Хэтафэ (футбольны клюб)

	Хэтафэ
Поўная назва	Getafe Club de Fútbol, S.A.D.
Заснаваны	1983
Горад	Хэтафэ, Гішпанія
Стадыён	Калізэй Альфонса Пэрэс; Умяшчальнасьць: 16 500
Галоўны трэнэр	Хасэ Бардаляс[d];
Чэмпіянат	Ля Ліга
· 2024—2025	13 месца
	Галерэя здымкаў у Вікісховішчы; getafecf.com (гішп.)

«Хэта́фэ» (па-гішпанску: Getafe Club de Fútbol) ― прафэсійны гішпанскі футбольны клюб зь мястэчка Хэтафэ, што зьяўляецца прадмесьцем Мадрыду. Клюб быў заснаваны першы раз 24 лютага 1946 году пад назвай спартовы клюб «Хэтафэ»^[2] і перазаснаваны ў 1983 годзе, падчас аб’яднаньня некалькіх клюбаў. Хатнія гульні праводзіць на стадыёне «Калізэй Альфонса Пэрэс».

Найвышэйшым дасягненьнем клюбу лічыцца шоста месьца ў сэзоне 2009—2010. Клюб двойчы даходзіў да фіналу кубка Гішпаніі ў 2007 і 2008 гадах. У Кубку УЭФА каманда даходзіла да чвэрцьфінала ў сэзоне 2007—2008, але саступіла нямецкай «Баварыі», што перамагла толькі з-за аднаго голу на чужым полі. Галоўным праціўнікам «Хэтафэ» падчас гульні ў ніжэйшых дывізіёнах быў клюб «Леганэс». Пасьля выхаду ў Ля Лігу асноўнымі праціўнікамі сталі сталічныя «Рэал» і «Атлетыка».

Гісторыя

Спартовае таварыства Хэтафэ быў заснаваны ў 1923 годзе^[3] і выступаў толькі ў ніжэйшых дывізіёнах з 1928 па 1932 гады. Па грамадзянскай вайне ў Гішпаніі ў 1945 годзе пяць мясцовых жыхароў Хэтафэ, як то Энрыке Кандэс Гарсія, Аўрэліё Міранда Аляварыя, Антоніё Карэдар Лясана, Мануэль Сэрана Вэргара і Мігель Кубэра Франсэс, сустрэліся ў мясцовым бары і пастанавілі стварыць мясцовую каманду. Афіцыйнай датай утварэньня клюбу ўважаецца 24 лютага 1946 году^[2].

Спачатку клюб гуляў на Кампа-дэль-Рэхім’ента-дэ-Артылерыя, на якім адсутнічалі брамавыя слупы. Неўзабаве пасьля гэтага клюб пераехаў на Сан-Ісыдра, які месьціўся ў сучасным грамадзкім спартовым цэнтры Сан-Ісыдра. Тут «Хэтафэ» далучыўся да трэцяга дывізіёну пасьля перамогі над «Вільярабледай» у сэзоне 1956—1957 гадоў. У сэзоне 1957—1958 гадоў «Хэтафэ» ледзь не прасунуўся у другі дывізіён, але пацярпеў паразу ад «Альмэрыі»^[4]. 2 верасьня 1970 году клюб адкрыў свой уласны стадыён па вяртаньні ў трэці дывізіён. Пад кіраўніцтвам старшыні Франсіска Вары каманда атрымала перамогу над «Мічэлінам» зь лікам 3:1. У тым сэзоне каманда захавала сваё месца ў трэцім дывізіёне, а праз шэсьць гадоў упершыню трапіла ў другі дывізіён^[5].

Аматары клюбу

Клюб мае вялікую колькасьць аматараў, што падзелены на 18 груповак, у якіх знаходзіцца каля 12 000 чалавек агулам. Акрамя таго ў розных кутках сьвету існуюць суполкі аматараў клюбу ў Аўстраліі, Швэцыі, Фінляндыі, Аргентыны, Шатляндыі, Даніі, ЗША і Мэксыцы. У 2007 годзе была створаная суполка ў Вэнэсуэле. На хатніх гульнях каманды былі заўважаны такія знакамітасьці як Фэрнанда Алёнса й Рафаэль Надаль.

У 2007 годзе было вырашына прадаваць квіткі з выявамі біблейскіх пэрсанажаў Абрама, Майсея і Ісуса. Але гэтая задума агарнулася спрэчкай, таму першую партыю квіткоў з выявай Абраама прыйшлося зьняць з продажу. Усе галоўныя перамогі клюбу сьвяткуюцца ў цэнтры мястэчка ля статуі Цыбэліны. Каманда мае маленькую суполку фанаў-ультрас, што называюць сябе «Сіняя групоўка» (гішп. Comandos Azules)

Склад

Актуальны на 21 лютага 2026 году

№	Пазыцыя	Імя	Год нараджэньня
1	Бр	Іржы Летачак	1999
2	Аб	Джэнэ Даканам (капітан)	1991
3	Аб	Абдэль Абкар	1999
5	ПА	Люіс Мільля	1994
6	ПА	Марыё Мартын (ар. Рэал)	2004
7	Нап	Хуанмі	1993
8	ПА	Маўра Арамбары	1995
9	Нап	Борха Маяраль	1997
10	Нап	Мартын Сатрыяна (ар. Ліён)	2001
11	Нап	Абу Камара (ар. Гал Сіці)	2003
12	Аб	Алан Ньём	1988
13	Бр	Давід Сорыя	1993
14	ПА	Хавіер Муньяс	1995

№	Пазыцыя	Імя	Год нараджэньня
15	Аб	Сэбастыян Басэльлі (ар. Рывэр Пл.)	2003
16	Аб	Дыега Рыка	1993
17	Аб	Кіка Фэмэнія	1991
18	Нап	Алекс Санкрыс	1997
19	Нап	Люіс Васкес (ар. Андэрлехт)	2001
20	Нап	Велька Бірманчавіч (ар. Спарта)	1998
21	Аб	Хуан Іглесіяс	1998
22	Аб	Дамінгуш Дуарці	1995
23	Нап	Адрыян Ліса (ар. Сарагоса)	2005
24	Аб	Саід Рамэра (ар. Бруге)	1999
26	Аб	Давінчы	2007
31	Аб	Ісмаэль Бэкаўча	2004