Віктар Аляксандравіч Лукашэнка

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Вікіпэдыя мае артыкулы пра іншых асобаў з прозьвішчам Лукашэнка.
Віктар Лукашэнка
Viktor Lukashenko.png
Памагаты прэзыдэнта РБ па нацыянальнай бясьпецы
2005 — цяперашні час
Прэзыдэнт: Аляксандар Лукашэнка
Прэм’ер-міністар: Міхаіл Мясьніковіч
Асабістыя зьвесткі
Нарадзіўся: 28 лістапада 1975 (43 гады)
БССР
Сужэнец: Лілія Лукашэнка[1]
Бацька: Аляксандар Лукашэнка
Маці: Галіна Лукашэнка
Адукацыя: Факультэт міжнародных адносін БДУ
Узнагароды: Мэдаль «80 гадоў памежных войскаў»

Ві́ктар Алякса́ндравіч Лукашэ́нка — памагаты прэзыдэнта Рэспублікі Беларусь (свайго бацькі А. Г. Лукашэнкі) па нацыянальнай бясьпецы, сябра Савету Бясьпекі Беларусі.

Біяграфія[рэдагаваць | рэдагаваць крыніцу]

Калі нарадзіўся сын Віктар, Аляксандар Лукашэнка быў адным з кіраўнікоў у горадзе Магілёве ці ў горадзе Шклове. Віктар Лукашэнка нарадзіўся 28 лістапада 1975 году (паводле іншых зьвестак — ў 1976 годзе[2][3]

Скончыў факультэт міжнародных адносінаў Беларускага дзяржаўнага ўнівэрсытэту ў 1999 годзе[2].

Служыў у спэцпадразьдзяленьні (ВОСАМ) памежных войскаў у Менску ў званьні капітану. Быў ганараваны мэдалём «За выдатнасьць у ахове дзяржаўнай мяжы».[4]

З сакавіка 2001 году зьяўляўся супрацоўнікам Міністэрства замежных справаў Рэспублікі Беларусь у якасьці трэцяга сакратара, дарадніка ў аддзеле Заходняй Эўропы.

З красавіка 2003 году працаваў начальнікам аддзела замежнаэканамічных сувязяў УП «НДІ сродкаў аўтаматызацыі» (галаўное прадпрыемства дзяржаўнага навукова-вытворчага аб’яднаньня «Агат»).

З 2005 году — памагаты прэзыдэнта Рэспублікі Беларусь па нацыянальнай бясьпецы[2].

З 5 студзеня 2007 году сябра Савету Бясьпекі Рэспублікі Беларусь[5]. У 2008 годзе і раней хадзілі чуткі пра магчымасьць прызначэньня Віктара Лукашэнкі старшынём аблвыканкаму Берасьцейскай вобласьці[6]

Падпалкоўнік.

Сям’я[рэдагаваць | рэдагаваць крыніцу]

Тры дзіцяці: Аляксандар (нар. у верасьні 2004), Вікторыя (нар. у 1998 годзе) ды Валерыя (нар. 22 ліпеня 2009)[7].

Узнагароды[рэдагаваць | рэдагаваць крыніцу]

  • Мэдаль «80 гадоў памежных войскаў»
  • Мэдаль «За выдатнасьць у ахове дзяржаўнай мяжы»[8]
  • Знакі «Выдатнік памежных войскаў» I і II ступені

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]