Радрыга Дэ Паўль
| Радрыга Дэ Паўль | ||
 | ||
| Пэрсанальная інфармацыя | ||
|---|---|---|
| Нарадзіўся | 24 траўня 1994[1][2][3] (32 гады) | |
| Рост | 180 см | |
| Вага | 74 кг[4] | |
| Пазыцыя | флянгавы паўабаронца | |
| Клюбная інфармацыя | ||
| Клюб | Інтэр Маямі | |
| Нумар | 7 | |
| Клюбы | ||
| Гады | Клюб | Гульні (галы)¹ |
| 2012—2014 | Расінг Авэльянэда | 54 (6) |
| 2014—2016 | Валенсія | 34 (1) |
| 2016 | → Расінг Авэльянэда | 11 (0) |
| 2016—2021 | Удынэзэ | 177 (33) |
| 2021—2026 | Атлетыка Мадрыд | 134 (11) |
| 2025 | → Інтэр Маямі | 11 (0) |
| 2026— | Інтэр Маямі | 14 (4) |
| Зборныя | ||
| 2018— | Аргентына | 92 (2) |
|
¹ Колькасьць гульняў і галоў за прафэсійны клюб лічыцца толькі | ||
Радры́га Дэ Паўль (па-гішпанску: Rodrigo De Paul; нар. 24 траўня 1994 году) — аргентынскі футбаліст, паўабаронца клюбу «Інтэр Маямі» з МЛС і нацыянальнай зборнай Аргентыны.
Кар’ера
[рэдагаваць | рэдагаваць код]Клюбная
[рэдагаваць | рэдагаваць код]Займацца футболам пачаў у клюбе «Расінг». У веку 18 гадоў далучыўся да галоўнай каманды клюбу, першы раз зьявіўшыся на лаве запасных 24 чэрвеня 2012 году ў матчы супраць «Вэлес Сарсьфільду». Дэбют гульца прыпаў на 10 лютага 2013 году, калі Дэ Паўль зьявіўся на пляцоўцы на 86-й хвіліне замест Маўра Камаранэзі ў матчы супраць «Атлетыка Рафаэлі»[5]. Свой першы гол паўабаронца забіў празь месяц у матчы супраць «Сан-Мартыну». Гульца з хуткім прагрэсам запрыкмецілі ў Эўропе і запрасілі ў «Валенсію». Гішпанцам гэта каштавала 6,5 млн эўра[6]. 23 жніўня 2014 году Дэ Паўль упершыню апрануў валенсійскую кашулю ў матчы супраць «Сэвільлі». Гулец выйшаў на поле на 65-й хвіліне, але быў выдалены праз хвіліну за грубае парушэньне[7]. Першы гол аргентынец улучыў 4 сьнежня ў браму «Раё Вальекана» ў розыгрышу Кубка Гішпаніі. Першы ж гол у матчах Ля Лігі гулец улучыў стрэлам у браму «Атлетыка» зь Більбао. З прыходам у клюб трэнэра Гэры Нэвіла гулец страціў месца ў складзе і быў аддадзены ў арэнды ў свой родны «Расінг». Па вяртаньні з арэнды футбаліст сышоў у італьянскі «Ўдынэзэ» ў ліпені 2016 году[8]. Першы матч за ўдынцаў Дэ Паўль правёў 20 жніўня 2016 году супраць «Ромы», але клюб атрымаў паразу зь лікам 4:0. Першага голу трэба было чакаць каля паўгады, калі аргентынец пацэліў мяч у браму «Міляну», што дапамагло выгуляць мілянцаў зь лікам 2:1. Пасьпяхова для гульца пачаўся сэзон 2018—2019 гадоў, калі Дэ Паўль чатыры разы адзначыўся голам у шасьці матчах Сэрыі А[9]. Сэзон спартовец скончыў найлепшым бамбардзірам «Удынэзэ», у дадатак зарабіўшы шмат галявых перадачаў. У 2020 годзе аргентынец быў прызначаны капітанам клюбу пасьля сыходу Кевіна Лязаньні[10].
12 ліпеня 2021 году Дэ Паўль склаў пяцігадовы кантракт з мадрыдзкім «Атлетыкам». Ён далучыўся да свайго новага клюбу празь некалькі дзён пасьля перамогі ў Кубку Амэрыкі. 7 сьнежня 2021 году гулец пацэліў свой першы гол за мадрыдцаў у пераможным матчы супраць «Порту» (3:1) ў апошняй гульні групавой стадыі Лігі чэмпіёнаў 2021—2022 гадоў.
Міжнародная
[рэдагаваць | рэдагаваць код]Дэ Паўль дэбютаваў за нацыянальную зборную Аргентыны 11 кастрычніка 2018 году ў пераможным матчы супраць зборнай Іраку (4:0), а пазьней стаў асноўным паўабаронцам пры кіраўніцтве Ліянэля Скалёні. Гулец уваходзіў у склад зборнай на Кубку Амэрыкі 2019 году, калі аргентынцы занялі трэцяе месца. Таксама спартовец узяў удзел у пераможным Кубку Амэрыкі 2021 году. Менавіта ягоны далёкі пас дапамог Анхэлю Дзі Марыі забіць адзіны гол у браму зборнай Бразыліі ў фінале турніру[11].
Дасягненьні
[рэдагаваць | рэдагаваць код]«Інтэр»:
- Уладальнік Кубка МЛС: 2025
«Аргентына»:
- Чэмпіён сьвету: 2022
- Уладальнік Кубка Амэрыкі: 2021, 2024
Крыніцы
[рэдагаваць | рэдагаваць код]- ↑ Rodrigo de Paul // Transfermarkt (мн.) — 2000.
- ↑ Rodrigo De Paul // FBref (анг.)
- ↑ Rodrigo Javier De Paul // As (гішп.) — Madrid: PRISA, 1967. — ISSN 1888-6671
- ↑ https://www.tablesleague.com/teams/udinese1/rodrigo_de-paul/
- ↑ «En su casa, Atlético de Rafaela goleó a Racing». Mundo D.
- ↑ «Comunicado Oficial». Valencia CF.
- ↑ «Punto de fe del Valencia». Marca.
- ↑ «Rodrigo de Paul transferred to Udinese». Valencia CF.
- ↑ «Udinese claims 2–0 win over last-placed Chievo in Serie A». Efe.
- ↑ >«Lasagna „declassato“? Nonostante la sua titolarità ieri il capitano era De Paul». Tutto Udinese.
- ↑ «Argentina 1—0 Brazil: Copa América final — live!». The Guardian.