Дэпартыва Ля-Каруньня

	Дэпартыва
Поўная назва	Real Club Deportivo de La Coruña, S.A.D.
Заснаваны	1906
Горад	Ля-Каруньня, Гішпанія
Стадыён	«Рыясор»; Умяшчальнасьць: 34 600
Прэзыдэнт	Антоніё Каўсэйра[d]
Галоўны трэнэр	Антоніё Ідальга[d];
Чэмпіянат	Ля Ліга
· 2025—2026	Сэгунда, 2 месца (падвышэньне)
Хатнія колеры	Выязныя колеры
	Галерэя здымкаў у Вікісховішчы; rcdeportivo.es (гішп.) (галіс.) (анг.)

«Дэпарты́ва» (па-гішпанску: Real Club Deportivo de La Coruña) ― гішпанскі футбольны клюб з гораду Ля-Каруньня з правінцыі Галісія. Заснаваны ў 1906 годзе. Хатнія гульні праводзіць на стадыёне «Рыясор», што ўмяшчае 34 600 гледачоў.

Пераможца чэмпіянату Гішпаніі (2000) і яшчэ пяць разоў фінішаваў другім (1950, 1994, 1995, 2001 і 2002). Двойчы выйграваў Кубак Гішпаніі і тройчы Супэркубак. Пяць разоў прымалі ўдзел у Лізе чэмпіёнаў і столькі ж разоў у Кубку УЭФА. Да правядзеньня чэмпіянату Гішпаніі клюб шэсьць разоў станавіўся чэмпіёнам Галісіі (1927, 1928, 1931, 1933, 1937, 1940). Галоўным праціўнікам клюбу ёсьць іншая каманда з Галісіі — «Сэльта» зь Віга. Традыцыйна гуляе ў бела-сініх паласатых кашулях і сініх шортах і гетрах.

Гісторыя

У 1902 годзе Хасэ Марыя Абаля вярнуўся дадому ў Ля-Каруньню пасьля навучаньня ў Ангельшчыне, дзе ён пазнаёміўся з гульнёй у футбол. У 1904 годзе ён разам зь сябрамі сабралі каманду, якую назвалі Каруньня (гішп. Coruña). Гульня ў горадзе стала больш папулярнай, калі ў прэстыжнай гімназіі гораду Sala Calvet футбол быў уведзены ў праграму навучаньня. У сьнежні 1906 году вучні гімназіі згаданай вышэй стварылі сваю ўласную каманду, якую назвалі Club Deportivo da Sala Calvet. Праз два з паловай гады клюб атрымаў статус каралеўскага ад Альфонса XIII і з гэтага часу існуе цяперашні назоў каманды Real Club Deportivo de A Coruña. Каманда рэгулярна ладзіла таварыскія матчы і брала ўдзел у мясцовых лігах, але ў раньнія гады не дасягала посьпеху ў Кубку Гішпаніі. У 1920 годзе нацыянальная зборная Гішпаніі дэбютавала на летніх Алімпійскіх гульнях у Антвэрпэне. Пасьпяховы выступ зборнай павялічыў папулярнасьць футболу, і ў выніку многія каманды набылі прафэсійны статус. Адмыслова была створаная ліга, старт якой быў заплянаваны на сэзон 1928—1929 гадоў.

