Жордзі Альба

Жордзі Альба
Пэрсанальная інфармацыя
Нарадзіўся	21 сакавіка 1989 (30 гадоў) Асьпіталет-дэ-Льёбрэгат, Гішпанія
Рост	170 см
Вага	69 кг
Пазыцыя	абаронца
Клюбная інфармацыя
Клюб	Барсэлёна
Нумар	18
Клюбы
Гады	Клюб	Гульні (галы)¹
2008—2012 2008—2009 2012—	Валенсія → Хімнастык Барсэлёна	74 (5) 35 (4) 161 (6)
Зборныя
2010—	Гішпанія	61 (8)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 20 траўня 2018. ² Колькасьць гульняў і галоў за нацыянальную зборную ў афіцыйных матчах, адкарэктавана на 3 чэрвеня 2018.

Жо́рдзі А́льба Ра́мас (па-каталянску: Jordi Alba Ramos; нарадзіўся 21 сакавіка 1989 году, Асьпіталет-дэ-Льёбрэгат, Гішпанія) — гішпанскі футбаліст каталёнскага паходжаньня, абаронца клюбу «Барсэлёна» й нацыянальнай зборнай Гішпаніі.

Кар’ера

«Валенсія»

Займацца футболам Жордзі Альба пачаў у складзе «Барсэлёны», аднак сваім выпускніком яго мае права назваць футбольная школа іншага гранду гішпанскага футболу — «Валенсія», куды Жордзі перайшоў транзытам праз моладзевую каманду клюбу «Карнэльля».

Пасьля сэзону, праведзенага ў дублі, Жордзі Альба стаў прыцягвацца да гульняў за асноўны склад. Але з-за высокай канкурэнцыі на пазыцыі левага паўабаронцы малады гулец сэзон 2008—2009 гадоў правёў у арэндзе ў клюбе Сэгунды «Хімнастык». Там Жордзі гуляў рэгулярна, а ў міжсэзоньні 2009 году Жордзі Альба вярнуўся ў «Валенсію».

У сярэдзіне новага сэзону гулец атрымаў шанец на сталую гульню ў асноўным складзе з-за траўмаў сваіх партнэраў на левым флянзе абароны. Жордзі Альба цалкам годна справіўся з гульнёй у новым для сябе амплюа. 11 красавіка 2010 году Жордзі Альба забіў свой першы гол за «Валенсію» правёўшы мяч у браму «Маёркі».

«Барсэлёна»

28 чэрвеня 2012 году Альба падпісаў пяцігадовы кантракт са сваім былым клюбам «Барсэлёнай», за які «Валенсія» атрымала 14 мільёнаў эўра.

Міжнародная кар’ера

11 кастрычніка 2011 году малады паўабаронца дэбютаваў у складзе зборнай Гішпаніі ў матчы супраць зборнай Шатляндыі. Свой першы мяч за зборную забіў у фінальным матчы чэмпіянату Эўропы 2012 году ў браму зборнай Італіі.

Дасягненьні

«Барсэлёна»:

• Чэмпіён Гішпаніі (2): 2013, 2015
• Уладальнік Кубка Гішпаніі: 2015
• Уладальнік Супэркубка Гішпаніі: 2013
• Пераможца Лігі чэмпіёнаў: 2015

Гішпанія:

• Чэмпіён Эўропы: 2012

Вонкавыя спасылкі

Жордзі Альба — сховішча мультымэдыйных матэрыялаў

• Профіль на афіцыйным сайце «Валенсіі»
• Профіль на сайце transfermarkt.co.uk