
 Галерэя здымкаў у Вікісховішчыosasuna.es (гішп.) (баск.) | ||||||
«Асасу́на» (па-гішпанску: Club Atlético Osasuna) — гішпанскі футбольны клюб з гораду Памплёны, што месьціцца ў аўтаномным краі Навара. У перакладзе з басконскай мовы назва клюбу азначае «здароўе»[2]. Заснаваны ў 1920 годзе. Найвышэйшыя дасягненьні — чацьвертае месца ў Ля Лізе (1991 і 2006). Хатнія гульні ладзіць на стадыёне «Эстадыё Рэйна дэ Навара», што здольны ўмясьціць 19 800 чалавек.
Гісторыя
[рэдагаваць | рэдагаваць код]Заснаваны ў 1920 годзе клюб «Асасуна» ўпершыню выйшаў у Сэгунду ў 1932 годзе, а праз тры гады быў клясыфікаваны ў Ля Лігу. Скончыўшы сэзон 1984—1985 гадоў на шостым месцы ў чэмпіянаце, клюб атрымаў права на ўдзел у кубку УЭФА, адкуль выбыў у другім крузе.
Наступны ўзьлёт каманды прыйшоўся на сэзон 1990—1991 гадоў, калі Асасуна заняла чацьвертае месца ў чэмпіянаце й заваявала права на ўдзел у кубку УЭФА, дзе дайшла да трэцяга кругу. Аднак па выніках сэзону 1993—1994 гадоў клюб пакінуў Ля Лігу й правёў шэсьць сэзонаў у Сэгундзе. У сэзоне 2004—2005 гадоў клюб дайшоў да фіналу Кубка Гішпаніі, дзе саступіў «Бэтысу».
У сэзоне 2005—2006 гадоў каманда фінішавала чацьвертай у чэмпіянаце, такім чынам, паўтарыўшы сваё найвышэйшае дасягненьне ў чэмпіянаце Гішпаніі, і атрымала права прыняць удзел у Лізе чэмпіёнаў, стартаваўшы з трэцяга кваліфікацыйнага раўнду. Аднак прабіцца ў групавы этап не атрымалася, і клюб быў вымушаны здавольвацца ўдзелам у Кубку УЭФА, пяты раз у сваёй гісторыі. Стартаваўшы з групавога этапу клюб, выйшаў у плэй-оф, дзе дайшоў да паўфіналу, у якім саступіў будучаму пераможцу — «Сэвільлі».
Пасьля гэтых посьпехаў клюб разьмяшчаецца ў ніжняй частцы табліцы й у асноўным вядзе барацьбу за выжываньне. У сэзоне 2008—2009 гадоў клюб здолеў пазьбегнуць вылету зь Лігі толькі ў апошнім туры, знаходзячыся на 18 месцы ў табліцы й прымаючы дома «Рэал Мадрыд». На працягу матчу памплёнцы саступалі зь лікам 0:1, але ўсё ж такі перамаглі з канчатковым лікам 2:1.
«Асасуна» дасягнула вялікага посьпеху ў сэзоне 2011—2012 гадоў, заняўшы сёмае месца, якога, аднак, не хапіла каб кваліфікавацца ў эўрапейскія турніры. Тым ня менш, у наступныя два сэзоны каманда зноў сутыкнулася зь цяжкасьцямі. У сэзоне 2012—2013 гадоў памплёнцы фінішавалі на 16-м радку, а праз год паводле вынікаў розыгрышу страцілі месца ў элітным дывізіёне. Зьмена кіраўніцтва паспрыяла істотнаму паляпшэньню. Хутка каманда вярнулася ў Ля Лігу, аднак «Асасуна» скончыла сэзон 2016—2017 гадоў на 19-м месцы, у выніку чаго зноў выбыла з найвышэйшага дывізіёну. 20 траўня 2019 году каманда вярнулася ў Ля Лігу пасьля перамогі «Гранады» над «Альбасэтэ», матэматычна забясьпечыўшы сабе павышэньне за тры матчы да канца сэзону. 31 траўня яны перамаглі «Кордаву» і сталі чэмпіёнамі Сэгунды ў сэзоне 2018—2019 гадоў[3].
Склад
[рэдагаваць | рэдагаваць код]- Актуальны на 21 лютага 2026 году
|
|
