25 верасьня

25 ве́расьня — 269-ы дзень году (268-ы ў невысакосным годзе) паводле Грыгарыянскага календару. Да канца году застаецца 98 дзён.

Падзеі

• 1818 — у лёнданскім шпіталі адбылося першае ў гісторыі пераліваньне крыві, пры якім выкарыстоўвалася чалавечая кроў, а ня кроў жывёлаў, як гэта было раней
• 1921 — у Празе пачалася Першая Ўсебеларуская канфэрэнцыя. На Канфэрэнцыі прысутнічалі 37 дэлегатаў ад арганізацыяў і партыяў Заходняй Беларусі ды шмат якіх краінаў Эўропы. Канфэрэнцыя пацьвердзіла, што адзіным заканадаўчым органам для Беларусі зьяўляецца Рада Беларускай Народнай Рэспублікі
• 1924 — напад на цягнік каля Лунінца
• 1926 — заснаваны клюб НХЛ «Дэтройт Рэд Ўінгс»
• 1992 — у Менску адбылася першая, пасьля забароны КПСС, кансультацыйная нарада камуністаў краінаў СНД

Нараджэньні

• 1866 — Томас Гант Морган, амэрыканскі генэтык, ляўрэат Нобэлеўскай прэміі (1933)
• 1875 — Сяргей Паўловіч, багаслоў, пэдагог, перакладчык, актыўны дзяяч у галіне царкоўнае асьветы
• 1895 — Ванда Лявіцкая, беларуская пісьменьніца, перакладніца, настаўніца, выхавацелька
• 1897 — Ўільям Фолкнэр, амэрыканскі пісьменьнік
• 1906 — Дзьмітры Шастаковіч, расейскі кампазытар
• 1919 — Панцеляймон Селіванаў, беларускі гісторык
• 1932 — Адольфа Суарэс, гішпанскі палітык, былы Прэзыдэнт Ураду Гішпаніі (1976—1981)
• 1938 — Вячка Целеш, беларускі мастак, гісторык і пісьменьнік у Латвіі
• 1947 — Уладзімер Дражын, беларускі палітык і дыплямат
• 1951 — Пэдра Альмадовар, гішпанскі кінэматаграфіст
• 1969 — Кэтрын Зэта-Джонс, валійская кінаакторка
• 1978 — Рыкарда Гарднэр, ямайскі футбаліст паўабаронца ангельскага клюбу «Болтан Ўандэрэрз» і нацыянальнай зборнай Ямайкі
• 1980 — Нікола Жыгіч, сэрбскі футбольны гулец ангельскага клюбу «Бірмінггэм Сіці», чалец нацыянальнай каманды Сэрбіі
• 1982 — Сяргей Сахарук, беларускі футбольны брамнік
• 1983 — Наомі Расэл, амэрыканская порнаакторка чэска-габрэйскага паходжаньня
• 1990 — Тацяна Шапуцька, беларуская моладзевая дзяячка, прэс-сакратар «Маладога Фронту»

Сьмерці

• 1544 — Валерыюс Кордус, нямецкі доктар і навукоўца
• 1798 — Антоні Касакоўскі, гербу Сьляпы воран — інфлянцкі кашталян, пасол Чатырохгадовага Сойма
• 1965 — Міхась Маскалік, беларускі каталіцкі сьвятар усходняга абраду
• 1970 — Эрых Марыя Рэмарк, нямецкі пісьменьнік
• 1980 — Джон Бонэм, барабаншчык Led Zeppelin
• 1980 — Марыя Ундэр, эстонская паэтка, перакладніца
• 2003 — Юры Сянкевіч, расейскі падарожнік, урач, журналіст, кіраўнік тэлеперадачы «Клюб падарожнікаў»
• 2004 — Майкл Дэвіс, брытанскі каталіцкі вучоны й публіцыст

Вонкавыя спасылкі

25 верасьня — сховішча мультымэдыйных матэрыялаў