Леганэс (футбольны клюб)
| Леганэс | |
 | |
| Поўная назва | Club Deportivo Leganés, S.A.D. |
|---|---|
| Заснаваны | 1928 |
| Горад | Леганэс, Гішпанія |
| Стадыён | Бутарке Умяшчальнасьць: 10 958 |
| Галоўны трэнэр | |
| Чэмпіянат | Ля Ліга |
| · 2023—2024 | Сэгунда, 1 месца (падвышэньне) |
 Галерэя здымкаў у Вікісховішчыcdleganes.com (гішп.) (анг.) | |
«Леганэ́с» (па-гішпанску: Leganés) — гішпанскі футбольны клюб з гораду Леганэс. Заснаваны ў 1928 годзе. Самым прынцыповым супернікам каманды ёсьць клюб «Хэтафэ», матчы супраць якога носяць назоў Паўднёвамадрыдзкае дэрбі.
Гісторыя
[рэдагаваць | рэдагаваць крыніцу].jpg)
Клюб быў афіцыйна зафундаваны 23 чэрвеня 1928 году[2]. Ягоным першым прэзыдэнтам быў Рамон дэль Ера. Клюб быў вымушаны спыніць сваю дзейнасьць у 1936 годзе праз грамадзянскую вайну ў Гішпаніі, але пры гэтым клюб заставаўся бязьдзейным да рэфармаваньня 4 верасьня 1946 году. Пераважную частку сваёй гісторыі «Леганэс» гуляў у найніжэйшых лігах. У 1977 годзе клюб атрымаў павышэньне ў чацьверты дывізіён, дзе спаборнічаў цягам сямі гадоў. У трэці паводле моцы дывізіён «Леганэс» трапіў у 1987 годзе, а праз шэсьць гадоў прасунуўся да другога дывізіёну, дзе захоўваў месца цягам 11-і сэзонаў. За гэты час клюб з сталічнага прадмесьця двойчы фінішаваў на восьмым месцы два сэзоны запар з 1995 па 1997 гады.
24 сьнежня 2008 году Вікторыя Павон і Фэліпэ Марэна набылі кантрольны пакет акцыяў клюбу[3]. З ліпеня 2009 году прэзыдэнткай «Леганэсу» была прызначаная сама Павон[4][5]. У сэзоне 2013—2014 гадоў каманда прасунулася ў Сэгунду пасьля 10 сэзонаў знаходжаньня ў трэцім дывізіёне. У сэзоне 2015—2016 гадоў, упершыню ў сваёй гісторыі, «Леганэс» атрымаў павышэньне ў Ля Лігу, што было замацаванае 4 чэрвеня 2016 году з выязной перамогай зь лікам 1:0 супраць клюбу «Мірандэс»[6]. Такім чынам, «Леганэс» стаў пятым сярод клюбаў аўтаноўнай супольнасьці Мадрыду, які калі-небудзь бралі ўдзел у розыгрышах найвышэйшай лігі краіны пасьля «Рэалу», «Атлетыка», «Раё Вальекана» і «Хэтафэ». Каманда цягам чатырох сэзонаў захоўвала месца ў элітным дыізіёне, фінішаваўшы ў сэзоне 2018—2019 гадоў на рэкордным для сябе 13-м радку, перш чым страціць месца ў Ля Лізе ў апошняй гульні наступнага сэзону, калі разышліся ўнічыю з «Рэалам» (2:2) у хатнім матчы[7]. Цягам гэтага часу «Леганэс» упершыню дакрочыў да паўфіналу Кубка Гішпаніі, выбіўшы «Рэал» у чвэрцьфінале дзякуючы перамозе зь лікам 2:1 на стадыёне Сант’яга Бэрнабэў[8]. У першы ж год пасьля вылету каманда заняла трэці радок у розыгрышы другога дывізіёну, але гэтага не хапіла, каб вярнуцца ў эліту. У сэзоне 2023—2024 гадоў клюб заняў першае месца ў Сэгундзе і, такім чынам, вярнуўся ў Ля Лігу.
Склад
[рэдагаваць | рэдагаваць крыніцу]- Актуальны на 15 лютага 2025 году
|
|
Крыніцы
[рэдагаваць | рэдагаваць крыніцу]- ^ https://www.transfermarkt.com/-/mitarbeiterhistorie/verein/1244
- ^ «El Leganés cumple 93 años apoyado en cinco pilares para crecer». AS.
- ^ «Once años de la llegada de 'Papa Noel' a Leganés». Marca.
- ^ «Fútbol. El Leganés presenta a su nueva presidenta y al técnico Luis Ángel Duque». Europa Press.
- ^ «Victoria Pavón: „13 años después ya no es noticia que yo sea presidenta“». La Vanguardia.
- ^ «El Leganés hace historia y asciende a Primera división». Marca.
- ^ «Silence, solitude and sadness for Leganés after desperate La Liga finale». The Guardian.
- ^ «Real Madrid dumped out of Copa del Rey by Leganés at Bernabéu». The Guardian.