У 1928 годзе «Дэпартыва» ня здолеў кваліфікавацца ў першы ў гісторыі сэзон Першага дывізіёну, замест гэтага выступаючы ў Сэгундзе, дзе фінішаваў восьмым пры дзесяці ўдзельніках. У наступныя гады каманда працягвала змагацца ў дывізіёне, які неўзабаве мусіў перажыць значныя структурныя і геаграфічныя зьмены. У 1932 годзе ў Кубку «Дэпартыва» перамог мадрыдзкі «Рэал», які ў той час у лізе прайшоў увесь сэзон без паразаў. У 1936 годзе пачалася грамадзянская вайна ў Гішпаніі, што змусіла спыніць усе афіцыйныя спаборніцтвы да сэзону 1939—1940 гадоў. У тым годзе карунцы кваліфікаваліся ў этап за павышэньне. Вызначальным стаў апошні матч супраць прынцыповых супернікаў з «Сэльты», якія змагаліся за выжываньне. «Сэльта» перамагла зь лікам 1:0 і засталася ў найвышэйшым дывізіёне, а надзеі «Дэпартыва» на павышэньне былі зруйнаваныя. Аднак у наступным сэзоне клюб усё ж такі дасягнуў плэй-оф за павышэньне і гэтым разам перамог «Мурсію» зь лікам 2:1, атрымаўшы павышэньне ў Ля Лігу ўпершыню ў сваёй гісторыі. Першы сэзон у элітным дывізіёне клюб скончыў на чацьвертым радку. Аднак у наступныя некалькі гадоў каманда пачала занепадаць, фінішаваўшы спачатку дзявятай, а затым дванаццатай і, нарэшце, у сэзоне 1944—1945 гадоў, чатырнаццатай, што вымусіла каманду спыніць свае выступы ў першым дывізіёне. Імгненнае павышэньне было дасягнута ў наступным годзе, але «Дэпартыва» не ўтрымаўся ў лізе, тым ня менш, адразу вярнуўшыся ў найвышэйшы дывізіён.

У 1940-я гады «Дэпартыва» надумаў пабудаваць новы стадыён «Рыясор», на якім прымае гасьцей дасюль. Гэтая арэна была адкрытая 28 кастрычніка 1944 году лігавым матчам супраць «Валенсіі». У гэты час ключавым гульцом каманды быў брамнік Хуан Акуньня. Ён атрымаў чатыры трафэі Саморы паміж 1942 і 1951 гадамі, што зрабіла яго другім брамнікам у гішпанскай лізе з найбольшым лікам узнагародаў. Клюб скончыў сэзон 1948—1949 гадоў на дзясятым месцы. Наступны сэзон прынёс першае вялікае дасягненьне ў лізе, бо «Дэпартыва» фінішаваў другім, усяго адзін пункт саступіўшы мадрыдзкаму «Атлетыка». Галоўным трэнэрам карунцаў быў аргентынец Алехандра Скапэльлі, які прывёў у клюб групу паўднёваамэрыканскіх гульцоў, сярод якіх былі Хуліё Каркуэра, Асвальда Гарсія, Рафаэль Франка і Дагабэрта Моль. Гэтая група зрабіла каманду больш канкурэнтаздольнай і дазволіла ёй утрымацца ў найвышэйшым дывізіёне дзевяць сэзонаў запар.

Дасягненьні

Чэмпіёны Гішпаніі (1): 2000
Уладальнікі Кубку Гішпаніі (2): 1995, 2002
Уладальнікі Супэркубку Гішпаніі (3): 1995, 2000, 2002

Склад

Актуальны на 19 верасьня 2026 году

№	Пазыцыя	Імя	Год нараджэньня
1	Бр	Хэрман Парэньнё	1993
2	Аб	Адрыя Альтыміра	2001
3	Аб	Арнаў Комас	2000
4	Аб	Люка Нубі	2005
5	Аб	Даніель Барсія	2003
6	ПА	Марк Касадо (ар. Барсэлёна)	2003
7	Нап	П’ер-Эмэрык Абамэянг	1989
8	ПА	Дыега Вільярэс (капітан)	1996
9	Нап	Закарыя Эдагшуры	2000
10	Нап	Ерэмай Эрнандэс	2002
11	Нап	Давід Мэльля	2005
12	Аб	Джакама Квальята	2000
13	Бр	Лео Раман	2000
14	ПА	Рыкі Радрыгес	1997

№	Пазыцыя	Імя	Год нараджэньня
15	Аб	Мігель Ляўрэйра	1996
16	ПА	Лярэнца Аматуччы	2004
17	Аб	Анхэліньнё (ар. Рома)	1997
18	ПА	Ёнатан Асп Енсэн	2006
19	Нап	Люісьмі Крус	2001
20	Аб	Хасэ Марыя Хімэнэс (ар. Атлетыка)	1995
21	ПА	Марыё Сарыяна	2002
22	Аб	Брайт Эдэ	2007
23	Аб	Чыма Навара	1990
24	Нап	Адама Траарэ	1996
25	Бр	Альвара Фэрнандэс	1998
32	Нап	Біл Нсанго	2004
37	ПА	Наэ Карыльлё	2006